تمنيته رجل بيتي (مكتملة)

اغراءات

#الكاتبةورودالخالدي

#تمنيته_رجل_بيتي

البارت2

غسان:::

صارت الساعة 12الظهر واني ارتب بالمحل غيرت هوايه شغلات خصوصا  الشغلات القريبة من مدخل المحل دخلت جوة يم غرفة التبديل طلعت قطع ملابس من الجياس وعلكتهن وبقيت انوع بالوان الملابس حتى يجذبن النظر بقيت ملتهي ادندن اغنية

طيبة :::

رحت للمحل ورة الدوام جنت ميتة عطش بس اريد اوصل حتى اشرب بطل مي  ادري بالعاملات مروة وصبا يخلن ترمز وبيه بطالة مي دخلت للمحل مشفتهن بس اسمع صوت دندنه فكرت اكيد جوة يرتبن بالغراض ومشغلات اغنية ع الموبايل  باوعت اشو الترمز ماكو.. رأسا كلت بصوت عالي:

مروة.. صبا.. يمعودات وين ترمز المي ميته عط...ش

بعدني ممكملة جان يطلعلي ولد من الممر فزيت:

بسم الله الرحمن الرحيم.. .. منو..منو انته وشدتسوي بمحلنا

هو رفع عيونه بس باوع لحظات بوجهي ودنك بسرعة وكال:

اكيد انت بت حجي محمد

اي اني بنته منو حضرتك وشدتسوي هنا؟

اباوع عليه شاب جسم وعضلات ولحية تخبل مدنك وشعره يتحرك من  دنك وحجه:

اني غسان .. العامل الجديد..

اباوع عليه مشدوهة معقوله هذا عامل يا الله شلون عامل هذا شنو هالجسم اليخبل لاوفوكاها لابس تي شيرت اسود ربع ردن وبنطرون اسود وحزام عريض وحذاءه تلمع عبالك  ممثل موعامل يربي وين لكاه بابا هذا العامل فكتله:

لعد مروة وصبا وين؟

الظاهر .. الوالد ميريدهن فطردهن؟

هاااا.. زين بابا كلك اني راح اجي انتظره هنا

اي اختي كلي.. سمعتج تكولين عطشانه .. هسه اجيبلج بطل مي

وبسرعة طلع خلاني مثل المصدومة لااخذ ولا انطي دقيقتن رجع وانطاني البطل بأيدة اليسرة  شكد حلوة الساعة الجبيرة بأيدة لان ايدة رجوليه  لونها فاتح ومغطيها كومة شعر اسود دخيلك ربي منين طلعلي هذا العامل

اختي استريحي هنا بينما يجي الوالد

كعدت هو دخل جوة بالممر 

هسه غير يرفع راسه حتى اشوف ملامحة زين مشفته زين بس مدنك ويحجي وبينما اني كاعدة دخلن اثنين بنات
يباوعن  المكياج والعطور المسطرة  الرف هو بسرعة اجه يم الميز وكف اختارن شغلات وخلنهن بعلاكة وكفن يمه رفع راسه يحجي وياهن هسه اني شبيه مثل المشايفة بس اراقب بيه يا الله شنو هالوجه شكد حلوة عيونه رموشه طوال ومكلوبات  كوله حلو لحيته وخشمه وتفاصيل وجهه .. استحيت من نفسي كصيت الولد كص وهوملتهي يسولف ويه الزبونات زين ليش مرفع راسه وحاجاني ويه البنات عادي رفع راسه ويسولف ويبتسم خرب .. خرب.. وين لكاه بابا بس اريد اعرف؟