كانت لوجي تلهو مع عمها و والدها و كان صوت ضحكاتهم يملئ القصر و كانت ليلي تشاهدهم بفرحه عارمه الي ان سمعت صوت هاتف المنزل يدق فتوجهت للرد عليه قائله:
ليلي(وهي تغلق اذنها الاخري):الو
سهي(وهي تسمع صوت ضحكات آسر و آدم و لوجي):ايوه يا لولا
ليلي:ازيك يا سهي عامله ايه
سهي:الحمدلله تمام يا طنط (ثم استطردت قائله)ايه الدوشه دي
ليلي:ابدا يا ستي دول آسر و آدم و لوجي و انضملهم سيف و احمد فعاملين مهرجان في البيت
سهي(بقلق):طب و لوجي كويسه
آدم(وهو يختطف السماعه من يد امه):اه كويسه متقلقيش عليها
سهي(و قد ازدادت نبضات قلبها عندما سمعت صوته):طيب تمام لو حصل اي حاجه خلي طنط ليلي تكلمني
آدم(بخبث):طيب لو حصل اي حاجه هخلي ابن طنط ليلي يكلمك
سهي(بغيظ):آدم
آدم(بخبث):عيون آدم
اغلقت سهي الهاتف بشده بينما اتسعت ابتسامه آدم
•••••••••••••••••••••••••••••••••
جلست لوجين مع آدم لوقت طويل الي ان قالت لها ليلي:
ليلي:يلا يا لوجي عشان تنامي
لوجي(وهي تحتضن يد والدها):بث(بس) انا مس(مش) عايسه(عايزه) انام انا عايسه(عايزه) اقعد مع بابي
ليلي:لا مش هينفع انتي عايزه مامتك تقتلني يلا علي اوضتك
لوجي(وهي تمسك يد والدها بشده):لا بقي مس(مش)عايسه(عايزه) انام دلوقتي و كمان انا مس(مش) بعلف(بعرف) انام لوحدي
آدم:اومال كنتي بتنامي ازاي
لوجي:كنت بنام مع مامي هي كانت تحكيلي حدوته و انا انام بعدين انا بخاف من الضلمه
آدم(وهو يحمل ابنته):طب تعالي نامي معايا و انا احكيلك حدوته
لوجي(وهي تتعلق برقبه والدها):هيييييييييه
•••••••••••••••••••••••••••••••••
جلست سهي علي السرير وهي تشعر بالارق فهذه هي الليله الاولي منذ ثلاث سنوات التي تبيت بها لوجين بعيدا عنها فقامت و ارتدت ملابسها و توجهت الي منزل والدها للمبيت هناك و ما ان دقت الجرس حتي فتحت لها راندا قائله:
راندا(وهي تفتح الباب):سهي ازيك يا حبيبتي عامله ايه
سهي(وهي تدخل الي الداخل):الحمدلله ازي حضرتك يا طنط
راندا:تمام اومال فين لوجي
سهي:عند ليلي آدم رجع من السفر و هتفضل هناك كام يوم كده
راندا(باستغراب):اومال انتي هنا بتعملي ايه لما آدم رجع من السفر
سهي(بابتسامه ساخره):انتي ناسيه انه طلقني قبل ما يسافر ولا ايه
راندا(بعبوس):اه صحيح (ثم قالت داعيه لابنه زوجها)ربنا يرجعكوا لبعض و يهدي سرك يا سهي يا رب
سهي(وهي تتوجه الي غرفتها سابقا):طيب انا هبات هنا الكام يوم دول عشان مش هعرف ابات في البيت و لوجي مش موجوده
راندا:ماشي يا حبيبتي
•••••••••••••••••••••••••••••••••
كان آدم يحكي قصه لابنته النائمه بجواره و بعد ان انتهي قالت له لوجي:
لوجي:بابي هو انت بتحبني
آدم(وهو يقبل جنيبها):اه يا روحي بحبك اوي
لوجي:طب و بتحب مامي
آدم:اه و بحب مامي اوي
لوجي:طب مس(مش) المفلوض(المفروض)احنا نبقي زي سيف
آدم(باستغراب):نبقي زي سيف ازاي
لوجي:يعني نقعد مع بعض احنا التلاته في بيت واحد
آدم:ايوه صح (ثم قال وهو ينظر لابنته)انتي عايزه نقعد مع بعض احنا التلاته؟
لوجي:اه و نروح بيتنا
آدم:خلاص من بكره هنقعد احنا التلاته مع بعض
لوجي:هو انت سافرت ليه يا بابي
آدم(محاولا معرفه ما قالته سهي عنه في العامين الماضيين):هي مامي مقلتلكيش
لوجي:لأ قالتلي ان هي سعلتك(زعلتك) و انت سعلت(زعلت) و سافرت
آدم(باندهاش):بجد قالتلك كده
لوجي:ايوه (ثم قالت ببرائه)بس عارف مامي كمان بتحبك اوي هي كانت كل سويه(شويه) تقعد تحكيلي عنك كتيييير و ساعات كانت تقولي ان انت وحستها(وحشتها)قوي
آدم(بابتسامه):بجد يا لوجي
لوجي(بنعاس):ايوه بجد
آدم(بنفس الابتسامه):طب يلا نامي
لوجي(وهي تغمض عينيها):طيب تسبح(تصبح) علي خير
آدم(وهو يقبل رأسها):و انتي من اهله
•••••••••••••••••••••••••••••••••
في صباح اليوم التالي استيقظ آدم قبل ابنته فقام و ابدل ملابسه و استقل سيارته و انطلق بها.
استيقظت لوجي بعد نزول والدها بساعه كامله لم تجده بجانبها فنزلت تبحث عنه الي ان وجدت احدي الخادمات فقالت لها:
لوجي(للخادمه):طنط مسوفتيس(مشوفتيش) بابي؟
الخادمه:هو مشي يا لوجي و شويه و هيجي
لوجي(و قد اغرورقت عيناها بالدموع):مسي (مشي)راح فين؟
الخادمه:مش عارفه يا لولو والله بصي انتي اقعدي هنا و هو شويه و هيجي
جلست لوجي علي احدي كراسي الصالون و ظلت تبكي كثيرا الي ان وجدتها احدي الخادمات تبكي فجلست بجانبها و سألتها عما بها لكن لم تجبها لوجي بل زاد بكاؤها حتي نزلت جدتها لتراها تبكي بهذا الشكل فقلقت و اتصل بسهي التي اخبرتها انها قادمه علي الفور.
حضرت سهي بعد نصف ساعه لتجد لوجي جالسه علي احدي الكراسي و بجانبها ليلي التي كانت تربت علي كتفها و ما ان رأت سهي ابنتها و هي تبكي بهذا الشكل حتي هرعت نحوها قائله:
سهي(و هي تحتضن ابنتها):ايه يا لوجي مالك يا روحي
لوجي(من بين شهقاتها):بابي مسي(مشي)و سابني تاني
آدم(وهو يدخل من الباب):ايه في ايه
ليلي(باستغراب):انا مش فاهمه حاجه
سهي:و لا انا
آدم(وهو يحتضن لوجي):ايه يا حبيبتي مالك
لوجي(و قد خفت دموعها):كنت فاكلاك(فاكراك) مسافر و هتسيبني تاني
آدم(وهو يملس علي شعرها):لا يا روحي مش مسافر و مش هسيبك تاني ابدا بس انتي متعيطيش اوكي؟
لوجي:اوكي
آدم(وهو يقبل وجنتها):طيب يلا اطلعي فوق العبي مع سيف لحد ما اتكلم شويه مع مامي ماشي
لوجي(وهي تصعد السلم):اوكي
سهي(بسرعه):طيب تمام انا كده اتطمنت عليها همشي بقي باي باي
آدم(وهو يقف امامها):استني عايز اتكلم معاكي
سهي(دون ان تنظر اليه):مفيش كلام بينا
آدم(بعند):لا في
سهي(دون ان تنظر اليه):بمناسبه ايه ان شاء الله
آدم:بمناسبه اني جوزك
سهي(بابتسامه ساخره):اه السابق
آدم:لا و الحالي (ثم قال وهو يتنهد)سهي انا رديتك لعصمتي تاني
سهي(بذهول):نعم؟
آدم:زي ما سمعتي كده
سهي(بعصبيه):انت بتستهبل انت ازاي تعمل كده
آدم(بهدوء):انا مش بستهبل و يا ريت تحترمي نفسك انا كل اللي عايزه ان بنتي تعيش عيشه سويه مع باباها و ماماتها
سهي(بنفس العصبيه):بابها اللي سابها من سنتين عشان هو بيحب واحده تانيه مش كده
آدم(بهدوء):كنت غلطان و كان غصب عني
سهي(و قد هدأت قليلاً):و مش كل مره كده يا آدم (ثم قالت وهي تغادر) انا مش عايزاك انا بكرهك بجد بكرهك
وقف آدم مصدوما مما قالته سهي ايعقل ان تكون قد كرهته لهذه الدرجه ايعقل انها بالفعل لا تريده قال له عقله عندها "و ماذا كنت تظن ايها الابله تتركها بعد ان تقول لها انك تحب امرأه اخري ثم تأتي بعدها بعامين منتظرا منها ان تبقي مشاعرها كما هي" نفض تلك الافكار من رأسه ثم صعد الي الغرفه المخصصه للالعاب حيث توجد لعب لوجي و سيف توجه الي هناك و ظل جالسا مع لوجي قليلاً ثم عاد الي غرفته و ظل يفكر في ما ستؤول اليه حياته
•••••••••••••••••••••••••••••••••
خرجت سهي من قصر الشاذلي و عيناها مليئه بالدموع ركبت سيارتها و انطلقت بها ثم اخرجت هاتفها و قامت بمهاتفه مروان الذي امرها بأن تصف سيارتها و انه سيأتي ليوصلها الي المنزل.
و بعد نصف ساعه حضر مروان و قال لها:
مروان:ها يا ستي قوليلي مالك
سهي(بدموع):آدم رجع
مروان:شئ متوقع غيره
سهي(و قد هدأت قليلاً):انتوا كلكوا كنتوا متوقعين ان هو يجي و انا لأ
مروان:اكيد مكانش هيستحمل يبعد عن اهله و بلده كتير اوي كده بس انتي ايه اللي مضايقك بردو مش قلتي انك مش بتحبيه
سهي(ببعض الهدوء):آدم رجعني لعصمته تاني
مروان(باندهاش):نعم؟
سهي:زي ما سمعت كده
مروان:طب و انتي ايه رأيك
سهي(بنبره ساخره):رأيي في ايه ما هو خلاص بقيت مراته تاني
مروان:قصدي هتتصرفي معاه ازاي
سهي:مش عارفه
مروان:بصراحه انا رأيي انك تقعدي معاه و تعرفي هو عمل كده ليه
سهي(بسرعه):لا طبعا مستحيل
مروان:يا بنتي انتي مش بتحبيه يبقي ايه العذاب ده
سهي(و قد اغرورقت عيناها بالدموع):العذاب اللي بجد اللي هو عمله فيا من سنتين
مروان(وهو يصف السياره):طيب يلا وصلنا
سهي(وهي تنزل من السياره):سلام
مروان:مع السلامه
•••••••••••••••••••••••••••••••••
استيقظ آدم في اليوم التالي علي صوت ابنته الصغيره وهي توقظه فقال لها:
آدم(وهو يتمطع):صباح الخير يا لوجي
لوجي:صباح الخير يا بابي
آدم(وهو ينظر في ساعته):ايه اللي مصحيكي بدري كده
لوجي:مفيس(مفيش)بث(بس) عايسه(عايزه) اروح لمامي
آدم(بحزن مصطنع):كده يا لوجي و هتسيبيني لوحدي خلاص انا هسافر بقي
لوجي(وهي تحتضن والدها):لا متسافرس (متسافرش)
آدم:خلاص يلا قومي البسي و هنروح لمامي
لوجي:و انت هتيجي
آدم:اه هاجي مش انتي عايزه نقعد احنا التلاته مع بعض في بيتنا؟
لوجي:اه
آدم:خلاص يبقي نقعد مع بعض احنا التلاته في بيتنا
لوجي(وهي تحتضن والدها):انا بحبك اوي يا بابي
آدم(وهو يقبل رأسها):و انا بحبك اوي يا لوجي
•••••••••••••••••••••••••••••••••
استيقظت سهي علي صوت دق علي باب غرفتها
قامت و جلست علي السرير و اذنت للطارق بالدخول لتجدها الخادمه تقول لها ان آدم و لوجي قد حضرا قامت من علي السرير همت بأن ترتدي اسدالها لكنها تراجعت عندما تذكرت انها اصبحت زوجته للمره الثانيه فقامت بتسريح شعرها و نزلت الي الاسفل
و ما ان نزلت حتي ركضت لوجي باتجاهها و قامت باحتضان قدمها بيدها الصغير وهي تقول لها:
لوجي(وهي تحتضن قدمي والدتها): وحستيني (وحشتيني)
سهي(وهي تربت علي شعر ابنتها):و انتي كمان يا لولو
آدم:ازيك يا سهي
سهي(متحاشيه النظر اليه كعادتها):الحمدلله تمام
لوجي(وهي تمسك يد والدتها):سوفتي(شوفتي) يا مامي بابي هيقعد معانا علي طول
سهي(وهي تقبل وجنتي ابنتها):اوكي يلا اطلعي علي اوضتك غيري هدومك بسرعه
لوجي(وهي تركض ناحيه السلم):اوكي
آدم(مستغلا صعود لوجي):وحشتيني
سهي(بنبره و ابتسامه ساخره):بجد؟طب بس لحسن سالي تزعل
آدم(بجمود):سالي ماتت
سهي(بجديه):Oh My God، God Bless Her بجد زعلت (ثم استطردت قائله) و حضرتك بقي رجعت عشان كده محبتش تطلع خسران يعني فرجعت تاني
آدم(باندهاش):انتي ايه اللي بتقوليه ده
سهي(وهي تقترب منه قائله بنبره هادئه):انت ايه اللي رجعك تاني احنا كنا عايشين حياتنا و مبسوطين من غيرك ايه اللي جابك؟
آدم(و قد بدأ يفقد اعصابه)تفتكري ليه؟
سهي(و قد بدأت العبرات تتلئلئ في عينيها):و الله مش عارفه يا تري ايه اللي يخليك ترجع لمراتك اللي انت مش بتحبها و بنتك اللي من مراتك اللي مش بتحبها ما كان اولي تفضل هناك
آدم(بلؤم):طب وانتي هتعيطي ليه؟
سهي(وهي تمسح عبراتها بيديها):مفيش عادي يعني
لوجي(وهي تنزل السلم):اتاخرت؟
سهي(وهي تحاول اخفاء دموعها):لا يا روحي
لوجي(وهي تقترب من والدها و والدتها):مالك يا مامي
سهي(وهي تقبل وجنتي ابنتها):مفيش يا لولو
لوجي(وهي تحتضن قدمي والدتها نظرا لقصر قامتها):متسعليس(متزعليش)طيب
سهي(وهي تربت علي رأس ابنتها):مش زعلانه يا لوجي
آدم(وهو يحمل ابنته):ايه يا بنتي مالك قصيره كده ليه
لوجي:عسان(عشان)انا Small
آدم(كأنه تذكر شيئا):صحيح يا لوجي انتي بتروحي مدرسه؟
لوجي(مشيره الي امها):مامي هي اللي عارفه
سهي(و هي تنظر لادم):روحت اقدملها قالولي لسه سنها صغير فجبتلها مربيه كده بتيجي تلات ايام في الاسبوع بدل ما تروح الحضانه يعني عشان ابقي مطمنه عليها
آدم(متناسيا وجود لوجي):اول مره تبصيلي من ساعه ما جيت
سهي(و قد احمر وجهها خجلا فاخفضت رأسها): عادي يعني
لوجي(وهي تمسك والدها من ثيابه):بابي تعالي اوريك اوضتي
آدم(وهو يسير باتجاه السلم):يلا وريني اوضتك
لوجي:انا عندي اوضتين تسوف(تشوف) انهي؟
آدم(باستغراب):اوضتين؟
لوجي:اه واحده و انا نونو خالص و واحده المفروض ان هي اوضتي و انا انام فيها تحب تسوف(تشوف) انهي؟
آدم(بتفكير):اممم ممكن نشوف و انتي نونو الاول
لوجي(وهي تشير الي احدي الغرف):هي دي
فتح آدم باب الغرفه ليجدها غرفه لوجي عندما لم تكمل يومها الاول بعد فتذكر اول مره يدخل وهو و سهي الي تلك الغرفه عندما قال لها:
*Flash Back*
آدم:بصي بقي يا لولو دي اوضتك يا رب تعجبك انا نقيتها انا و مامي و اي حاجه مش حلوه في الاوضه اعرفي ان مامي هي اللي منقياها
سهي(ضاحكه):ههههههه انت مسخره علي فكره (ثم استطردت قائله)في واحد يقول لبنته كده
آدم:و انتي مالك؟ لا بصي بقولك ايه علاقتي ببنتي محدش يدخل فيها
سهي:براحتك يا باشا
*Back*
ابتسم آدم لتذكره ما حدث وقتها قطع عليه ذكرياته صوت لوجي وهي تقول له:
لوجي:انا بحب الاوضه دي اوي و مامي كمان ساعات كتير بتيجي تقعد هنا بتقولي الاوضه دي بتفكرها بيك و لما كنت بتوحشها كانت بتيجي تقعد هنا
آدم(بابتسامه):ايه ده بجد يا لوجي
لوجي:اه بجد (ثم استطردت قائله) بابي هو انا هنام فين بعد كده
آدم(باستغراب):هتنامي في اوضتك يا لوجي
لوجي(بزعل):لأ بس انا بخاف و علي طول بنام مع مامي
سهي(وهي تدخل الي الغرفه):طب ما انتي هتنامي معايا
لوجي(بفرحه):بجد
سهي(وهي تجلس بجانب ابنتها):اه بجد
آدم(وهو يغادر):طيب انا هقوم احط الحاجه في اوضتي و اجي اقعد مع لوجي
سهي(وهي تنظر في ساعتها):طيب يلا يا لوجي سيبي بابي يرتاح شويه علي ما احنا نعمل الHome Work بتاعنا
لوجي:اوكي
•••••••••••••••••••••••••••••••••
خرج آدم من غرفته بعد ان استحم و ابدل ملابسه نزل ليجد سهي و لوجي جالستين و يبدو علي كليهما معالم الضيق و الملل فقال لهما آدم:
آدم:في ايه مالكو
لوجي:مس(مش)عالفه(عارفه) اقول حاجه
آدم(مستغلا الموقف و جالسا بجنب سهي):مش عارفه تقولي ايه يا لوجي
لوجي(بضيق):طنط اللي بتيجي بتديني حاجات كتير اوي و سعبه(صعبه)
آدم(لسهي):وريني كده
سهي(وهي تمد يدها له بكراسه لوجي):اتفضل
آدم(وهو ينظر الي الكراسه):ايه يا لولو دي حاجات سهله خالص
لوجي(و هي تهز رأسها نفيا):لا صعبه انت كبير بث(بس) انا Small و مس(مش)عالفه(عارفه) حاجه
آدم:طيب بصي انا هسألك و انتي تقولي اوكي؟
لوجي:اوكي
آدم:كوره يعني ايه؟
لوجي:Ball
آدم:طيب ارنب؟
لوجي:Rabbit
آدم:تفاحه؟
لوجي:Apple
آدم(مداعبا وجنتي ابنته):طيب ما انتي شطوره اهو
لوجي(باستغراب):بس كده؟
آدم:اه شوفتي بصي انتي كل يوم احفظي اربعه و انا هجيبلك شيكولاته اوكي؟
لوجي:هييييييه (ثم قالت لامها)مامي انا عايزه بابي هو اللي يذاكرلي علي طول ممكن؟
سهي(بابتسامه):اه ممكن طبعا يا لوجي بس ممكن بقي دلوقتي نطلع ننام؟
لوجي:حاضر بس هو انا ممكن انام مع بابي النهارده؟
سهي:اه ممكن يا لوجي
لوجي:طيب تسبحوا(تصبحوا)علي خير
سهي و آدم:و انتي من اهله يا لولو
آدم(بعد ان تأكد من صعود لوجي الي غرفتها): ممكن بقي اتكلم معاكي؟
سهي(وهي تتوجه الي السلم بسرعه):قلتلك مفيش كلام بينا
•••••••••••••••••••••••••••••••••
