💞خانني زوجي💞

🌼البارت23🌼

الحلقة 23
قاتلو واش تقصد
قالها اياد هو لي خطفك وهو عضو فالمخابرات معانا فهمتي قاتلو واش تهدر
قالها لي سمعتيه مودموزال سرين
جاب كرسي وقعد قدامها قالها خلينا نعقدوا اتفاق انا نحكيلك على اياد وانتي على عمار اوكي
قاتلو واش
قالها نبدى انا حنا نعرفوك من 6 شهر ملي باباك دار لمشروع مع سي عمار لي يتاجر فالاعضاء البشرية وقلنالوا يعاونا وهو رفض على هكذا بعثلنالك اياد على اساس شريك وعلقك بيه وحبتيه وزوجتوا بنية التقرب ليك باش نقدروا نخطفوك ونهددوا باباك باش يقبل يعاوننا حبتيه تزوجتيه وهو لي خطفك صباح لي جالك فالتوالات راهوا هو
قاتلو ودموعها على خدها تكذب هو يحبني
قالها لا انتي لي حبتيه برك هو كان في مهمة وزيد اقبلي بواقعك واحكيلي على عمار
قاتلو مكان والوا نحكيلك عليه
هو قلق جاء راح يضربها بكف اياد حكملوا يدوا
هي شفاتوا حضناتوا وقاتلوا. حبيبي هذا راجل خطفني وكذب عليا وقالي بلي انت خطفتني بصح انا مصدقتوش وحظناتوا قاتلو سلكني انا خايفة .
قال الجنرال هو جاء خلي هو يحكيلك
قاتلو انت تكذب هو برئ
قالها مفكرتيش كيفاه دخل هنا وعلاه مهوش يحارب فيا وعلاه ساكت ويديه علاه مخبوشين
قاتلو لا هو مستحيل يدير هك هو يحبني بزاف قول ليه اياد هذ الهدرة قولوا انا نحبها خزرت فيه قاتلوا علاه ساكت قولي صح هدرتوا
قالها سرين حبيبتي اصبري نقلك
قاتلوا قتلك صح هدرتوا ولا لا هو سكت قاتلوا صح كيفاه فوتي لهنا وانت متجرحتيش حتى جرح وعلاه ماكش تحاول تخرجني من وشبيهم يديك مجروحين انا صح لي خطفني جرحتلوا يديه صح انت هو لي خطفتني صح هدرتوا ولا لا
قالها سرين ...
قاطعاتوا صح هدرتوا ولا لا
دار لمعلم تاعوا قالوا سمحلي نحكي مع مرتي دقيقة ونجي
قالوا افروا مشاكلكم نزيد شوي ونجي وخرج
هو دارلها قاتلو قولي صح هدرتك ولا
قالها صح لكن اصبري نفسرلك
ضرباتوا بكف قاتلوا كذبتي عليا واش راح تفسرلي وبدات ترجع لسرير قعدت عليه وقالت سما كلش شي كان كذب سهراتنا وهدرتنا مع بعض حبنا ذكرياتنا كلش كذب حبك ليا كان كذب علاه علاه درتيلي هك علاه وانا لي حبيتك كثر من روحي علاه قرب ليها دزاتوا وقاتلوا حتى ليلتنا تاع امس كانت كذب علاه ستغلتيني كي عاد هكذا نكرهك اياد هو قرب ليها باش يحضنها هي دزاتوا قاتلو من ليوم معاتش تعنيلي حتى شي اياد وسرين معدوش لبعضاهم انا نكرهك
بكات حتى شبعت وقاتلوا عمري ماراح ننسى هاذ الشئ نوعدك وبرافوا على تمثيلك
قالها سرين اصبري نفهمك انا نحبك قاتلو معاد نصدق والوا من عندك اخرج عليا اخرج
هو طاحت دمعتوا وخرج
راح عند لمعلم قالوا علاه قلتيلها
قالوا ضرك ولا مبعد سي كيف كيف اوكي وزيد نظن فيك وليت تحبها
قالوا لمهمة تاعي درتها حوايج اخرى يظهرلي شخصية وخرج راح لغرفة المراقبة ويتفرج عليها
هي سيبت لروحها قعدت فالارض وقالت بصوت لي فيها انتي غبية سرين هو ميحبكش كذب عليك استغلك رقدت فالارض من وجيعة قلبها دموعها هابطين جاء دخل عندها مافقتش هو قرب منها هزها حطها فوق السرير مسح على شعرها غطاها وقالها نحبك اسمحيلي سرين وخرج هي رقدت حتى الصباح ناضت راحت توالات رجعت غسلت وجهها ريقلت قشها لمت شعرها جاها جنرال قالها صباح الخير قعدت فالطابلة مقابلاتوا وقاتلوا مطلوب مني ضرك
قالها احكيلي واش تعرفي على عمار ايت فروخ هو دخل اياد خزرت فيه ومبعد قالت صاحب بابا من عامين تعرفنا عليه من اول مشروع لينا معاه انسان طيب ناس ملاح عندوا شركات ومؤسسات خيرية
قالها هذا نعرفوه احكيلي على داروا
قاتلو كبيرة فيها حوالي 9 حراس عندوا مرتوا وولدوا في فرنسا برك وكلش يتاكل على سليم فيه قالها شكون سلبم تقدر تقول يدوا لمين كلش عليه هو عمي عمار يوثق فيه او جاء في عرسي كان طول واقف بحذاه لشفتيه قصدي لكذبة وخزرت في اياد وعمي عندوا خزنة فالشركة تحت لمكتب كي تبعد لمكتب تلقاها وفي داروا عندوا خزنة فخزانة ويحط فيها امور مهمة من اوراق وغيروا وعندوا باب تاع قبوا يدخولوا من غرفتوا كي يدور لمرايا تهبط فدروج تلقاه بصح معلباليش واش فيه
قالها وانتي لمعلومات هذي منين جبتيها قاتلوا كنت واحد لوقت نحط فيه يخدع في بابا كنت راقبوا وزيد اول مشروع تاعي بعد التخرج كان معاه وكنت طول نروح عندوا ونكتاشف حوايج جدد كل يوم وكي كنت راح ندخل لقبوا هو دخل وليت زربت ومدخلتش ومبعد عرفت انوا مشغول بحاجة اخرى وفات المشروع على خير وهاذا مانعرف والله
قالها وشكون هو سليم
هو من طبقة متوسطة يعيش فحي القصبة بحذا الجامع انسان هادي من خدمة لدار والعكس وكان هو وعمي عمار يروحوا لوغحد بار قديم محسوب كل ليلة وهو بعيد على البلاد ويقعدوا شوي ويخرجوا
قالها عاونتينا بزاف شكرا
قاتلوا خليني نروح قالها لا مزال تزيدي تخدمي معانا شوي مزلنا نحتاجوك عندنا قاتلو ربي يعيشك نحس بالقرف هنا قالها اصبري كي نوصلوا غايتنا نطلقوك اوكي وخرج ولحق بيه اياد قالوا خليها تروح قالوا لا عندي بيها خدمة
قالوا اذا تصرالها حاجة نهد عليكم المخابرات كل وتعرفني نديرها
قالوا اقفل فمك معندوا مايصرالها ارجعلي منبعد
هي تبكي على زهرها