الجزء السابق كان سؤال ايدور .... كيف حسن عرف حيدر الي ايخرب كلشي شلون عرف عنوانه وتحركاته !!!!!
حيدر طلع الصبح للشغل هو يشتغل عماله يشتغل قليل بس على مود مصرف جيبه هو يمشي بالطريق وكفن ثلاث سيارات كل سياره بيه اربعة اشخاص نزلو على حيدر واعتقلو وكانو مسحلين ووجوهم مطالعه لابسين نقاب اسود .. حيدر ماكدر ايقاوم لان مسلحين والسيارات بدون ارقام وبعد الشمس مطالعه وعدهم هويات اي سيطرة ما توقفهم شدو عيون حيدر ولاسق على حلكه واخذو الى مكان خاص كعدو حيدر على كرسي وحيدر بس يسمع اصواتهم وكان عددهم كثير وضل اكثر من ساعه على هذه الحال مشبك ولا يكدر يحجي ولا ايشوف وبعد لحظات اجت سيارات ونزل واحد ايسمونه الاستاذ اجه الاستاذ ....
كال وينه
كالو اله استاذه جبناه الك
دخل على حيدر
فتحو عيون حيدر وشاف شخص ما ايعرفه
هذا الشخص ملتحي قصير قيادي بأحد الاحزاب كان مجرم سابق وحاليآ استاذ
كاله انته حيدر
حيدر ... نعم اني
الاستاذ .... ليش هيج اسوي وي عائلة عضو مجلس المحافظه
حيدر.... ناس اهل حرام وباطل واجب محاربتهم مو كلشي يحصلون عليه
الاستاذ... بس الايد الي ماتلاويه بوسهه مو هيج المثل ايكول
حيدر... مو انه الي ابوس نعل مال باطلين وابيع ضميري وديني واكون سلعه وعبد لهيج ناس لاولله هيهات
الاستاذ ... تعرف اني منو وترفع صوتك عليه
حيدر... شتكون كون ما تسوه فلسين الاكبر منك وينهم حتى انته اتريد اسيطر على الدنيا
الاستاذ ... غضب وسب حيدر وضربه راشدي وخابر عضو مجلس المحافظه وابنه حسن يجون
وبعد نصف ساعه وصلو
الاستاذ ... شلونك سيادة العضو شلونك بابا حسن هو هذا القنفذ الي زعجكم
العضو .. ما اذكر شكله بس شفت بالسجن قبل سنتين
حسن ... اي بابا هو خرب كلشي
العضو ... انته شتريد مني وليش وكفت بطريقي والي يتحداني يخسر
حيدر .. انه نقذت بنت ناس من ابنك راد يغتصبه
العضو ... وانته شنو صاير حامي اعراض ابن الكلب
حسن ... ولك تلعب ويانه يا قذر اله انسويك عبره لمن اعتبر
وحسن بدء يضرب بحيدر ويعذب بي
حيدر .... ما تكدرون تاخذون روحي لان بيد لله الموت وشتريدون اسون سوو وضحك وبتسم
عصبو كلش
العضو ...الاستاذ اريدك تعلمه وتأدبه صح خلي اسبوع وقتلو ميستاهل يشتم الهو
الاستاذ ... تدلل سيادتك وميكون خاطرك اله طيب
العضو.. المبالغ ضاعفته الك وشتريد انه حاضر
وراحو هو وابنه
واخوان حيدر يتصلون جهازه مغلق وصار الليل واخوهم ماكو ...
هي المشكله المنك وبيك ايخون حسن عرف عنوان حيدر وكلشي عنه من ابن عمه كان منظم بحزب الاستاذ ودائمآ بلمكتب وحسن يجي وي روح لان العضو مجلس المحافظه من نفس الحزب ويعرف بقصة حيدر دوم عندهم وابن عمهم وحيدر ايسولف كلشي الهم
بعد ما عرف حسن خبره بكلشي وكان على اتصال وياه لهذا وكع حيدر .. حتى قبل الخطف كان باليل سئل حيدر وتأكد انو عنده شغل واتصل بيهم
وصار الي صار
بينما سالي مستمره بدوامها وبعده حسن ورها وهم رجع ايحاول وكال اله اي سمعها كلام انو ازوجج ازوجج غصب عليج ويضحك
بينما هي مشغوله وي ابن خالته بس مراسلات بس اتحس بعدم الامان وياه وماتحس شخصية متكامله رغم كلشي عنده
والانسان مثل المعدن كل ما ايمر عليه الزمن ايبين الاصلي والعادي
بس هي يوميه تدخل على صفحتة حيدر تحس محتاجه اله دائما تدخل على صورة اتباوع على عيونه ما تدري شنو السبب رغم افضل العروض واجمل الناس ورتب وفلوس بس ما تنجذب لهيج شي
ومرت الايام على حيدر وهو تحت التعذيب وهله قلقين عليه وحالتهم حاله الى ان صار شي
يتبع
أنت تقرأ
الحب لا يعترف بالطبقات
General Fictionقصه مشوقه جدآ بين الغنى والفقر بين المستوى الدراسي وبين الفكر والغيره العربيه الاصيله دائمآ للقدر دور في الحياه مهما نخطط ونحسب ونفكر لابد انمشي بطريق القدر نكون راضين او لا يفعل القدر بنا مايشاء
