عشق الشيخ صخر

♥43

            - يگولها : أعشگيني ،
          - وأوعدچ لو أخذنه الشيب ؟
          - أعيشچ عمر عشريني ♥️.

مر اسبوع كامل على كعدة شمس جان الكل فرحان بسلامتها بعد ماضلت اربعة ايام بالمستشفى وطلعوها للبيت والشيخ عيدان سوة عزيمة كلش جبيرة بمناسبة سلامة احفادة ذبح قربان سلامتهم عزم شيوخ العشيرة والعمام والخوال

عشق _ من طلعت شمس سوينة حفلة كلش حلوة بيناتنة بس البنات فرحنة بشمس بس انصدمنا بحجي الدكتور انو حالتها مامتعافية بشكل كلي اي ظغط او اكتئاب حتى لو قليل ياثر على حالتها لان متعرضة الصدمة كلش جبيرة بهذا ماثر على حالتها حتى الابتسامة قليلة على شفتها وقليل تحجي على كد السؤال محد متعود انو شمس هيج جانت اسولف وتضحك وتندمج ويا الكل وما مر يوم مانشوف ابتسامتها بسبب هذا الحادث

عشق _ رحت صعدت شمس بغرفتها اهواي تعبت هذا اليوم لان اجونة كووومة خطار يتحمدون السلامتها ونزلت للمطبخ

-نزلت للمطبخ حتى اكل شيء لان ماتعشيت جانت الساعة 12:21 خليت شمس وأزل كاعدات  دخلت للمطبخ فتحت الثلاجة حميت الأكل. داحاول ارفع نفسي حتى أنوش الملح من فووك اووف هسة من حطة هناك اشلون اخذة مااحسيت الا أيد انمدت نزلي الملح درت وجهي واني شووف صخر

صخر_بوية شسوين بهل الوكت بالمطبخ

عشق_جنت جوعان وأجيت اكل شيء حموت  من الجوع 

صخر_ضحك انا هم جوعان سويلي

عشق_ليش انت هم ماتعشيت ليش ضال لهسة ماماكل شيء  وأنت هواي تعبان هااي الفترة مايصير أضل هيج لاز....

صخر_اشتاقيتلج".

عشق_بعدهي مامخلصة كلامها وهو حجة ابتسمت بس مو بكدي”.
اكعد خل اجيب الأكل

صخر_ماشي

عشق_كعد ع ميز جبت الأكل وكعدت بصفة ضلينا ناكل بدون ماانحجي اي كلمة حسيتة تعبان ومهموم مو قليل هذا الأيام كضاهة كلة وياهم تعب اووف منا شغل المعمل والمستشفى والعشيرة رفع راسة وشافني أعاين علية.

صخر_ ابتسم اكو شيء متغير بوجهي

عشق_اي اهواي شغلات انت تعبان ومتغير

صخر_ضحك  رفع حاجبة يعني صاير مو حلوو هيج قصدج

عشق_هههه لا والله موهيج قصدي
صخر_مسح ع رأسها اعرف يلا سويلي جااي اني صاعد انام

عشق_هزيت راسي كام حطيت الجاي رتبت المواعين  وغسلتهن صبيت الجااي وصعدت دكيت الباب ودخلت حطيت الجاي ع ميز اتقدمت وأني اشوف ملابسة مبعثر ة ع جرباية شلتهم  اجيت اطلع مااحسيت الا جرني وحظني من ورة اشتاقيتلج اهواي دفن راسة بركبتها من ورة وياخذ نفس احبج عشقي