Beneath this Mask

Sa Pangalawang Pagkakataon

Sa Pangalawang Pagkakataon

ni ClandestineScribbler

Mahal mo pa ba siya?

Tanong nila

Limot ko na siya

Ano ba!

Pero isang araw

Tadhana’y nakisawsaw

Sa malayo kita’y natanaw

Sa di inaasahan, puso ko’y nalusaw

Pambihira!

Sistema ko’y nagwawala

Utak ay nangangamba

Limot na ba kita talaga?

Hindi maari

Sabi ko sa sarili

Ako’y magkukunwari

Makaiwas lang sa pagsisisi

Kahangalan mang maituturing

Patuloy na magsisinungaling

Sa sarili’y hindi aamin

Na ako ay isang talunan

Sa pangalawang pagkakataon

Puso’y nabihag mong lubusan

Sakit na dinulot mo noon

Tuluyan nang natuldukan