#كان_يا_مكان
الحلقة (( 15 )) وما قبل الاخيرة
قصة من وحي الخيال
للكاتب// محمد مالك
.
.
.
.
.
.
سكينة..تبكي/ لااااا ماما لاااااا
شخص/ يا بنتي امك في حوشي حوشكم فاضي
سكينة/ وينهااا وينهااا
شخص/ تعالي معاي
رفعها حوشه
خشت
ام سكينة..تبكي/ هوا شن عندنا غيره ه الحوش يا كلثوم
كلثوم/ ربي يعوضكم خير اهم شئ طلعتو سالمين ولدك طلعك قبل ما تولع النار
سكينة/ ماما
ام سكينة..ناضت تجري حضنت سكينة
سكينة/ شن صارلك صارتلك حاجة ؟
ام سكينة/ لا خوك شافها والعة طلعني لكن الحوش مشي فيها
سكينة/ اهم شئ سلامتك خفت عليك قريب متت
كيف حالك عمتي كلثوم
كلثوم/ الحمد الله بخير يا بنتي امتا باقي علاجك
سكينة..اضايقت حست روحها انسانة طبيعية رغم معندهاش شعر بس انسجمت ونسيت كل شئ لوهلة
سكينة/ قريب مزال اسبوعين
كلثوم/ به علي خير ان شاء الله بالشفاء
سكينة/ امين وين علاء يا ماما
ام سكينة/ والله ما نعلم عليه حطني هنا ومشي
______
عند طاهر
يرن تلفونه وهما يطفو في النار
طاهر / الو مصطفي
مصطفي/ وين مغطس يا غالي شن جوك شن ادير
طاهر/ الحمد الله اهو نطفئ في نار
مصطفي/ نار شن يا راجل
طاهر/ توا نعاودلك نعاون في ناس يا راجل
مصطفي/ تم خلاص
سكر من عليه
بعد ساعتين طفو حوش ام سكينة وكانت النار واكلته يعني حتا سكن ميقدروش يسكنو فيه لان يديرو صيانة
طاهر لاحظ ان علاء مختفي رن عليه
علاء/ نعم يا طاهر
طاهر/ وينك يا راجل حوشكم والعة فيه نار وانتا وين
علاء/ تبعتهم
طاهر/ وين انتا
علاء/ لا خلاص عرفت مكانهم
طاهر/ هما نفسهم
علاء/ ايه هما شفت واحد منهم
طاهر/ به غير تعالي ونتصرفو
علاء/ به تمام
طاهر قال لي سكينة انه ماشي وركب سيارته
أنت تقرأ
كان يا مكان
Romansقصة من وحي الخيال بالهجة الليبية تتكلم عن شاب مغرور طاهر كيف غروره متحكم بحياته لحد يوم كل الغرور وتكبر تبخر امام فتاة راها في الكلية معا تخبطات وصراعات علي خاطر حبه الي خطفله قلبه
