#كان_يا_مكان
الحلقة (( 11 ))
قصة من وحي الخيال
للكاتب/ محمد مالك
.
.
.
.
.
.
.
شخص/ للاسف النتائج طلعت وتم ثتبيت ان في اورام بس بعد قليل وفي مرحلة مبكرة عكس التحليل في مرحلة متقدمة يعني في تزوير في الموضوع بس كيف منعرفوش لهذه انتا لازم تجي غدوا الصبح وبروحك
طاهر/ كيف يعني التحليل الي درتوه طلع عنده ورم حتا هوا ؟
شخص/ ايه
طاهر/ لا حول ولا قوة الا بالله تمام صحيت غدوا توا نجي
شخص/ بروحك
طاهر/ تمام
مروان نازل من الدروج
مروان/ في من تكلم
طاهر/ السفارة
مروان/ ايه شن قالو
طاهر ساكت ويشوف لي مروان
مروان/ خيرك تشوفلي تكلم
طاهر/ مروان
مروان/ خييييرك يا ولد تكلم عرفناهم رفضوك تكلم
طاهر/ صوفيا مريضة
مروان/ ههههه وكيف عرفت
طاهر/ من تحليل الي خداه الدكتور الي في سفارة
مروان/ والله ما وقت بصارتك راه
طاهر/ اقسم بالله في مرحلة مبكرة يعني اكتشفناه قبل ما ينتشر ومرات علاجه ساهل
مروان قعمز ع الكرسي من قوة الخبر وحك ايده ع راسه
مروان/ وشن قالو يعني حناخدو التاشيرة ؟
طاهر/ يبوني غدوا عرفو في تزوير لان تحليل سكينة يقول انه في مرحلة متقدمة ومنتشر عكس صوفيا في بدايته وقاعد مش منتشر
مروان/ بنمشي معاك
طاهر/ يبوني بروحي
مروان/ به قول لي بوي خود سيارته وامشي لازم نتاكد بندير تصوير مغناطيسي لي صوفيا غدوا
طاهر/ كيف بتقلها ؟
مروان/ مش عارف بنركب نقولها
طاهر/ به تمام
قعمز ع صالون طاهر وحط ايده ع راسه يفكر كيف المصايب جت من كل مكان وقعد يفكر
بعدها سمع صوت صوفيا تبكي عرف ان مروان قالها
طاهر/ استغفر الله العظيم واثوب اليه
خش بوه
بو طاهر/ خيرك
طاهر/ شئ يا بوي اهو المشاكل تجي من كل مكان
بو طاهر خش وسكر الباب
طاهر استغرب لان في العادة ميتسكرش بكل باب الصالون دئماء مفتوح
بو طاهر قعمز قدامه
أنت تقرأ
كان يا مكان
Romanceقصة من وحي الخيال بالهجة الليبية تتكلم عن شاب مغرور طاهر كيف غروره متحكم بحياته لحد يوم كل الغرور وتكبر تبخر امام فتاة راها في الكلية معا تخبطات وصراعات علي خاطر حبه الي خطفله قلبه
