تمنيته رجل بيتي (مكتملة)

صديقاتي

#الكاتبةورودالخالدي

#تمنيته_رجل_بيتي

البارت1

طيبة:

اني طيبة27سنة مدرسة رياضيات اسكن بغداد  طبعا تعينت بصعوبة وبواسطات وبفلوس لان ماكو تعينات .. صارلي سنة من تعينت.. بابا عندة مطعم سياحي  طريق بغداد كربلاء  وابداية تعيني جان بيتنا قريب من المدرسة الي اداوم بيها بس بعد 3 اشهر بابا وماما قررو نشيل ابيت جديد وحديث بس عيبة الوحيد انه هو بعيد كولش عن المدرسة الي اداوم بيها حاليا  وبعيد عن مطعم بابا هم بس ماما كتلت نفسها عليه الاتشتريه لان حيل عجبها بناءة حديث وجبير  المهم اشترينا وسكنا بيه ماما فرحانه بيه بس الهم صار كوله ع بابا جان يضطر يوصلني من الفجر لمدرستي ويرجع خطية لشغلة بالمطعم.. والمطعم يشتغل خير من الله لان سياحي  المهم بابا صار عنده مبلغ بالمصرف قرر يسوي بيه مشروع  وبقى فترة يفكر بمشروع جديد واخيرا قرر يفتح محل البسه نسائية ومكياج واكسسوارات لان ربحهن هواية ومضمون وصدفة لكه محل فارغ قريب من مدرستي وفعلا فتح المحل الناس تسميه مول زغير بس بابا يسميه محل لان مساحته اصغر من مساحة المول  واول مابده المحل يشتغل اشتغلن بيه اثنين بنات  واني هم ارتاحيت بعد ما انتظر بابا ساعة وساعتين يم  باب المدرسة لان اني اطلع من وكت تقريبا ساعة 12 وبابا يجيني ساعة1 لو1 ونص فاضطر انتظره يم  باب المدرسة لان الدوام الثاني يبدي وبيه هوايه مدرسين واستحي اكعد بالادارة ويه الدوام الثاني الى ان يجي بس من فتح المحل كمت اروح اكعد بمحل بابا انتظريم البنات وبدا المحل يشتغل يوم عن يوم صار لمحل بابا معاميل وانعرف بس بابا يشكي يكول وارد المحل مو شي لان جاي يصرف بضاعة هوايه بس الوارد مو بحجم البضاعة الي يصرفها وبدا يشك بالبنات الي يشتغلن  بي وفعلا طلعن البنات ياخذن من وارد المحل لوياخذن البسه ويبيعنها برة المحل وياخذن فلوسها بابا حيل ضاج من هالموضوع بس مكدر يطردهن لان المحل ابدايته وخاف يعزله كم يوم وينكسر وميرجع يشتغل مثل قبل.. وبقه محتار بهالموضوع.. اني عندي اربع مدرسات صديقاتي اول متعينت تعرفت عليهن ويوم بعد يوم قوت علاقتنا وصرنا مثل الاخوات نسولف كولشي وحدة متضم  اللخ حتى مشاكل حياتنا نحجيها ابد منخلي شي كل منجمع نخلصها سوالف وضحك  وحدة اسمها نبأ مدرسة انكليزي ابنيه حيل حلوة عيونها زروك وعلوية وشعرها اشكر حيل تخبل وطبعها هم حلو برغم تشكي من اهلها لان معقدين بس هيه فرفوشة وحبابة والثانية سوسن نسميها العمشة لان رموشها عبالك بيض وشعرها لونه غريب  بس هيه موذاك الجمال من كد البياض والنمش جنها عجوز وبيها حالة كل شوي تكوم تغسل اديها وتضوج من التراب  وتوهوس من كولشي بس هم حبابه وحيل اجتماعيه والثاثة اسمها هيام هذه مدرسة اجتماعيات سوالفها حلوة وتشتغل خياطة بعد الدوام حيل ذواقة وخياطها يخبل وعدها خبرة بالمكياج وتسريحات الشعر بس هيه اكثر  وحدة بينه صريحة ومنفتحه وماعدها سالفة غير ابن خالها هو متزوج اثنين نسوان وهيه مجلبه بيه وتحبه وميوكع من لسانها اما الرابعة فهاي كارثة موطبيعية اسمها يضحك وحجيها يضحك وكولها على بعضها مسرحية كوميديه بنيه فطيرة والي بكلبها على لسانها هي اصلا من منطقة عفج بالديوانيه وسكنو بغداد قبل اربع سنوات من اكعد يمها انسى الدنيا وبطني تضل توجعني من الضحك سوالفها وحدة اضرب من اللخ تقلد ع اهلها لا وفوكاها اسمها عوفة ههه خطية مدري شلون اهلها سموها هالاسم الغريب ولهجتها جنوبيه دافيه وحلوة وتحب تنكت يوميه تحجيلنا نكات واحنا نضحك هي تكيف تكول: