اللهم صل وسلم وبارك على سيدنا ونبينا محمد وعلى آله وصحبه أجمعين
_____________________________________
خلي الامل بالله موصول:
عزااااء في ملتزم
- لما تلاقي نفسك بعد ما كنت حابب شكلك باللحية الطويلة بقيت شايف نفسك شكلك أحسن ولحيتك قصيرة ومظبطتها ... اعرف ان قلبك محتاج وقفة مع ربنا !!!
- لما تلاقي وردك القرآن مبقاش منتظم والأذكار مبقتش موجودة والصلاة مبقتش بنفس الروح والنوافل قلت وقيام الليل انعدم ... اعرف انك محتاج تفوق من وهم سك الالتزام اللي بقيت حاسه !!
- لما تلاقي نفسك مقتنع أن أغاني ماهر زين وعبدالرحمن محمد أناشيد اسلامية وعادي تسمعها بعد لما كنت بتسمع الاناشيد اللي من غير أي موسيقي .. أعرف أنك في النازل خالص وعايش في وهم الملتزم !!
- لما تلاقي نفسك بقيت بتقبل تحضر أفراح فيها أغاني ومختلطة وتقعد في كافيهات كلها موسيقى بعد لما كنت بتبعد عن كل ده ... أعرف انك بتنهار!!!
- لما تلاقي نفسك بتسمع الغيبة وبتشارك في النميمة وقلبك بيقبل ده عادي وشايفه مفهوش مشكلة .. أعرف أنك ملتزم ظاهريا بس والملتزم الداخلي مات !!!
- لما تلاقي نفسك بتحقد على صاحبك في نعمة ربنا ادهاله وبتحسد وغيران من صاحبك وقلبك قابل ده ومش بيرفضه ... تبقي محتاج تفوق نفسك بسرعة !!!
- لما تلاقي نفسك بقيت متقبل الاختلاط عادي وبلاش تعقيد والدنيا بيس ... أعرف انك ركبت الزحليقة خلاص
- لما تلاقي نفسك بقيت بتعلي صوتك وتزعل والدك ووالدتك وتسيبهم يناموا زعلانين منك بعد لما كنت بتتمنى رضاهم وبتبوس ايديهم ورجليهم ... أعرف أنك وصلت لايام الجاهلية بسلام !!!
كلنا محتاجين وقفة مع انفسنا ونصحي الملتزم اللي جوانا اللي كان في بداية إلتزامنا ونقتل الملتزم الفالصو اللي بقى موجود دلوقتي !!!
وااه لأيام البدء ايام جد واخلاص
_____________________________________
اللهم صل وسلم وبارك على سيدنا ونبينا محمد وعلى آله وصحبه أجمعين
