الحب لا يعترف بالطبقات

الجزء الحادي عشر

الكلام مرات ايصير بالقلب او بالعيون والعيون تختزل هواي حجي بين الناس الي تفتهم على بعض والي تقرأ بعض من خلال نظرات العيون بعض علماء النفس اكدو انو اكو لغه بين العيون

سالي من باوعت بعيون حيدر انولدت افكار كثيره ومن بين هذه الافكار الي صارت بخياله وبعقله شنو معنى هذه النظرات معقوله هو هذا الرجل المنقذ وليش يجي لباب الجامعه على مودي زين ليش اختفه ومن هو وشنو هو وهواي افكار صارت وي سالي
لان هي ماتعرف شعور الحب لان ما ينولد بسهوله لان هو الحب ايخليك ما اشوف غير الشخص الي اتحبه من بين كل الناس
ومابين هذا وذاك راح ايكون للقدر شي اخر
حيدر هذا الشاب الي دخل هذا الصراع مع أناس يمتلكون كل شي وايريدون كل شي هو الحلقه الاضعف في هذه الحرب
البعض من الناس ينظر الى جمال الشكل وما ينظر الى جمال الدين او الاخلاق
وبعد ما خلصت السنه والامتحانات لان كانت سنه صعبه على سالي لان كشفت كل الناس الي حوله من اهل او من الجامعه او من اقارب الكل ضد هذه البنيه بدون ذنب ولا سبب فقط لان هي جميله وشخصية قويه
ابو سالي لازم يوفي بوعده الى ابو حسن هو منطي وعد انو بالعطله راح اتصير الخطوبه  وبدت الاتصالات من ابو حسن على ابو سالي 
وبدت الضغوط على سالي
ابوها ... بنتي سالي اني وافقت من خطوبتك على حسن وانه بعد ما منطيهم جواب بس الوعد على العطله واجت العطله لازم اتوافقين
سالي ... بصريح العباره كالت بابا اني مو سله انباع واشترى بابا انته ممحتاج كلشي ومراح ايفيدونك بشي لان عمر الفلوس ما صنعت امان او قوة او عافيه او ستر هاي الناس اريدون كلشي جميل ويستحوذون على كلشي بس انه مستحيل ايكدورن عليه
ابو سالي...اني اريد اتخلص من الشر ونطئن عليج وعلى مستقبلج
سالي ... انتم ترتاحون وانه اروح للعذاب وي اهل الحرام والوحوش الي رادو شرفي هذ الشخص عمره مراح ايكون زوجي حتى لو اخسر كلشي عافيتي دراستي  
ام سالي... الدكتورة المثقفه سالي انتي ماترين الخير وعمرج اضلين بالذل وي الطبقات الفقيره الوصخه
سالي ..  هذه الطبقات الفقيره الي تارس العياده مالتح والي عايشين بتعبهم صح فقر بس جشاع وعندهم كرامت نفس لان الانسان الزين الدينا تعكس ويا والفلوس مو كلشي يادكتورة
امها.. واخوانه علنو مقاطعه على سالي محد بالبيت يحجي وياها
وضلت من المطبخ الى غرفته
حيدر بعد ما تعرف على السايق الي صاحب حسن ويعرف الشله ومشارك وياهم اتصل علي حيدر كال اله تكدر اجيب صفحة البنيه الي اسمه سالي
السايق .. اكيد ابوكها من موبايل حسن لان يعرف الصفحه بس حاظرته وبعد ماكدر ياخذه اسم الصفحه وصلت الى حيدر
حيدر كتب اسم الصفحه وهسه لازم ايراسله وكانت الساعه 10 من مساء يوم الاحد في الصيف
يتبع