خلصت العطله وبدأ العام الدراسي الجديد وصارت سالي مرحله ثالثه .. بدأ اول يوم... وبدو الشباب حسن وجماعته ايعدون مكيده لسالي
وطبعآ سالي ممفكرة راح يجي يوم واتصير بيها مكيده
طبعآ بدآ حسن ايعد العده ويفكر
ومرت الايام وحسن والشباب ايفكرون شلون انوكع سالي
صفاء وعلي لازم نبدي بصديقاته سالي ومن خلال صديقاته
نكدر انوكعها
حسن ... وصفاء .. وعلي .. طلعو بالسياره
وكعدو على الشط
صفاء .. اتركت بالبنيه بحاله ياحسن
وين تريد توصل وعندك بنات اهواي شسوي بيه كافي
حسن.... انه لازم اكسر كل خشم عالي وماكو بنيه تكوف اكبالي لازم اوكعهن
علي ... يابه احنى نختلف عن الشباب خلقنا لنفترس
صفاء .. شباب عندي فكره
حسن وعلي ... شنو الفكره
صفاء .... لازم انته ياحسن تتقرب لصديقاته وباجر بالدوام تبدي اسلم وتغير اسلوبك وياهن
حسن ... وبعده شنو اسوي
صفاء ... بعدها يبدأ التنفيذ
داوم الشاب وبدو يتقربون على صديقات سالي ويحاولون ايصرون مجموعه وحده وياهم بنات بالخطه وحاولن ايجذبن صديقاته
محاوله ورى محاوله
عرفو كلشي على سالي بيتهم وهلها وكلشي عنها
بس المشكله اكثر شي بالحياه من تنطعن بالظهر من اقرب الناس وانته حاسبهم اخوه بس ما تعرف بيهم ايطعنون بيك
وطبعآ هذة اعظم خيانه من اقرب اثنين اله بالكليه
وبدءت سالي تتصل ميجاوبن
اتراسلهن ما ايردن
صارن يمشن وي شلت حسن
وعافن صديقتهن
بقت سالي خطيه وحيده بالقسم
اغلب البنات ايسمعوها حجي بسبب غرورها وجماله
من تجي للبيت بس تبجي
امها .. سالي شبيج ماما متغيره
سالي .. ماما ماكو شي بس عرفت الناس على حقيقتهم
والحقد الي بداخلهم كارثي الي ما الك دخل بيهم
بس ما تخلص من حقدهم
امها .. معليج يا بنتي الكلاب تنبح والقاقله تسير
وانتي ما بقى شي راح تتخرجين واصيرين صيدلانيه وتكملين حياتج بنجاح .. لا تحسبين شي لهذه الناس الي ماعندهم غير دمار المجتمع
أنت تقرأ
الحب لا يعترف بالطبقات
General Fictionقصه مشوقه جدآ بين الغنى والفقر بين المستوى الدراسي وبين الفكر والغيره العربيه الاصيله دائمآ للقدر دور في الحياه مهما نخطط ونحسب ونفكر لابد انمشي بطريق القدر نكون راضين او لا يفعل القدر بنا مايشاء
