سامحوني وخياتي انتن عارفات ان نحن مانردوش ليكن طلب وتعليقات امبارح للاسف ماشفتهنش لان بعد مانزلت الفصل كمل النت من عندي وهذا وين عبيت وشفت تعليقاتكن
#بنت_عمي
الفصل الثامن عشر
كيان بصدمة .. قمري
رواد بنفس الصدمة .. كياااني
رواد
لما انتبهت للسلة الكبيرة اللي نحطت جنب الباب وبعدها لفت الولية ثاني ونا مشفتش وجهها لانها عطتني بضهرها اول ماحطت السلة ودخلت بنت صغيرة معاها ولما رفعت راسها بيش تخش كويس ماصدقتش نسحاب روحي نحلم من كثر ريافي عليها نين سمعت اسم قمري عرفت روحي مانحلمش صبيت ونا مازلت تحت تأثير الصدمة ومش مصدق انها قدامي لمست وجهها بايديا حطيت ايديا على كتوفها ونهز فيها
رواد بفرحة .. انتي قدامي صح انا مانحلمش صح تكلمي يا كياني انطقي بيش نزيد نتأكد اني مانحلمش
كيان ومازالت مصدومة رفعت ايدها وتلمست لحية رواد .. حتى نا مانحلمش صح انت قدامي حق
رواد بصوت عالي .. اااااه ياقلبي ( وبصوت هادي وتنهيدة كبيرة ) الحمد والشكر ليك يا رب عطيتني اكثر مامتنمي عطيتها ليا بلحمها ودمها قدامي ( وحضنها زين ) كنت طامع بس نحصل عنوان يوصلني ليك مش نلقاك قدامي الحمد والشكر ليك يارب
كيان باستغراب وبعدت شوي على حضنه .. متنمي عنوان توصلني بيه
رواد .. ماهو كنتـــ
وتين وهيا تشد في بشت امها.. ما ما با با
وهنا فطن رواد للبنوتة الصغيرة اللي شادة في كيان وبعد كيان على حضنه وركز على البنت وكيان قعدت تشوف فيه شنو بيدير او شنو بيقول طبس رواد على وتين وشافها كويس وفجأة خذاها في حضنه ودموعه نزلن بدون مايشعر ويتكلم بصوت يرعش ممكن فرح ممكن وجع وممكن حاجات واجدة حاس بيهن
رواد من بين دموعه وحضن وتين زززين .. بنتي صح تشبهلي بنتي قولي بنتي يا كيان (وباعد وتين شوي على حضنه ويتلمس في وجهها ) عيونها زيي وخشمها زي امي وشعرها لونه زيي لكن لويته زيك هذي بنتي اكيد
كيان بتأثر ودموع من موقف رواد وكيف هو يتلمس في وتين .. اه بنتنا يا رواد بنتنا اللي عرفت اني حامل ومادورتش
رواد صبا وهو رافع وتين في حضنه وضامها ليه كأنها بضيع منه .. نا من لما سافرتي وماحد يعلم عليك حاجة كيف بنعلم انك حامل
كيان باستغراب وتمسح في دموعها .. كيف ماحد يعلم عني حاجة ونا لعند قبل مانجي بيوم نحكي مع آية فايبر ودايرين حتى قروب عل الفايبر ديمة نحكو فيه نا وحسام وصباح وامل وايمن وميسم وحتى صلاح راجل امل وقيس راجل صباح
رواد وزاد حضن وتين وبصوت مهزوز .. شنو تقولي كياني
كيان .. اهو اسئلهم ونا اول ماعرفت روحي حامل اتصلت بعمتي سامية وقلت ليها ودارت روحها ماسمعتنيش او ماسمعتنيش اصلا لكن بعتت رسالة خطية مع عمو معتز وحتى قلت ليه يحطلك رسالة في الشقة من تحت الباب
رواد ومش مصدق شنو يسمع .. به ماعطوكش رقمي وليش كنت كل مانسئلهم يقولولي انهم مايعلمو شئ عليك
كيان .. ونا طولت ونا نسئل عليك ويقولولي تكلم فيهم من الكابينات العامة ماعندكش رقم خاص وكل مانسئل مفيش مرة قالولي انك سئلت عليا فبطلت حتى نا نسئل عليك
رواد بهزة راس ونزل بنته من حضنه لكن مازال شادها وبصوت عالي .. ايمن آية حسام
طلعو الثلاثة ليه وعارفين شنو رواد بيقول وعارفين مهما عاتب ولام معاه الحق
كيان بهدوء.. شوي يا رواد نرفع وتين لسومة ونرد حتى نا نبي نفهم
رواد وقرب وتين حضنها ثاني .. بس نا ماشبعتش من بنتي
كيان .. نحن قاعدين يا رواد لكن مش لازم وتين تسمع اللي بيصير وهيا بنتك طالما مصدقني
رواد باستغراب .. مصدق شنو
كيان .. ان وتين بنتك
رواد.. ولا واحد في المية شكيت يا كياني ( وحط ايده على وجه كيان ) غير ان شكل وتين ينطق من بعيد ويقول انها بنتي وبعدين انتي عمرك ماكنتي مش تمام عشان نشك فيك وغلطتي الاولى دفعت ثمنها ان عندي بنت ونا آخر من يعلم
كيان براحة جواها .. خلاص نمشي نرفعها ونجي بسرعة حتى نا نبي نفهم
أنت تقرأ
الجزء الاول من (سلسلة أقرباء ولكن ) بنت عمي 💙(منقوله )
Romanceلمحة من ورواية كل علاقة ليها عمقها واخطائها وحسناتها وحتى حزنها وفرحها لكن علاقتي ببنت عمي علاقة من نوع ثاني مانقدرش نعطي ليها اي اسم او اني نقدر نعطيها وصف يناسبها #حياة منقووووولة 💙
