#كان_يا_مكان
الحلقة (( 4 ))
للكاتب/محمد مالك
.
.
.
.
.
( سافعل المستحيل من اجلك حتا لو كان الثمن غالي 💔)
وصلو المستشفي
بوه نزل طاهر وقعد يعيط جو ناس ساعدوه دخلوه
يجرو غرفة عمليات
بوه قعمز ايديه بدم طاهر يشوف للدم
خسرت واحد مش حنخسر الثاني نعرفك قوي يا طاهر
وام طاهر تتصل
وبو طاهر يسكر عليهاا
________
عند سكينةة
اني دخت وقلبي غص لما طاهر نضرب
علاء/ شوفتي شن جابت بنتك من مصايب فوق راسنا
ام سكينة/ قاعد ف الحوش انتا امشي اهرب مرات عندهم جماعة توا يقتلوك
علاء/ توا بنهرب اني باهي لكن بنتك مزال حسابها معااي
سكينة في دارهاا تبكي وقلبها واجعهااا علي طاهر بشكل غريب وراسها صداع بكل
رن تلفونها
شافت لقاته لينا
سكينة خدت منديل مسحت دموعها
سكينة/ الو
لينا/ حي تبكي شن صار
سكينة/😭 طاهر نضرب برصاصة
لينا/ حي عليا اني تدوي جديات انتي
سكينة/ علاء ضربه
لينا^ دموع ينزلو بلا ارادة/ شن صارله ؟
سكينة/ منعرفش بس شكله بوه خداه رفعوه مستشفي طمنيني يا لينا
نفتح باب دار سكينة
ام سكينة/ شفتي شن درتي شفتي
سكينة سكرت المكالمة
سكينة/ شن ذنبي اني والله ما نعرفه هوا شادها في جرتي
ام سكينة/ مفيش حاجة شادها في جرتي لو درتيله العين الحمراء راه معاش قربك عجبك توا خوك هارب مرات يقتلوه بس لو جاء بوك وسمع والله ما دخلني بيك ان شاء الله يقتلك تعبت واني ندافع عليك
سكينة/ شن درت اني مش ادافعي عليا كله ظلم تضربو فيا كيف الحيوانة عندكم انتو الوحيدة كويسة معاي شكلك عندك نية تضربيني تعالي خودي حصتك مني يا ماما الوحيدة انتي مزال يا غيبة خوي منير بس امتا يروح من الغربة السودة الي بعداته عليا لما كان في الحوش يفكر واحد يمد ايده عليا
ام سكينة/ اصلا لو يسمع خوك منير لما يروح يضربك
طلعت وخبطت الباب
__________
عند لينا
سكرت المكالمة
قعدت نبكي ومش مصدقة
نزلت خشيت دار ماما و بابا
لينا/ ماما ماما
ام لينا / خيرك في لليل
لينا/ ضرب طاهر برصاصة
ام لينا/ شن تقولي يا بنت انتي
لينا/والله يا ماما رفعوه مستشفي منعرف شئ ثاني
أنت تقرأ
كان يا مكان
Romanceقصة من وحي الخيال بالهجة الليبية تتكلم عن شاب مغرور طاهر كيف غروره متحكم بحياته لحد يوم كل الغرور وتكبر تبخر امام فتاة راها في الكلية معا تخبطات وصراعات علي خاطر حبه الي خطفله قلبه
