💞خانني زوجي💞

🌼البارت08🌼

الحلقة 8
غدوا راحت لشركة خدمت تصاميم تاع لفندق مع اياد وتفاهموا على كلش خرجت من مكتب لمكتب باباها لحق عليها قالها مودموزال سرين نقدروا نخرجوا نتغدوا مع بعض قاتلوا ضرك قالها هيه قاتلوا دقيقة نهز ساكي ونخرجوا قالها oki
خرجت وراحت معاه قعدوا وطلبوا ماكلة وبداوياكلوا ويهدروا قالها كاش حب في حياتك ؟
خزرت فيه بتعجب وقالت لا!!!
قالها علاه قاتلوا مكانش حتى سبب يمكن نقولهولك لكن يمكن اني ملقيتش فارس احلامي
خزر فيها بضحكة وكيفاه راح يكون فارس احلامك ؟
يكون خلوق حباب بڨوص ههههه يحبني اكثر من اي شئ هذا ماكان
خزر فيها وقال بڨوص !!! كيفاه
قاتلوا طويل ابيض عنيه كبار وشعروا متحوف ...
سكتت وهزت طرف سلاطة حطتها في فمها
قالها كانك توصفي فيا هههههه
بدات تكح وقاتلوا واش تقول
قالها اشربي ماء راني غير نڨصر معاك
قاتلوا اه اوكي وانت كاش حب
قالها مستحيل في حياتي ميجتمعش لحب والخدمة
قاتلوا علاه
حكم يديها وقربلها حتى وصل قريب لوجها قالها عيون بريئة وخزرة الحشمة وخدودك لحمر وضحكت لبڨوصة ممكن تخليني نبدل رأي
بعدت وجها وثارت تضحك وقاتلوا هههه كلامك حلو
قالها انتي لحلوة وكملوا تعشوا وخرجوا وصلها وكي وصلوا لباب دار قالها لازم نعاودوا جمعة كيما هك سرين
قاتلوا اكيد وطلعت لدار وراح هولداروا قعدوا يفكروا في بعظاهم
الحلقة 9
رقدت وهي تحلم بيه غدوا ناضت دوشت صلت ولبست سروال دجين ازرق فاتح خلاه وليكات فالقري تحت لخصر بشوي وارماكس بيضة وفيها خطوط وردي وهزت ساك قري ودارت مكياج خفيف وكشردت شعرها وكان كل هابط على وجهها ركبت طموبيلتها وخرجت لشركة خدمت شوي على مشروع لعقارات مع راجل اختها كملت رن هاتف الو الو شكون قالها مودموزال سرين ليوم عندك اجتماع في شركة سي رحماني 10 تكوني ثم
قاتلوا اوكي وقفلت راحت عدلت روحها وخرجت مزال حوالي 20 دقيقة باش توصل
لحقت لشركة راحت لاستقبال سقست سي اياد رحماني هنا قالولها طبعا راهوا في مكتبوا اطلعي دور ثاني وزدي سقسي طلعت وصلت لاستقبال قالت مودموزال سي رحماني هنا دار لكرسي طفلة لابسة غير لمعري ريحة تضرب على ميات ميترا ترشق في الشنغوم قاتلها شكون على من تحوسي
سي رحماني صونا تلفونها هزت وبدات تهدر وتضحك وخلتها وتقهقه بالصوت لي فيها هي طبطبت على لبيروا قتلها مودموزال نحكي معاك وهي مكملة سرين قلقت نحتلها تلفون وخبطاطوا وقتلها وينوا لمكتب نحكي معاك قاتلها واش بيك نتي مهبولة ولا واش قتلها نحكي معاك منين لمكتب تاع سي اياد قتلها علاه شكون انتي واش تحتاجي منوا كثر لحس سمعوا اياد وجاء خارج يجري عرفوا صوتها لقاها تشارع معاها قالتلها طفلة وعلاه تحوسي عليه حبيبك ولا واش قتلها وانتي واش دخلك اه قاتلها انا نقول انتي من بنات ليل جايا عندوا على جال دراهم يتشوكاو ناس كل تخبطها بكف قاتلها هذا على جال انك سبيتي في شرفي وزادتلها كف وقاتلها هذا من عند سرين بدبوز بنت محمد بدبوز متزديش تخطي حدودك مع لاكبر منك هي جات راح تضربها وهو يعيط عليها اياد اخرجي برا اخرجي لكل يدور ليه ويتفرزعوا هو داها وراح لمكتب تاعوا حاكمها من ايدها ويجبد فيها