💞خانني زوجي💞

🌼البارت04🌼

الحلقة 4
وصلنا نزلت كان ريح كبير كنت لابسا سروال وفاست كوير وباسكات بيضاء وهزيت تلفوني فرات من طموبيل وخرجت لقيتوا سلمت عليه شعري كان كل على وجهي وهو يتبسم قالي مودموزال سرين نروحوا نشوفوا الارض قتلوا هيه شفناها كل ومبعد وصلنا بحذا جرف كي طلي تخافي طيحي قالي وهنا نديروا ملعب يلعبوا بيها لولاد قتلوا اوكي وجينا دايرين زلقت وكنت راح نطيح حتى حكمت فيه و حكمني وكي نضت قالي بلهفة cv قتلوا هيه ومبعد رحنا
الحلقة 5
كنت خايفة حتى حكمت في يدوا قالي واشبيك سرين لباس قتلوا هيه لكن كون يطيح واحد منا قالي لا راح تكون كفيتريا وبحذاها ملعب تاع لولاد قتلوا لا مستحيل كون يطيحوا قالي سرين راح تكون تجهيزات قتلوا لا قالي واش بيك قتلوا نكره لمرتفعات. ونخاف منهم بزاف قالي اتهدني ميصرا والوا تولهت ليدي ونحيتها بزربة وخزر فيا ورحنا نمشوا حتى وصلنا لاصنصار تاع شوانط يجي عريان فيه غير شبايك ويطلع فالهواء قالي نطلعوا نشوفوا قتلوا مستحيل قالي اني معاك متخافيش ومدلي يدوا خزرت فيه ومنبعد حكمتها وطلعنا وكيما عاد فالنص بدا يتحرك وانا خفت خلاه حظنتوا وضميته هو تفاجأ لكنه حط يديه على كتفي قالي اشششششش متخافيش ومبعد وصلنا لطابق لخر وحبس نزل ومنبعد مدلي يدوا حكمتها ونزلت شفناها مليح وتفاهمنا وجينا هبطنا فالاصنصار وشعري كل كان يدي فيه الريح على وجهوا وخو ينحي فيه وكي وصلنا قتلوا سمحلي على الازعاج رجاءا قالي لا نورمال مودمزال سرين وسلمت عليه بيدي ورحت نوظت طومبيل محبتش تنوص حاولت مرارا وتكرارا لكن محبتش تنوض نزلت قالي نوصلك سرين قتلوا لا ظرك نهز طموبيل منا قالي لا خلي نوصلك ركبنا فطموبيل قتلوا تلفوني وين راح وبديت نحوس حتى لقيتوا قالي اعطيني نمروك نعيطلك قتلوا 065822..... عيط صونا في جيبي كوبيت قتلوا مرسي قالي نورمال مي علاه تخافي من لمرتفعات قتلوا نخاف نطيح منهم ونموت منحبهمش خاطر في صغري طحت من شجرة وتكسرت قالي لازم تكوني مع واحد وتطلعي للمرتفعات باش تقدري تنحي خوفك منهم قتلوا مستحيل نخاف نطيح قالي لازم واحد توثقي فيه لدرجة عمياء مودموزال سرين ولا لا قتلوا كلامك كاين منوا مي مزلت ملقيتوش قالي كيساعة ليوم نشالله قتلوا امين وصلنا تشكرتوا ونزلت طلعت لشمبرتي نضحك ونغني تلقتني لخدامة قاتلي تعشي قتلها لا قاتلي اوكي وراحت دوشت وكليت وخرجت رحت لمحل نتعشا برا خاطر جعت وندمت كي قتلها لا وانا منعرفش نطيب بسلامتي هههههه كنت لابسة روب بيضة ستيل باربي تحت ركبة وصباط ارماكس بيضاء وطالقة شعري وحكماتوا بمساك على جنب من جيهة ليسرى وليمنى لا مبعد دمونديت حوت وسلاطة وجي وبديت ناكل حتى وقف واحد عند راسي قالي سرين cv قتلوا oui et toi قالي لباس حمد لله قتلوا تفضل سي اياد قالي نزعجك قتلوا لا ومنبعد دموندا شربة وسلاطة وجي وقعد ياكل ونقصروا قتلوا كيفاه حتى شفتني قالي صدفة جيت هنا باش نتعشا قالي شوي لقيتك على ذاك يقلك رب صدفة خير من الف ميعاد