في صباح اليوم التالي استيقظت سهي من نومها علي صوت ضجه عارمه خرجت بسرعه من الغرفه ظلت تتتبع الصوت الي ان وصلت الي المطبخ دخلت لتجد آدم و لوجي يلعبان بالمطبخ و ارضيته تكاد لا تري من فرط ما هو مسكوب عليها من بيض و دقيق ما ان لمح لوجي و آدم منظر سهي و هي تشاهد الارضيه بصدمه الي ان صمتا و ظلا ينظران لها حتي قالت لهم سهي:
سهي(بصراخ):ايه ده؟(ثم قالت بعد ان لم يجبها احد)بقولوكوا ايه ده؟
آدم(وهو يقترب منها قائلا بهدوء):طب اهدي بس و انا هقولك
سهي(بصوت عال):من غير ما اهدي قولي دلوقتي حالا ايه اللي هببتوه ده انتوا ايه اللي دخلكوا المطبخ اساسا
لوجي(و قد اوشكت علي البكاء):سوري يا مامي
سهي(و قد هدأت امام دموع ابنتها):اطلعي انتي يا لوجي خلي داده سنيه تحميكي اوكي؟
لوجي:اوكي
سهي(وهي تقبل وجنتي ابنتها):بسرعه يا لولو قبل ما ميس نوره تيجي
لوجي:حاضر
سهي(بعد ان تأكدت من صعود لوجي):ايه بقي اللي حصل هنا ده
آدم(وهو يزيح خصلات شعره):و الله زي ما انتي شايفه كده
سهي(وهي تنظر له قائله بجديه):بجد؟
آدم(وهو ينظر لها):اه و الله
سهي:طيب يلا يا خفيف عشان هتساعدني
آدم:اساعدك في ايه؟
سهي(وهي تحضر المقشه و الجاروف و تناولهم له):اتفضل اكنس الارض علي ما انا اعمل الطرابيزه
آدم(باندهاش):نعم؟انتي عايزاني اكنس الارض
سهي(وهي تنظر له بجديه):اللي غلط يستحمل نتيجه غلطه
آدم(وهو يمسك بيد المقشه):امري لله لولا اني بحبك كنت اتصرفت تصرف تاني
سهي(بسخريه وهي تنظف الطاولات):بجد والله قطعت قلبي
آدم:سلامه قلبك
سهي:طب ركز في الارض و ملكش دعوه بيا
آدم:طيب(ثم قال لها بعد دقائق)موبايلك اللي بيرن ده
سهي(وهي تخرج من المطبخ):اه
لوجي(وهي تركض باتجاه المطبخ):مامي مامي موبايلك
سهي(وهي تأخذ الهاتف من يد ابنتها):ميرسي يا لوجي (ثم قالت و هي ترد علي الهاتف)الو
المتصل:الو ازيك يا سهي عامله ايه
سهي(باستغراب):مين معايا
المتصل:انا عمرو يا بنتي يعني معرفتيش صوتي
سهي(بسرعه):اه عمرو سوري ازيك عامل ايه؟
عمرو:انا تمام الحمدلله انتي عامله ايه
سهي:تمام الحمدلله
عمرو:بقولك بقي وش كده عايز اشوفك
سهي(بتفكير):اممم ليه؟
عمرو:عادي يعني و جيبي في ايدك مروان لو ينفع يعني
سهي:طيب هشوف كده و اقولك
عمرو:طيب تمام اوي باي باي بقي
سهي:باي (ثم التفتت لتكمل ما تفعله لتجد آدم واقفا فحاولت استفزازه قائله)ايه ده انت لسه هنا انا افتكرتك طلعت
آدم(بغيظ):لأ لسه(ثم استطرد قائلا)كنتي بتكلمي مين
سهي(باستفزاز):و انت مالك
شعر آدم بالغيره تسري في قلبه فانطلق بسرعه البرق و اطبق علي شفتي سهي التي استسلمت له في البدايه لكن صدي كلمات آدم لها منذ عامين افاقها فقامت بركل آدم في كاحله فابتعد عنها و قالت له:
سهي(بلهجه محذره):اوعي تفكر تيجي جنبي تاني
لوجي(وهي تدخل الي المطبخ مسرعه):مامي ميس نورا جت
سهي(وهي تخرج بصحبه ابنتها):طيب يلا
خرجت سهي وراء لوجي بينما ظل آدم ينظر لها و الشرار يتطاير من عينيه لكنه عزم علي الا يستسلم فخرج ورائهما ليجد نورا فتاه في الخامس و العشرين من عمرها شعر حريري قصير و عينين بنيتين و ملابس قصيره شعر انها فرصته فقال لها:
آدم(وهو يمد يده مصافحا):اهلا يا ميس نورا (ثم اكمل بمرح)و لا ميس ايه ده حضرتك لسه صغيره اوي
نورا(وهي تصافحه مبتسمه لاطرائه):اهلا بحضرتك يا بشمهندس
آدم(مستغلا الموقف):بجد لوجي بتحبك اوي و بتحكي عنك كتير اوي
نورا(وهي تداعب لوجي):و انا كمان بحبها اوي و هي ما شاء الله كيوت و شطوره اوي ربنا يخليهاكوا
سهي(محاوله قطع هذا الحديث):ميرسي يا حبيبتي (ثم قالت وهي تمسك ذراع آدم)نسيبكوا احنا بقي
نوره:تمام اوكي
قامت سهي بجذب آدم من ذراعه حتي عادا الي المطبخ مره اخري فقال لها آدم:
آدم(محاولا استفزازها):هي دي المربيه؟
سهي(محاوله اخفاء معالم ضيقها):اه هي
آدم:كويس هي صغيره بس شكلها عارفه بتعمل ايه لا و صاروخ
سهي(وهي تترك ما بيدها لتلتفت له و تقول): طب ما تروح تتجوزها احسن
آدم:لا انا بردو ميرضينيش اتجوز عليكي
سهي(بسخريه):والله؟ده علي اساس ان الموضوع هيبقي جديد عليا مثلا ما انت ما شاء الله اتجوزت عليا و طلقتني و روحت اتجوزت فاضل بس تخلف و تبقي تمام اوي
آدم:ما انتي لو سمعتيني هتفهمي انا عملت كده ليه
سهي(بدموع):و انا مش عايزه اسمع حاجه يا آدم مش عايزه اعرف حاجه انت وجودك زي عدمه بالنسبالي بس يا ريت لو هتمشي تاني ابقي قول لبنتك عشان انا تعبت من كتر اللملمه وراك
آدم(بحزن):للدرجادي كرهتيني و بقيتي مش عايزاني (ثم تابع بعد ان صمتت سهي)هو ده ردك (ثم تابع وهو يخرج من المطبخ)اوعدك من اللحظه دي اني ماليش دعوه بيكي و مش هاجي جنبك تاني
خرج آدم ليترك سهي في بحر ذكرياتها بحلوها و مرها فمنذ عاد آدم و هي تعاني من صراع بداخلها صراع العقل مع القلب و هي تشبه الغريق الذي لا يدري بأي طوق نجاه يمسك و ايهما سيكون خيرا لها فعزمت علي ترك هذا للايام فهي بالتأكيد ستكون خير معوان لها في حيرتها
•••••••••••••••••••••••••••••••••
مكث آدم طوال اليوم في غرفته بينما جلست سهي تداعب ابنتها بعد انتهائها من دروسها كان صوت ضحكات لوجي عاليا فخرج من آدم من الغرفه قائلا بعصبيه:
آدم(بصوت عال و عصبيه):وطوا صوتكوا مش عارف اتزفت اعمل حاجه منكوا
انهي كلامه ثم قام برزع الباب محدثا صوتا رجت له اركان الفيلا كلها ظلت كلا من سهي و لوجين ينظران الي بعضهما البعض و قد اغرورقت عينا الاخيره بالعبرات فقالت لها سهي:
سهي(وهي تحتضن ابنتها):خلاص يا لوجي متعيطيش يا حبيبتي
لوجي(وهي تبكي):هو ليه بيزعقلي كده؟
سهي(وهي تمسح دموع ابنتها):طيب خلاص اطلعي انتي علي اوضتك و انا هروح اشوف في ايه
صعدت لوجين الي غرفتها بينما توجهت سهي الي غرفه آدم طرقت الباب عده طرقات ليفتح لها آدم الباب بسرعه فترجع هي الي الوراء خوفا فقال لها آدم:
آدم(بعصبيه):عايزه ايه
سهي(محاوله تهدئته):طب اهدي بس
آدم(بنفس عصبيته):اهو هديت اهو
سهي:يعني انت كده هديت طيب ممكن اتكلم معاك بقي
آدم(وهو يدخل و يغلق الباب خلفه):مفيش بينا كلام
سهي(وهي تفتح الباب و تدخل الي الغرفه):لأ في انا مش جايه هنا عشانك انا جايه هنا عشان لوجي و لو عليا و لا كنت عبرتك اصلا
آدم(و قد هدأ قليلاً):مالها لوجي؟
سهي(وهي تقف بجواره):زعلانه و بتعيط عشان انت زعقت(ثم اكملت وهي تنظر له)آدم لو سمحت لو مدايق مني من اي حاجه او مدايق عموما من اي حاجه في الدنيا يا ريت لوجي يبقي ملهاش دعوه لو سمحت البنت اصلا بتعيط من اقل حاجه و كمان هي بتحبك اوي يعني يا ريت اللي حصل النهارده ده ميتكررش تاني ممكن؟
آدم(وهو ينظر لها):مكنش قصدي و الله بس انا تعصبت لما لقيت الشغل هنا اتلخبط في الفتره اللي فاتت(ثم استطرد قائلا)طب اعمل ايه؟اصالحها ازاي
سهي:بص انت دلوقتي تطلع تصالحها و شويه كده و انا هاجي اقعد معاك و نشوف ايه موضوع الشغل ده
آدم(وهو يغادر الغرفه):طيب تمام
•••••••••••••••••••••••••••••••••
صعد آدم الي غرفه لوجين ليجدها تجلس علي سريرها و معالم الحزن باديه علي وجهها فقال لها:
آدم(وهو يجلس امام لوجي علي السرير):الجميل زعلان ليه
لوجي(بحزن):مفيس(مفيش)
آدم(وهو يقبل وجنتها):طب انا اسف متزعليش
لوجي(وهي تنظر لوالدها):مس(مش) سعلانه (زعلانه)
آدم:يا لوجي والله مش قصدي انا كنت مدايق و جت فيكي بقي
لوجي:طب مدايق ليه؟انا مامي علي طول تحكيلي اللي مدايقها ممكن تحكيلي انت كمان
آدم(بتردد):لا مفيش عادي
لوجي:طيب
آدم(وهو يخرج من جيبه لوح شكولا كبير):طب خدي دي بقي و متزعليش
لوجي(وهي تحتضن والدها):هييييييه ميرسي يا بابي
آدم(وهو يقبل وجنتيها):علي ايه يا لولو ده انتي روحي
لوجي:انا بحبك انت و مامي اوي
آدم:و انا كمان بحبك اوي(ثم قال وهو يتوجه الي خارج الغرفه)انا هنزل بقي اشوف مامي
لوجي:اوكي
•••••••••••••••••••••••••••••••••
جلس آدم مع سهي قرابه الساعه و النصف اطلعته فيهم سهي علي كل ما حدث في العمل في العامين السابقين و بعد انتهائهما قال لها:
آدم:يااه الشغل و الشركه وحشوني اوي
سهي:و احنا فيها لو حابب تنزل من بكره مفيش مشاكل
آدم:لا انا مش هنزل دلوقتي شويه كده بس هبقي اتابع من علي اللاب كده (ثم تابع قائلا)صحيح انا من ساعه ما جيت و مشوفتكيش روحتي هناك ولا مره
سهي:عشان مش بروح اصلا مدياهم تعليمات و هما بينفذوا بس بروح مره او مرتين كل اسبوع كده و خلاص
آدم:و بيسمعوا كلامك بقي علي كده
سهي(وهي تنظر له):اه طبعا انت مستهون بيا و لا ايه
آدم(و قد شرد في عينيها):لا ابدا منا عارفك مفتريه
سهي(ضاحكه):ههههه انا و الله ابدا عادي يعني
و للمره الثانيه لم يتمالك آدم نفسه امام سهي فقام بتقبيلها قبله طويله لم يقطعها غير صوت لوجين وهي تقول:
لوجي(وهي تنزل السلم):مامي مامي
سهي(وهي تبتعد عن آدم):ايوه يا لولو
لوجي:انا عايسه(عايزه) الوح(اروح) عند سيف
سهي:طيب اوكي هكلم لولا النهارده ولو سيف موجود نروح
آدم(بغيظ):و انا طرطور انا عايزه اروح اه ماشي و لا كأني قاعد
لوجي(وهي تقترب من والدها):ممكن نروح يا بابي
آدم(وهو يقبل وجنتها):اه ممكن نروح يا لولو
لوجي(وهي تحتضن والديها بسرعه):هييييه انا هروح البس بقي
آدم:طيب يلا (ثم استطرد قائلا لسهي)ايه مقومتيش ليه؟
سهي:مش عايزه اروح
آدم(وهو يجلس مره اخري):خلاص مش رايحين
سهي:لا لا روح انت و لوجي عشان متزعلش انا مش قادره انزل
آدم(بلهفه):ايه ليه في حاجه تعباكي نروح للدكتور
سهي(ضاحكه):ههههههه لأ مفيش بس مش عايزه انزل
آدم(وهو يتوجه الي السلم):طويب اوكي براحتك
•••••••••••••••••••••••••••••••••
عاد آدم و لوجي متأخرا في المساء بعد العديد من الاتصالات بين سهي و ليلي للاطمئنان علي لوجين دخلا الي الڤيلا ليجدا سهي تتابع التلفاز و معالم الارهاق و التعب باديه عليها فقال آدم لها:
آدم(وهو يتوجه لها):مالك يا سو
سهي(بتعب):مفيش بس تعبت من السهر و القلق علي لوجي
آدم(وهو ينظر في ساعته):سهر ايه الساعه لسه تسعه (ثم اكمل قائلا بخبث)و لوجي بس اللي وحشتك
سهي(بتعب و هي تتوجه الي السلم):تصبحوا علي خير
آدم و لوجي:و انتي من....
لم يكملوا الجمله حتي وجدا سهي سقطت مغشيا عليها
•••••••••••••••••••••••••••••••••
عاد آدم و لوجي متأخرا في المساء بعد العديد من الاتصالات بين سهي و ليلي للاطمئنان علي لوجين دخلا الي الڤيلا ليجدا سهي تتابع التلفاز و معالم الارهاق و التعب باديه عليها فقال آدم لها:
آدم(وهو يتوجه لها):مالك يا سو
سهي(بتعب):مفيش بس تعبت من السهر و القلق علي لوجي
آدم(وهو ينظر في ساعته):سهر ايه الساعه لسه تسعه (ثم اكمل قائلا بخبث)و لوجي بس اللي وحشتك
سهي(بتعب و هي تتوجه الي السلم):تصبحوا علي خير
آدم و لوجي:و انتي من....
لم يكملوا الجمله حتي وجدا سهي سقطت مغشيا عليها فهرع آدم اليها و حاول افاقتها لكن دون جدوي فأمر لوجي بالبقاء معها و صعد ليحضر احدي عطوره ذا الرائحه النفاذه لكنها لم تفق فازداد قلقه عليها فقام بمهاتفه طبيب العائله ليأتي اليهم علي الفور و بعد ان قام بالكشف عليها قال لهما:
الطبيب(مداعبا لوجي التي كانت تبكي):ايه يا لولو بتعيطي ليه
آدم(بقلق):هي مالها يا دكتور
الطبيب(مطمئنا آدم):متقلقش هي بس مبتاكلش كويس و كمان عندها انيميا فده اثر عليها حاولوا تهتموا بأكلها شويه و تخلوها متعملش مجهود اوي (ثم قال وهو يناوله ورقه)و ياريت تجيبلها الفيتامينات دي و تاخدها باستمرار
آدم:تمام يا دكتور (ثم قال وهو يصافحه)متشكر جدا
الطبيب(وهو يغادر):العفو يا ابني
آدم(بعد مغادره الطبيب):انا هنزل اجيب الادويه دي و انتي يا سنيه خليكي مع لوجي (ثم قال محاولا تهدئه لوجي)خلاص بقي يا لولو هي شويه و هتقوم تلعب معاكي
لوجي(وهي تنظر له ببرائه):يعني هتبقي كويثه(كويسه) يا بابي
آدم(وهو يقبل ابنته):ايوه يا لوجي انتي بس بطلي عياط و هي هتبقي كويسه
لوجي(وهو تجفف دموعها):خلاص انا بطلت عياط اهو
آدم(وهو يحتضنها):شطوره يا لولو (ثم قال وهو يتوجه الي خارج الغرفه)انا نازل مش هتأخر ان شاء الله بس انتي خلي بالك من لوجي يا سنيه
سنيه:حاضر يا ابني
•••••••••••••••••••••••••••••••••
عاد آدم الي المنزل بعد ان احضر الادويه صعد الي غرفه سهي ليجدها جالسه تحتضن لوجي التي كانت قد توقفت عن البكاء فقال لهم آدم:
آدم(هو يجلس بجانب سهي علي السرير):عامله ايه
سهي:تمام الحمدلله
سنيه:مش راضيه تاكل
آدم(وهو يأخذ منها الصينيه):طيب روحي انتي يا سنيه
لوجي(وهي تنظر لامها ببرائه):انا بحبك اوي يا مامي
سهي(وهي تقبل وجنتي ابنتها):و انا بموت فيكي يا لولو
آدم(وهو يطعم سهي بيديه):طيب لو خلصتي طبق الشوربه ده اطلبي اللي انتي عايزاه
سهي(بطفوليه):هيييه (ثم قالت وهي تأخذ منه الطبق)هاته
آدم(بعد ان انهت سهي صحنها):ها يا ستي اطلبي اي حاجه و انا موافق
سهي(مفكره):امممم هي حاجه ممكن متوافقش عليها
آدم:لأ متقلقيش قولي بس انتي
سهي(بسرعه):عايزه اروح قابل عمرو
آدم(باستغراب):عمرو مين؟
سهي:عمرو يا آدم هو انا عمري ما حكيتلك عن عمرو؟
آدم(بملل):لأ ياختي عمرك ما حكيتيلي عن عمرو
سهي:بص يا سيدي انت عارف مروان و الناس دي لما كنا في القاهره بقي كان في بنت و ولدين كمان نورهان و عمرو و امير المهم نورهان فضلت في القاهره و عمرو دخل كليه شرطه و امير سافر انجلترا بس يا سيدي و انا مشوفتوش بقالي كتييير اوي و بصراحه عايزه اقابله
آدم:طب و انتي ايه اللي فكرك بيه دلوقتي ده انتي تقريبا مشوفتيهوش بقالك عشر سنين
سهي:ايوه فعلا انا كنت نسياه اصلا بس لما روحت ساعه التحقيق ده هو اللي كان بيحقق معايا بس و عرفت انه اتنقل اسكندريه هنا
آدم(بتفكير):يعني انتي مصممه يعني
سهي(وهي تومئ برأسها):امم
آدم:موافق بس بشرط
سهي(و كأنها قرأت ما يريد قوله):مروان جاي كده كده
آدم:طيب خلاص موافق
لوجي(وهي تنظر لوالديها):انا عايزه اروح انا كمان ملوان(مروان) وحسني(وحشني)
آدم:و انتي شويه مروان و شويه سيف هو في ايه
سهي(ضاحكه):هههههه متركزش (ثم قالت مخاطبه لوجي)عايزه تيجي يا لولو
لوجي:لأ خلاص هقعد مع بابي
آدم(وهو يقبل ابنته):حبيبه بابي انتي
•••••••••••••••••••••••••••••••••
في اليوم التالي توجهت سهي الي حيث ستقابل عمرو و مروان بعد ان اذن لها آدم بساعتين فقط حفاظا علي صحتها المٌهمله نزلت من سيارتها لتجد مروان و عمرو جالسين بصحبه بعضهما البعض فتوجت اليهما و قالت:
سهي(وهي تصافح عمرو و مروان):اتأخرت عليكو؟
عمرو:لا ابدا ما مروان باشا لسه جاي حالا
مروان(ممازحا):باشا ايه ده انت اللي باشا (ثم قال لسهي)البيه دخل كليه شرطه و اتنقل هنا
سهي:منا عارفه ما هو اللي كان بيحقق معايا في قضيه آدم
مروان:هو عامل ايه صحيح؟
سهي:كويس الحمدلله
عمرو(باستغراب):ايه ده هو انتوا بتتكلموا و عادي يعني حتي بعد الطلاق
سهي:ما هو آدم رجعني لعصمته تاني
عمرو(باستغراب):رجعك ازاي يعني انتوا متطلقين بقالكوا قد ايه
سهي:من سنتين
عمرو(بعدم فهم):ازاي يعني رجعك تاني و انتي مش في شهور العده اصلا
سهي(بذهول):يا نهار ازرق و لا خدت بالي
عمرو:معني كده حاجه من الاتنين يا أما هو طلقك و رجعك في ساعتها قبل ما يسافر يا اما هو بيستهبل
سهي(وهي تغادر قائله بسرعه):طيب سلام دلوقتي
و رحلت سهي و تركت ورائها عمرو و مروان قلقيين مما يمكن ان يحدث
•••••••••••••••••••••••••••••••••
دخلت سهي الي منزلها وهي تشبه البركان الثائر صعدت الي غرفه آدم بسرعه البرق و فتحت الباب بعصبيه و قامت بركله لاغلاقه محدثه صوتا اهتزت له اركان الفيلا نظر آدم الي سهي باندهاش فقالت له سهي:
سهي(بعصبيه):آدم احنا متطلقين من امتي؟
آدم(ببرود):ايه السؤال الغبي ده
سهي(بعصبيه و صوت عالي):بقولك متطلقين من امتي رد عليا
آدم(بهدوء):من سنتين
سهي(بنفس العصبيه):و رجعتني لعصمتك امتي؟
(ثم قالت بعد ان صمت آدم)رد عليا بقولك
آدم(بنفس الهدوء):في ساعتها اول ما طلعتي علي اوضتك
سهي(وهي تقترب منه):انت انسان سافل و حقير و واطي
آدم(بعصبيه وهو يمسك ذراع سهي):سافل عشان بحبك و كنت خايف عليكي من واحده حقيره زي سالي بعد ما هددتني انها تأذيكي انتي و لوجين لو متجوزتهاش ولا عشان قلتلك حجه مش موجوده اصلا بس عشان عارف ان كرامتك اهم من اي حد تاني كدبت عليكي و قلتلك اني بحب واحده تانيه و هتجوزها عشان تكرهيني و تقدري تنسيني عشان مكنتش ضامن اني ارجع تاني اصلا (ثم قال و قد هدأ قليلاً)و لا انا واطي عشان كنت عايش علي صورك انتي و لوجي اللي كانت معايا و لا عشان الناس اللي سالي بتشتغل معاهم كانوا عايزين يجيبوا رجلي في اي مصيبه و خلاص و يوم ما اتقبض عليا قلت دي فرصتي عشان ارجع لمراتي و بنتي (ثم قال وهو يغادر الغرفه)مش انتي لوحدك اللي اتعذبتي و إذا انتي تعبتي في بعدي عنك قيراط انا تعبت اربعه و عشرين علي الاقل انتي كان معاكي لوجي لكن انا كل اللي كان معايا صور
خرج آدم من الغرفه ليترك سهي شارده فيما سمعت للتو إذا فقد هددته تلك البغيضه سالي و قامت بالتفرقه بينهما و جعلتهما يعيشان اسوء عامين في حياه كليهما نفضت سهي تلك الافكار من رأسها و عزمت علي ان تعيد الامور مثل سابق عهدها عندما كان الحب و الدفء يسريان في اركان هذا المنزل
•••••••••••••••••••••••••••••••••
نزلت سهي لتبحث عن آدم وبينما هي متوجهه الي السلم سمعت صوت ضحك لوجي فتوجهت الي غرفتها و فتحتها لتجد آدم يجلس معاها و هما يلعبان مع بعضهما و ما ان رآها آدم حتي صمت بينما قالت لوجين:
لوجي:تعالي يا مامي العبي معانا
آدم(وهو يغادر الغرفه):انا هنام بقي يا لوجي شويه و هجيلك تاني
لوجي:اوكي (ثم استطردت قائله)تعالي يا مامي
سهي(بسرعه وهي تغلق باب الغرفه خلفها):معلش يا لوجي شويه و هاجي تاني
توجهت سهي مسرعه الي غرفه آدم بسرعه فتحتها دون ان تطرق علي الباب و اغلقت الباب خلفها التفتت لتجد آدم ينظر لها بجمود ثم ما لبث ان اكمل ما كان يفعله فوقفت سهي امامه و قامت بجذبه من يديه ليصبح في مواجهتها فقالت له:
سهي(وهي تنظر له):انا اسفه،بس جرب تحط نفسك مكاني و انت تعرف انا عملت كده ليه و قلت كده ليه (ثم قالت و قد امتلئت عينها بالعبرات لتذكرها هذا اليوم)لما تبقي خايف اوي ان حد انت بتحبه يسيبك و تلاقي بين كل الناس اللي حواليك حد بيعمل المستحيل عشان يخليك تثق فيه و يفضل جنبك علي طول و فجأه تلاقيه سابك هو كمان عارف الاحساس ده؟ان روحك تبقي في بني آدم في يوم و ليله يقولك احنا لازم نسيب بعض عشان انا بحب واحده تانيه و مش قادر تنسي عشان في حته منه قدامي علي طول (ثم قالت و قد نزلت دمعه حاره علي خديها) عارف لوجي اللي كنت بتقولي ان هي دي اللي مصبراني و ان انت مكنش معاك غير صور؟ لوجي دي كانت مصدر عذابي شايفاها كل يوم بتكبر قدامي كأني شيفاك انت قدامي كل ما كانت بتجيب سيرتك قدامي كنت بموت و كل مره تسألني فيها "هو بابي بيحبني" كنت بتقطع فيها كنت عارفه انك هيجي وقت و تسيبني فيه انا مكنتش عارفه ده انا كنت متأكده انك هتسيبني بس مامتك هي اللي اقنعتني ان كل دي مجرد اوهام من خوفي و اول ما بدأت اتعود علي وجودك معايا علي طول و في اكتر وقت انا محتاجاك فيه الاقيك اختفيت من حياتي فص ملح و داب معرفش عنك اي حاجه و كل ما بنتك تسألني هو بابي سابني ليه ابقي حاسه ان روحي هتطلع بتفكرني بكل كلمه قلتهالي يا آدم من اول ما عرفتك و اسرح و اقول معقول آدم يحب واحده غيري ابقي بغلي و انا متخيله ان انت في حضنك واحده تانيه غيري و اضطر اقولها ان انا اللي غلط و ان انا اللي زعلتك و ان انا سبب معاناتها و هي شايفه كل الناس ماشيه مع ابهاتها و هي لأ بس انا فعلا وقتها كنت حاسه اني غلط كنت حاسه اني غلط في حق بنتي لما خلفتها و غلط في حق نفسي لما اتجوزتك او اني فكرت اتجوز اصلا (ثم قالت وهي تنظر له بعمق)عرفت دلوقتي انا كنت حاسه بايه؟
آدم(وهو يضمها اليه):كل ده انا السبب فيه انا اسف بجد حتي و انا مسافر عمري ما تخيلت انك ممكن تكوني بتتعذبي بسببي للدرجادي (ثم قال وهو يحتضن وجهها الملئ بالعبرات بكفيه)انا اسف بجد و اوعدك اني اعوضك عن كل لحظه وجعتك او اتعذبتي فيها بسببي
سهي(وهي تنظر له بعينيها الدمعتين):انا مش عايزه اي حاجه غير انك تفضل جنبي علي طول ده كل اللي انا عايزاه
آدم(وهو يقبل رأسها):و انا اوعدك ان المره دي فعلا مش هسيبك حتي لو هموت
سهي:بحبك
آدم(وهو يقبلها):بموت فيكي
•••••••••••••••••••••••••••••••••
