كان يا مكان

حلقة 10

#كان_يا_مكان
الحلقة (( 10 ))
قصة من وحي الخيال
للكاتب// محمد مالك
.
.
.
.
.
.

طاهر/ خيرهاا سكينة ؟؟

لينا/  مفيش شئ خيرها سكينة .باستعباط

طاهر/ سمعت المهم اصلا

وطلع

لينا/ يا طاهر اصبرر وين مااشي تعالي طاهر يا طاهر

طاهر من غير اي رد طلع ركب السيارة وولعها

لينا/ اووف يا ماما توا سكينة تقولي قولتليله علاش تسالي مفروض مقتلكش اصلا

امال/ لحد امتا بيدسو عليه مش خطيبته وانتي شن تبي فيه مقايلتيله تعالي

لينا/ اهو حتا الموضوع بيتاجل

امال/ موضوع شني

لينا/ معاش بنقولك حتا حاجة

وركبت الدروج

طاهر يسوق وقاعد مصدوم مش مستوعب شئ نهائي

((صدمة عمر مرت علي ولا حسبت حسابها 💔))

طول الطريق سااارح ونجمع في الموضوع تفكرت يوم داخت وتحاليل الي من بعد ما تمشي تشوف النتائج معاش اتصلت بيا ورسالة الي بعتتها مصدوم كيف اني بالغباء هاده علاش مفكرتش في تحاليل من بعدها معاش كلمتني وووواك راسي بينفجر

درست السيارة
اتصلت بيها مردتش عليا
نزلت من السيارة مشيت طقيت الباب

فتح علاء

علاء/ شن تبي

طاهر/ علاء والله مخنوق وواصلا حدها نبي نشوف سكينة

علاء/ شن تشوف فيا ديوث قدامك ولا كيف

طاهر/ لا حشاك بس سمعت بالمرض

علاء/ ومن قالك انتا هاااه ؟

طاهر/ غير افهمني اني كلمتك قبل وقتلك بنجيب اهلي وجبت اهلي وعطيت كلمة واني عندي مبلغ قبل بندير بيه عيادة اسنان بس نساعد سكينة الي بنكمل معاها عمري ف لو سمحت خليني نكملها

علاء/ به يا سيدي كلمها 5 دقائق عندك وتقعد بعيد عليها

طاهر/ به راضي بي دقيقتين

علاء/ خش تفضل

طاهر/ يزيد فضلك

خشيت الصالون بسم الله

شوية قعدت نستنا خشت من الباب ومعاها عصير وعلاء يفنص مش عاجبه بكل

سكينة/ السلام عليكم

طاهر/ وعليكم السلام

قعمزت بعيدة عليا شوية

طاهر/ علاش دسيتي عليا

سكينة/ من قالك علاء ولا لينا ؟

طاهر/ اني سمعت لينا تحكي معا امها توا المختصر علاش دسيتي عليا