صارت الساعه ب 10 من وبهذا اليوم الصيفي الحار جدآ ... لزم الموبايل حيدر ودخل على صفحت سالي وبس صفن لحظه دخل على الماسنجر ايريد ايدز رساله بس بصفته شنو ومن ايكول اترد عليه عاف الموبايل ورجع طلع برى بالشارع همه بيتهم منطقه شعبيه والناس كله تحترمهم وخصوصآ حيدر هو جبير اخوته وابن اصول
دخن جكاره وضل صافن ما يعرف شنو ايسوي تالي قرر ايدز مهما كانت ردود الافعال
حيدر ... اسف دخلت خاص
السلام عليكم شلونج سالي حبيت اطمئن عليج انا حيدر الي نقذتج يوم الحادث
دز الرساله ومنتظر الرد وخايف ومرتبك لان اول مره ايصير بي هيج
سالي كانت طالعه فوك السطح واتباوع على النجوم والدنيا سوده بعينه لان مشافت السعاده رغم كلشي متوفر بس المال ما ايجب السعاده
رجعت للغرفه
فتحت الموبايل شافت طلب مراسله على الماسنجر
توقعته من طرف الشله او واحد مشتبه او حسن لان كل شويه يدخل عليه بصفحه
عافت الموبايل ... رجعت تكتب مذكرات حزينه
بعد ساعه تقريبآ صارت ب 12 فكرت تفتح الرساله
فتحتها .. شافت الرساله .. كالت خاف لعبه هذه
هذا الشخص من سابع المستحيل انو يعرف حسابي
دخلت على الصفحه مالته صورة عكال وشماغ احمر ودشاشه بيضه وعنده اكثر من 1000 صديق
ضلت شاكه بالموضوع فما ردت لان خاف مكيده وهي مناقصه ضيم
خطيه حيدر منتظره شافها قرت الرساله وما ردت
ضاج وعاتب نفسه انه سويت بروحي وي ناس طبقين
ضل حيدر بالباب لان اجو جماعه وكفو يمه
رجعت سالي شنو هذا ما ايلح معقوله هو زين شنو ايريد
ليش ما ارد عليه وموقفه كلش مشرف
سالي ... عليكم السلام ورحمة الله وبركاته
حيدر ... تفاجئ كان اكو رساله فتحها
حيدر ... مستغربه طبعآ شلون جبت حسابج
سالي .... اكيد لان ما تعرفني بس شلون كدرت اجيب حسابي خاف مو انته الشخص الي نقذني شنو الي يثبت
حيدر ... مو مهم اثبت الج
سالي.. انته وين صار بيك الدهر وليش نقذتني
حيدر.. ماتسمحلي غيرتي ان اشوف هذا الموقف واسكت لو اموت لازم انقذ الضحيه
سالي ... بدون ما تعرف الاسباب
حيدر ...اكيد بس مو 4 رجال على بنيه وحده هذه شغلة ضالم ومضلوم
سالي ... وتالي وين رحت
حيدر .. رحت للسجن وافترت القضيه عليه وتعذبت من ضابط من قبلهم وتالي طلعت وبعدين خطفنا ضابط المركز وكسرنا وتالي ضليت مطلوب للدوله وهددنا وتنازل عني
سالي .... وتالي
حيدر ... تالي ضليت اعرف شنو القضيه ومنو انتي وضليت اوصل الج بالكليه اشوفج
سالي .. اي دوم اشوفك بس مستحيه منك وخجلانه لان موقف بابا ضعيف تجاهك
حيدر ... انه فعلت الخير مهما كان ما اهتم للباقي
سالي ... زين انته شتريد مني ومنين جبت حسابي
حيدر .. جبت حسابج من السايق التكسي الي كان وياكم يوم الحادث
سالي ... شلون وصلته خاف تعرفو بعض وتطلع انته وي الوحوش
حيدر ... انه هددته لان عندي اخوان سبعه وياكلون البشر وصلت اله وسلوفلي عن كل القضيه هو صديق ابن عضو مجلس المحافظه
سالي ...صحيح .. بس شنو الدافع الي خلاك توصلني انه شنو تريد بالضبط
حيدر ... انه عون للمضلوم وانتي مضلومه
سالي ... انته ليش تدخل النار وانته رجال فقير على كد حالك
حيدر ... بعد دخلت بقضيه اذا احتركت احركهم وياي حتى بيت عضو مجلس المحافظه ردنا تقتحمه بس ما كدرنا حمايه وخاف اطيح ناس ما الهم ذنب
سالي ...على راسي انته... وانه خجلانه منك كلش
بس اريد تطلع لان انه بعد تعرف ضروفي روح عيش حياتك ولادخل عليه لان انته انسان محترم وحرام ايصير بيك مكروه بسببي
حيدر ... حتى لو ما تقبلين احركهم حرك اصلن انه كاره الدنيا واريد اخذ الحراميه وياي الى جهنم
سالي .... بعد ما اعرف شنو اكلك
يتبع
أنت تقرأ
الحب لا يعترف بالطبقات
Tiểu Thuyết Chungقصه مشوقه جدآ بين الغنى والفقر بين المستوى الدراسي وبين الفكر والغيره العربيه الاصيله دائمآ للقدر دور في الحياه مهما نخطط ونحسب ونفكر لابد انمشي بطريق القدر نكون راضين او لا يفعل القدر بنا مايشاء
