تمنيته رجل بيتي (مكتملة)

كللللللللوش😂

#الكاتبةورودالخالدي

#تمنيته_رجل_بيتي

البارت4

طيبة:::

الصبح رحت للمدرسة عادي كولنا مجمعين قبل الدوام وسولفت للبنات ع الي صار بينا سوسن كالت:

يعني هسه رقمه صار عندج اي شكو عليج؟

شنو شكو عليه سوسن واذا رقمه عندي لو اموت ما اتصل بيه

طفرت عوفة

لتتصلين بيه انطينيا واني اتصل بلكي ينعجب بيه وتصير القسمة لان انتي فاهية ماتعرفين مصلحتج؟

انجبي عوفة انطيج الرقم شلون

فهيام كالت:

يمه.. يمه اشتعلت الغيرة

اهوووو اشتغل التصنيف

فسوسن كالت:

ولج لتتصلين بيه دخلي رقمه  البحث مال الفيس بلكي يطلع حسابه وادخلي عليه بحساب وهمي وسولفي وياه

لا..لا ما اسويها .. عود انتن صديقاتي ولا زم تنصحني نصيحة بيها خير شهالحجي المخربط واذا عرف بعدين شلون راح يفكر بيه

هاي شبيها.. اكولج بحساب وهمي شلون راح يعرفج؟

لا وهمي ولاحقيقي وليش احجي وياه بغير وجه عيب عليه  بعدين اني مكاتله نفسي لهلدرجة ودا اشوفه كل يوم

فهيام كالت:

بكيفج يالمنتعنطزة.. خليج تباعين عليه وتتحسرين لامحصلة  كلمة منه ولا حق ولاباطل دشوفيني اني وكامل اصلا ولا اهتميت ادري بيه عنده اثنين نسوان واحجي وياه وخليته يحبني ويموت عليه

وشنو تعتقدين تصرفاتج صح ويه كامل.. يعني تعرفين هو مرتبط وعنده عائلتين شتتصورين صدوك راح يتزوجج؟ لتزعلين هيام الف مرة كتلج علاقتج بكامل غلط بس انتي تحبيه شسويلج ميفيد وياج الحجي

وليش ميتزوجني .. اصلا هو حجة ويه امي وكلها اريدها .. بس امي مقبلت لان ماخذ  اثنين نسوان

شفتي موكتلج زواجكم صعب

اي صعب بس مو مستحيل دنسولف منتبنه على نبأ خطيه حاصرتها البجيه  فكلت:

نبأ شبيج اليوم شو موطبيعية؟
مبيه شي قابل شبية

لا بيج شي والله .. جنج مغثوثة حيل

تحجن يوميه ع الحب واني احس نفسي مو مثلجن مو من حقي احب

ليش مو من حقج نبأ اشو انتي احلى وحدة بينه.. والف واحد يتمناج.

اي صح الف واحد يتمناني بس اهلي مينطوني الا لسيد ومن كرايبهم؟

ليش صاير شي جديد؟

اي اكو ناس راح يجون علي اهلي باجر يردون يخطبون

اي وشكو بيها صلوات.. صلوات.. بلكي تصير القسمة