بعد ما اعترفت سالي با الحب الى حيدر وصارت المشاعر من الطرفين ونولد الحب من رحم المعاناه
بدت الضغوط على سالي من ابوها وامها انو تقبل بعمر ابن خالته
وبعد ما خلصت من حسن اجه موضوع عمر
بس هنا كانت الضغوط اكبر
بس سالي قويه جدآ الى ان تعرف بشي صدم الجميع
كالت انه احب الي نقذني بيوم الحادث لان زلمه ورجال وابن اصول
ابوها وامها انصدمو معقوله هيج عقليتج اترفضين الاحسن وترجعين الى واحد حافي مع الاسف على التعب الي تعبناه عليج
اخذو منها الموبايل
بس هي انطت العنوان الى حيدر انو يجي يخطبها
اكيدر مراح ايوافقون عليه لا شهاده ولا عمل وانسان شراني
وفعلآ اجه حيدر لبغداد ونطرد من الباب لان ناس عندهم طبقيه بالتعامل مع البشر لان امها صح دكتوره بس الشهاده مو كلشي بالحياه
والثقافه ما اله علاقه بالشهاده لان تخصص اكاديمي تكدر تاخذلج مجال بالعلم وتتعين وتاخذ راتب
بس الثقافه هي اخلاق واحترام وتعامل مع البشر بكل معنى الكلمه
رجع حيدر خائب الظن بعد كل هذه المعاناه
وبدءت الضغوط على سالي وبدت تكثر المشاكل وتحول عمر من محب وعاشق الى وحش
ونرجع وانكول البشر مثل المعادن كل ما طال الزمن ايبين الغالي من الرخيص
ورجع ايهدد بسالي انو يكدر يوصل لحيدر
ومنوع اتحب غير عمر
بعد ماكان حسن وشره
هسه عمره وشره
بس دائمآ للقدر رأي اخر
رجع حيدر ورجع تهديد ابو حسن وفرو القضيه عليه جنائيه وصار حيدر مطلوب للدوله بدون وجه حق ولا ذنب
وميكدر يتحرك لان ابن عموهم انطه كلشي عنهم وقررو انو ايشلون للمزارع في النجف الاشرف
وخذو مزرعه بعيده كلش
وبدو يشتغلون لان همه اخوان 7 وحيدر الثامن وبعد كل هذه الفتره مر اكثر من شهرين على اختفاء سالي
وبعد اهلها ما فقدو كلشي منه اتصلت بحيدر وتعال اخطبني وشرح الضوعيه والعيشه هي قبلت بهذا الشي وتعيش وين مكان
جاب اهله وخطب وملج بنفس اليوم وراح ثاني وحيده سالي لاهل ولا صديقات
وبدءت حياة جديده وصعبه بس بدء حيدر بشتغل بالمزرعه واذا كان الموسم مربح جدآ وقرر انو ايأجر بيت بالكوفه وايخلي زوجته اتكمل صيدله بجامعة الكوفه وفعلآ بعد ما خلص من كل التهم رجعت سالي للدوام وهو زاد رزقه وذا صارو هو وخوانه حالتهم الماديه قويه جدآ واشترى بيت وسيارة
وتخرجت سالي وكانت كلش سعيده وي حيدر وصار عندهم ولد اسمه جهاد لان الاثنين جهادو
وبعد التخرج حيدر وسالي قررو اينتقلون خارج العراق وهسه همه بالسويد وصارو عندهم 3 اطفال
واخوان حيدراستقرو بالمزارع وحالتهم كلش زينه
ابو حسن خسر كلشي وهسه بي جلطه طريح الفراش وحسن ازوج وهسه صيدلاني بس مامرتاح بحياته لان نذل
واهل سالي رجعو يتواصلون وياها
اسف لان ما كدرت اطولها عليكم
القصه حقيقيه وبيها اضافات
الي عنده ملاحظات يدزلي
انتظروني بقصه جديدة
أنت تقرأ
الحب لا يعترف بالطبقات
General Fictionقصه مشوقه جدآ بين الغنى والفقر بين المستوى الدراسي وبين الفكر والغيره العربيه الاصيله دائمآ للقدر دور في الحياه مهما نخطط ونحسب ونفكر لابد انمشي بطريق القدر نكون راضين او لا يفعل القدر بنا مايشاء
