صباح اليوم التالي استيقظت سهي علي صوت رنين هاتف آدم نظرت اليه لتجد آدم لايزال نائما فنظرت الي هاتفه لتجدها رساله دفعها فضولها الي فتحها ففتحتها لتجدها من رقم غير مسجل و تحتوي علي كلمه واحده "وحشتني" كلمه كان وقعها علي سهي قوي لدرجه اخرستها و جعلتها تنظر الي الهاتف بغير تصديق افاقت من حالتها عندما شعرت بعبره تنزل علي خدها فأعادت الهاتف الي مكانه بعد ان قامت بمسح الرساله ثم قامت من السرير و ابدلت ملابسها و ذهبت لغرفه ابنتها بهدوء تام بعد ان تمالكت نفسها و منعت عبراتها من النزول جلست علي الكرسي المجاور لسرير ابنتها و ظلت تنظر لها و هي نائمه تتأمل برائته التي اشعرت سهي بأنها اخطأت في حقها عندما اتت بها الي هذه الدنيا من اب مثل آدم سرحت و هي تنظر لها تذكرت افعال آدم اولا الوصيه بعد ذلك زواجه من سالي ثم هجره لها لمده عامين تاركا اياها تعاني فراقه و اخيرا خيانته لها تذكرت كيف تحملت كل هذا منه تحت مسمي الحب ذلك الشعور الذي جعلها تغفر له كل هذا لكن هل سيستطيع وحده ان يجعلها تغفر له خيانته افاقت علي صوت ابنتها و هي تقول لها:
لوجي(وهي تهز امها):مامي مامي
سهي(وهي تنظر لها بحزن):ايوه يا لوجي (ثم قالت وهي تقبلها)صباح الخير
لوجي:سباح(صباح) النور هو في مدرسه النهارده يا مامي
سهي:لا مفيش يا روحي
آدم(وهو يدخل الغرفه):صباح الخير
لوجي(وهي تركض نحوه):صباح الخير يا بابي
آدم(وهو يقبل ابنته):صباح النور يا لولو (ثم تابع قائلا)صباح الخير يا سهي
سهي(بصوت خافت و دون ان تنظر اليه):صباح النور (ثم قالت وهي تتوجه الي خارج الغرفه)يلا يا لوجي عشان تفطري
لوجي:حاضر
آدم(للوجي):هي مالها مامي يا لوجي
لوجي(و هي ترفع كتفيها للاعلي):مش عارفه
آدم(وهو يغادر الغرفه):طب انا هروح اشوفها
لوجي:طيب
•••••••••••••••••••••••••••••••••
دخل آدم غرفته ليجد سهي جالسه امام التسريحه و يبدو عليها الوجوم توجه اليها و جلس علي السرير خلفها و قال لها:
آدم:مالك يا سو
سهي(ببرود):مفيش
آدم(بقلق):لأ بجد مالك
سهي(وهي تنظر له و تقول بنبره خاليه من المشاعر):شوف انت عملت ايه و ابقي تعالي اسألني مالك
•••••••••••••••••••••••••••••••••
حل المساء و لم يحاول آدم ان يسأل سهي عن ما بها مره اخري فقد كان يراجع نفسه في كل تصرفاته معها لكنه وصل الي اللا شئ اما سهي فقد كان صمت آدم تأكيدا لها علي ما توصلت اليه و هو خيانه آدم لها.
كان الجميع جالسا علي طاوله العشاء كأن علي رؤوسهم الطير حتي دق جرس الباب فتحت الخادمه التي اتت اليهم قائله:
الخادمه(و هي تمد يدها بظرف):مدام سهي الظرف ده جاي لحضرتك
سهي(وهي تقوم من علي الطاوله):هاتيه كده
ليلي:ما تكملي اكلك يا بنتي بعدين تبقي تشوفي فيه ايه
سهي:لأ الحمدلله يا طنط
تناولت الظرف بأيد مرتعشه و هي علي يقين ان هذا الظرف قد يحتوي علي صور اخري لادم ابتعدت بضع خطوات عن مكان جلوسهم ثم قامت بفتح الظرف و كما توقعت وجدت صور لادم لكن هذه المره كانت صور من نوع اخر جعلتها تشعر بالاشمئزاز منه و من هول صدمتها سقطت كل الصور من يدها لتفترش الارض توجه اليها آسر الذي كان قد انهي طعامه و قال لها:
آسر:مالك يا س...
قطعه عن تكمله حديثه صوره آدم و هو يقبل احدي الفتيات فنظر الي باقي الصور ليجدها جميعها علي نفس الدنائه فقام بلملمتهم و اعادتهم الي الظرف بسرعه و قال لها:
آسر(وهو يجذب سهي من يدها):تعالي اقعدي
سهي(و قد افاقت من صدمتها):آسر لو سمحت خد لوجي دلوقتي حالا و روحوا اي حته
آسر:لأ انا مش همشي من هنا غير لما افهم في ايه و ايه الصور دي
سهي(بترجي):بليييز يا آسر عشان خاطري خد لوجي من هنا دلوقتي و هبقي افهمك كل حاجه بعدين
آسر(وهو يقف):امري لله ماشي يا ستي (ثم قال وهو يتوجه الي مكان جلوس لوجي)لولو مش عايزه تروحي في حته
لوجي:امممم ممكن نروح الملاهي
سيف:و انا كمان عايز اجي
آسر:طب يلا البسوا بسرعه عشان هنروح
لوجي و سيف:هييييييييييييه
آسر(وهو يعود الي سهي مره اخري):هاتي الصور دي خليها معايا عشان متتهوريش و ابقي قوليلي عملتي ايه
سهي:حاضر
آدم(وهو يصعد السلم):سهي تعالي عايزك
•••••••••••••••••••••••••••••••••
صعدت سهي الغرفه خلف آدم و اغلقت الباب خلفها و ما ان اغلقته حتي قال لها آدم:
آدم:سهي انا اسف بجد انا عارف اني غلط في حقك و اهملتك انتي و لوجي كتير بس كان غصب عني و الله انا اسف بجد
سهي(وهي تنظر له بوجوم):طلقني يا آدم
آدم(بعد ان صمت عده ثوان محاولا استيعاب ما قالته):بتقولي ايه؟
سهي(وهي تقف في مواجهته):بقولك طلقني طلقني طلقني
آدم(بصوت عال):انتي اكيد بتهزري لأ مش بتهزري ده انتي بتستعبطي انتي اتجننتي و لا ايه
سهي(بعصبيه):اه اتجننت عشان بقيت مش طايقاك و لا عايزه اعيش مع واحد زيك
آدم(بعصبيه هو الاخر):ليه ان شاء الله ناقص ايد و لا رجل
سهي(بنفس العصبيه):لأ كداب و خاين و غشاش و حقير
قالت جملتها الاخيره بقوه جعلت آدم يصفعها صفعه اسقطتها ارضا فقالت له:
سهي:ما انت لو راجل مش هتعمل كده
آدم(وهو يمسك ذراعها بقوه):انا راجل غصب عنك فاهمه و لا لأ
سهي(وهي تنظر له):طلقني
آدم:لو قلتي الكلمه دي تاني هتصرف تصرف مش هيعجبك
سهي(بعصبيه):هتعمل ايه اكتر من اللي عملته ده انت عملت اللي محدش في الدنيا دي يستحمله اتجوزت عليا و كدبت عليا و سبتني انا و بنتك سنتين و خنتني عايزني اعيش معاك تاني ازاااااي فهههمممنني
آدم(بعد ان هدأ قليلاً):طيب ماشي شوفي انتي عايزه ايه و انا هعملهولك
سهي:طلقني يا آدم و المره دي بجد مش زي المره اللي فاتت
آدم:طلاق مش هطلق
سهي:يا أخي انت ايه مبتحسش بقولك مش طايقااك مش عايزاااااك
آدم(وهو يمسك يدها بقوه):اخرك معايا ان احنا ننفصل اكتر من كده مفيش و متنسيش ان احنا في بينا بنت
سهي:و انا موافقه و لوجي كده كده بنتك و تشوفها وقت ما انت عايز يعني انفصالنا مش هيأثر عليها في حاجه
آدم:ماشي بس بشرط هتعيشوا في الفيلا اللي في الداون تاون
سهي:بس كده بسيطه
آدم(بحزن):للدرجادي بقيتي عايزه تخلصي مني
سهي(بهدوء):احنا اتسرعنا لما اتجوزنا بسرعه كده يا آدم و بندفع تمن غلطنا دي دلوقتي
آدم(وهو يغادر الغرفه):شوفي هنقول للوجي ايه و امتي و قوليلي عشان ابقي موجود و اوصلكوا الفيلا
سهي:حاضر
•••••••••••••••••••••••••••••••••
عادت لوجين في المساء صعدت الي غرفتها و ابدلت ملابسها دخلت سهي عليها الغرفه و قالت لها:
سهي(وهي تغلق الباب خلفها):ازيك يا لوجي
لوجي(وهي تركض لتحتضن قدمي سهي):وحستيني(وحشتيني) يا مامي
سهي(و هي تربت علي رأس ابنتها):و انتي كمان يا لوجي (ثم قالت وهي تحتضن وجه ابنتها بين يديها)تعالي يا لولو عشان عايزه اتكلم معاكي
لوجي:حاضر
سهي(وهي تجلس ابنتها علي السرير):بصي بقي يا لولو (ثم قالت وهي تجلس علي الكرسي امامها)مش انتي بتحبي بابي؟
لوجي:اه
سهي:و بتحبي مامي
لوجي:اه
سهي:و اللي بيحب حد مش بيبقي نفسه يشوفه مبسوط؟
لوجي(باستغراب):اه
سهي(بتنهيده):طيب بصي يا لوجي بابي مش هينفع يعيش معانا تاني
لوجي(بعبوس):هو بابي هيسافر تاني؟
سهي:لأ مش هيسافر يا لولو بس انا مش هينفع اقعد مع بابي تاني
لوجي:طب و بابي هيقعد لوحده؟
سهي(وهي تمط شفتيها):مش عارفه و الله يا لوجي بس غالبا هيقعد مع نانا هنا
لوجي(بدموع):طب هو انا مش هشوفه تاني يا مامي؟
سهي(وهي تجفف دموع ابنتها بيديها):ليه بس يا لوجي لا هتشوفيه علي طول وقت ما انتي عايزه ولو عايزه كمان في الويك اند تيجي تقعدي معاه مفيش مشاكل
لوجي(وهي تنظر لامها):بجد يا مامي
سهي:بجد يا لوجي
لوجي:طب هو بابي عارف ان احنا هنسيبه و نمشي
آدم(وهو يدخل من باب الغرفه):ايوه عارف يا لوجي
لوجي:انت هتيجي تشوفني يا بابي صح؟
آدم(وهو يجلس بجانب سهي):اكيد يا لوجي ولو في اي وقت عايزاني اجيلك هجيلك علي طول
لوجي(بعبوس):طيب
سهي:مالك
لوجي(وهي تبكي):عشان انا نفسي ان احنا نعيش مع بعض كلنا علي طول
آدم(وهو يحتضن ابنته):معلش يا لوجي (ثم قال وهو ينظر لسهي)انا نفسي انا كمان نفضل علي طول مع بعض بس مش هينفع
سهي(وهي تقترب من ابنتها):معلش يا لولو بقي متعيطيش عشان خاطري
لوجي(وهي تمسح دموعها بيدها):طيب احنا هنروح امتي؟
سهي(وهي تقبل وجنتها):وقت ما انتي عايزه
لوجي:ممكن بكره
آدم(بعتاب):كده بردو يا لوجي عايزه تسيبيني بسرعه كده
لوجي:لأ و الله يا بابي بس بكره مفيش school بس بعد كده في
آدم(وهو يغادر الغرفه قائلا لسهي):شوفي هتخلصوا لم حاجتكوا امتي و انا هوصلكوا
سهي:طيب
•••••••••••••••••••••••••••••••••
