#بنت_عمي
الفصل الثاني
انا.. تخيل الحقير هضا اللي محسوب على الرجالة ضرب كانو ضرب تقول سيارة ماشية عليها
معتز بصدمة .. شنوووو ضربها
انا بقهر .. اه ضربها
(وحاولت نهدى ) انت عارف اني مارقدتش الليلة اللي عدت فيها لراجلها
معتز .. عارف ماهو نفختها ليا من فقدك ليها
انا.. طبعا ماقدرتش نرقد زي اللي صارلي امس بسبب ان كيان مش بايته في حوشي وعلى قد ماحاولت ماقدرتش نرقد فقلت لاسماء بنطلع نصلي ركعتين وندعي لاهلي واهلها لانهم اكيد حاسين براحة بما ان كيان تزوجت وكل مانحس بوجع فراقها نذكر فرحتها بعريسها اللي استناته ايام وشهور وسنين نين الست امه توافق على زواجهم وتوضيت وصليت لكن حسيت با حساس مش تمام بكل قلبي انقبض وخشيت للدار على اسماء وقلت ليها اني بنغير دبشي وبنعدي لكيان
معتز .. من جدك
انا .. اه والله وفعلا على قد مادارت فيا اسماء ماعدلت عليها سلحت بيجامتي ولبست لبستي ونا بنطلع رن جرس الباب واستغربت بالذات الكلام هذا كان الساعة اثنين ونص في الليل وفتحت الباب ونا مانندري الا على كيان طايحة بين احضاني وتبكي وبس وبعد ما بعدتها على حضني كان وجهها مافيشي مكان سليم غير الدم السايل من فمها وخشمها وجيت بنخششها لجوا بنفهم ماقدرتش تمشي كويس طبيتها ودخلتها وهي تبكي وبس وتلقتها اسماء بين احضانها وعديت جبت علبة الاسعاف وعطيتها لاسماء تنظف في جروحها وكيف هيا تتوجع
معتز بوجع .. وشنو السبب لهذا كله
انا .. لان السيد المتخلف رواد يسحابها مش بنت
معتز .. شنووووو
انا .. تخيل كيان تطلع مش بنت ويديرها وحدة فاسدة هالحيوان المتخلف ولا كأنه كان كل حاجة بالنسبة ليها ولا كانه حب عمرها ولا كانه اول راجل خش حياتها
معتز باستغراب .. مافهمتش يا احمد
انا .. امس ماصار شئ بينهم تعبانين الاثنين وقررو انهم ياخذو الامور بينهم بهدوء
معتز .. تمام هذي حاجة كويسة
انا.. واليوم شكلها امورهم تمام ولما صار اللي بينهم الاخ ماشافش الدم اللي يثبت طهارتها
معتز بعدم فهم .. كيف
انا ....
*الحديث اللي دار بيني وبين كيان واسماء قبل ساعتين من قمعيزتي مع معتز *
اسماء بعد ما لاحظت ان كيان مش قادرة تحكي قدامي .. احمد خليني مع كيان بروحي نفهم منها ونقولك
انا بتنهيدة .. باهي
وصبيت من حذاهم لكن قلبي ماطاوعنيش وقعدت نسمع في كلامهن من وراء الباب
اسماء.. اهدي يا يمي واحكي بالشوي
كيان بدموع مبنش يوقفن ونبرة صوت موجوعة ومقهورة .. في البداية قعد يخبط في راسه ويكسر في كل حاجة وكسر المراية ونا مستغربة وقعدت نلبس في روبي وبعدها جاني زي الثور الهايج وقعد يقولي نا تضحكي عليا نا تلبسيني عارك وكلام من هذا في البداية مافهمت شئ وشنو يقصد من كلامه لكن لما قعد يسب في شرفي وربايتي بحتت تحت مني على السرير وماشفت شئ فهمت شنو يقصد وحاولت نوقف بعد ضربه ليا بكل قوة وغليل وقلت ليه توا نطلع نا وياك لاي دكتورة نلقوها
اسماء.. وطلعتي هكي
كيان بوجع ودموع .. ايه لبست عبايتي فوق روبي وطلعت معاه ننسند على الحيط بيش قدرت نوصل للسيارة وهو ماعدلش عليا بكل ومشينا لقينا مصحة مفتوحة وسئل على دكتورة نسائية فقالوله في ونزلت من السيارة بمنظري هضا وكل من يشوفني يستغرب
اسماء ومازلت شادة اعصابها تحاول تكون هادية .. وشنو صار وماتتحشميش مني
كيان .. الحشم بنحطه على تركينة يا سومة بيش تقدرو تجيبولي حقي
اسماء .. ونحن على وجه الارض ماتخافي حقك يضيع
كيان .. وطلبت من الدكتورة انها اطلع الممرضة وتخلي زوجي يخش تخيل ان الدكتورة استغربت لما قلت زوجي
اسماء.. ليش
كيان .. على حسب مافهمت تسحاب الدكتورة انه خوي وانه شافني مع واحد وجايبني بيتاكد مني بعد ماعطاني طريحة
اسماء وهي تضغط على اعصابها ماتبيش تخوفها وتزيد على ماهيا فيه .. كملي كانو
أنت تقرأ
الجزء الاول من (سلسلة أقرباء ولكن ) بنت عمي 💙(منقوله )
Romanceلمحة من ورواية كل علاقة ليها عمقها واخطائها وحسناتها وحتى حزنها وفرحها لكن علاقتي ببنت عمي علاقة من نوع ثاني مانقدرش نعطي ليها اي اسم او اني نقدر نعطيها وصف يناسبها #حياة منقووووولة 💙
