💞خانني زوجي💞

🌼البارت02🌼

الحلقة 2
واختي لكبيرة مزوجة تسكن بحذانا ورجلها يخدم معانا واختي لخرا مزوجة في كندا وانا صغيرة في عمري 22 سنة ولمهم نضت رحت لشمبرتي اتصلت براجل اختي وقتلوا يستنوني لاني جاية للاجتماع رحت دوشت وشيحت شعري ولبست روبة طويلة ستيل كلاسيك كحلة ومشقوقة لتحت ركبة وجكات دجين وصباط طلوا اكحل سشورت شعري ودرت ضفيرات على كل جنب ولميت على شكل طوماطيشة لتالي ودرت مكياج خفيف ايلاينر وحمايرة حمرا في فمي ولبست خواتم في يدي وساعة وسنسلة تاع فضة ستيل خلاه وهزيت بوضات كحلة فيها مفاتح وتلفوني وخرجت ركبت طموبيلتي وقلعت لشركة وصلت لغاشي كل ترحب بيا حتى وصلت للمكتب تاع المجتمعات انا دخلت وقتلهم كلش واجد قالولي هيه قعدت دخلوا كل اعضاء لاجتماع الا شريكنا ومبعد درت بلكرسي وجدت سدي وهو تحل لباب قالولي هو جاء شريكنا درت ونخزر فيه كان لابس كوستيم بلونوي وشوميز بيضاء صباط باسكات بيضاء وشعروا ماشطوا على جنب ولحية خفيفة كحلة متحوفة وكان ابيض لبشرة وعنيه كحل وشوافروا كبار هو خزر فيا وانا ثاني متمعنين في بعضانا ومبعد قالي بونجور مدموزال .......قتلوا سرين قالي بونجور مودمزال سرين بدبوز قتلوا بون جور سي رحماني... قالي اسمي اياد ومدلي يدوا بوجرت عليه وقعدنا وبدينا الاجتماع .
الحلقة 3
لمهم درسنا لمكان تاع الفندق وشفناه فالفيديوا قتلوا سي رحماني لمكان يتربع على 2000متر وحنا راح نبنوا عليه فندق واش تقتارح لتفصيل قالي لازم يكون هو على شكل اوروبي فيه فندق في جهة شمال ولجنوب كاين الشاطئ وفي الشرق كاين مطاعم ومكان لسهرات وفي لجهة غربية تكون لمسابح واش رايك انتي انا بصراحة لفكرة عجبتني سي رحماني لكن راح نقلك من اهم بنودي تاع العقد شراب ممنوع فيه اوك قالي كيما تحب سما تفقنا قلت اكيد مودموزال بدبوز تناقشنا مع مهندسين على تصميم ووعلى مالية مع محاسب وعلى مواد الاولية مع تاجر وكملنا خدمتنا وخرجوا كل هزيت ساكي وجيت باش نودع شريكنا قالي مودموزال سرين الاجتماع كان رائع وافكارك ثاني رائعة ربي بارك قتلوا مرسي وانت ثاني كان اقتراحك مليح بزاف قالي نتمنى نتلقوا في اجتماع اخر في امان الله مودموزال سرين
في امان الله سي رحماني ودعتوا وخرج
عجبني بزاف هدرتوا تهبل زينوا يقتل ياربي يهبل 💝
لمهم اتفقنا انوا غدوا نروحوا لموقع لفندق خرجت رحت لدار دوشت كونكتيت شوي مع صحبتي خولة تاع طفولة هي مزالت تسكن فالقرية تاعنا مي تجيني ونروحلها نحبها بزاف وهي ثاني لمهم صليت دعيت ربي يوفقني وتعشيت وقريت شوي فالرواية تاعي ورقدت .....
في الصباح نضت ورحت لشركة تلقيت مع راجل اختي قالي لازم نروحوا عند سي رحماني في موقع بناء الفندق ومبعد رحنا .