Beneath this Mask

Di Inaasahang Pag-ibig

“Beneath this mask there is more than flesh. Beneath this mask there is an idea, and ideas are bulletproof.” - V for Vendetta

Di Inaasahang Pag-ibig

by ClandestineScribbler

Maamo mong mukha

Sa isip ko’y nakapinta

Sa iyong mga salita

Ako’y nagpadala                

Tuloy ngayon, ako’y nadadarag

Bumubulusok, nahuhulog

Puso'y tuluyang nabagabag

Sa di inaasahang pag-ibig

                                 

Iyong mga matang mapungay

Sa tuwina ako’y tinatangay

Sabihin paanong masasaway

Nadarama sayo’y walang humpay

Kung ipagtatapat itong pag-ibig

Ikaw kaya sa akin ay makikinig?

Ngunit alam kong isang kahangalan

Pagkat ikaw ay sa kanya nang nakalaan