💞خانني زوجي💞

🌼البارت18🌼

الحلقة 18
دخل بزربة حتى التحية نساها قالوا تهرد كلش سيدي
قالوا واش كاين
قالوا باباها فاق بكلش وقالي بعد على بنتي ومن ليوم متزيدش تشوفها وقالي اذا بغيها ارواح اخطبها
سيد ضحك وقالوا هو عطاك الحل علاه تخم
قالوا كيفاه
قالوا روح اخطبها وباش تتقرب منهم كثر اوكي سي اياد
ههههههههههههه
قالوا هكا راح نأذي الطفلة بزاف وهي بريئة
قالوا لا لا الطفلة يتعدى شهر وتنسى متخافش اوكي اياد
قالوا لا هي تحبني
قالوا نقيب اول اياد نفذ الاوامر
تحاه وقالوا امرك سيدي جنرال
خرج من عندوا قلقان بزاف وعيطلها متهزش
جابها باباها حطها في شومبرتها وقفل عليها بمفتاح وقال لامها من اليوم مكانش خرجة ولا تحواس لا خدمة لا والوا بنتك هبطتلنا راسنا فهميها هاذ الشئ
قاتلو علاه
حكالها لحكاية هي تخلعت دخلت لعند سرين لقتها تبكي بدموع على السرير
قاتلها هكا ديري فينا قتلها ماما والله مكان والوا بناتنا حنا غير نحبوا بعضنا
قاتلها على جال الحب تاعك اتحملي ضرك لعقاب وقفلت عليها لباب وراحت فات سمانة وهي تبكي وترقد لا ماكلة لا شراب وهو يعيطلها مكانش وهو يحب يجي عندهم باباها ميقبلش واحد نهار كان سارح في هموا على شط البحر قال ياربي علاه نفكر فيها صح انا نحبها ولا لا سرين واش ديري وحزين على واش قاعد يصرى فيها على جالتوا
سرين راقدة دخلت امها قاتلها سرين بنتي ارواحي تعشي مردتش عليها قربت منها لقتها محمومة وترعش من لبرد وتهدر باياد فرات
عيطت على باباها قاتلوا ارواح سرين مريضة بزاف جاء هزوها لسبيطار قالوا طبيب بنتك عندها ضعف في الاملاح والحديد لازما تكون مرتاحة
قاتلوا امها بنتي محمد سرين مريضة عيط على اياد يجيها هي حياتها تكون غير بيه هو
هو خاف على بنتوا عيطلوا قالوا ارواح سرين في سبيطار هو خاف راح يجري ليها وصل يجري هي تعيط عليه وهو وصل لباب قالوا باباه ادخل شوفها دخل لقاها راقدة شعرها مكشرد عنيها محوطين وجها غلبان تعيط عليه قال في قلبوا واش درتي فيها يا اياد
راح عندها حكم يديها وطبس عليها قالها سرين حبي انا جيت
حلت عنيها بتثاقل قاتلو اياد راك هنا وحضناتوا وقاتلوا بابا وين راه ضرك يشوفك
قالها متخميش في هذا الشي هو لي سمحلي باش نشوفك حبي سمحيلي بزاف خليتك وحدك قاتلو نحبك اياد وتكت فالسرير دخل بابها قالها انا نحب بنتي تطلع شابة نهار خطبتها ضحكت وقالت وكتا قالها غدوا هي فرحت ومسكت يد باباها وباستها روحت رتاحت كلات ورقدت مليح غدوا راحت خيرت قفطان فالڨرونا والاصفر وصباط فالدوري ودارت مشطة سامبل ومكياج وبارير ذهب جات صحبتها خولة فرحت بيها وفوتت نهار كامل مع بعضاها وفالليل جاو لعباد وبدات الخطبة جات تصدرت لبنات تشطح ومبعد جاء اياد مع عموا وتصدر معاها وباسها على راسها لبسلها لخاتم وشطحوا مع بعضاهم قالها حبي جيتي تهبلي وفاتت صهرة هبال تصوروا وغناو شطحوا