الجزء الاول من (سلسلة أقرباء ولكن ) بنت عمي 💙(منقوله )

11

#بنت_عمي
الفصل الحادي عشر

رواد.. كياني نا نحبك
كيان... لما نطقها خلاص حسيت قلبي وقف ونفسي راح وحرارتي ارتفعت
رواد.. كنك ساكتة كيان خوذي نفس بشويش
كيان... درت زي ماقال بيش خذيت نفس بالشوي بيش حسيت بنبض قلبي من جديد
رواد بتنهيدة .. ماترديش عليا كيان تو خوذي وقتك وشوفي مشاعرك من ناحيتي شنو ونا مستعد نتحمل ايش ماكان ردك المهم ماتخلينيش معلق
كيان بسرعة .. حتى نا
رواد بلهفة وفرحة .. حتى انتي شنو كياني
كيان باحراج .. زي ما انت قلت
رواد بضحكة .. خلاص كياني يجي وقت ونسمعها منك المهم ان مشاعرك زي مشاعري
كيان بصوت واطي .. مش عارفة
رواد باستفهام .. كيف مش عارفة
كيان.. من لما بعدت عليا ونا نتخيل في ضحتك ونبرة صوتك وصورتك اللي مافارقتش خيالي وحكيك معاي واهتمامك بيا مش عارفة انت هكي والله لا بيش نكون زيك
رواد بحب .. تعرفي من لما خبطتي فيا ونا فيا شئ تحرك ناحيتك بالذات دقة قلبي اللي هربت لما رفعتي راسك وجت عيني في عينك حسيت هذيك اللحظة انك لازم تكوني ليا حتى قبل مانعرف انتي منو
كيان .. هذاك اليوم عيونك سبحان الله ماشفتش زي لونهن حتى عميمة سامية اللي واخذ نفس لون عيونها مش زيك بالزبط هيا تحسهن ممزوجات بالخضر لكن انت سبحان الله رصاصي فضي واضح
رواد.. لون عيوني واخذه من اب جدي يعني جد امي اللي هو  بريطاني في
الاصل
كيان .. قصدك امك بريطانية مش ليبية
رواد ..تقدري تقولي
كيان .. كيف
رواد.. اب جدي خذا الجنسية الليبية فيعتبر ليبي
كيان .. اه ... رواد
رواد.. ياعيونه
كيان بضحكة .. مش حلوة عاد نا للدرجة هذي
رواد بحب .. في نظري احلى من عيوني يكفي اني نحبك واللي يقول انك مش حلوة يجي ياخذ عيوني ويشوفك بيهن
كيان باحراج من غزل رواد.. روااااد
رواد.. نعم
كيان .. امتى بتجي
رواد.. لو تبي من بكرة نجي
كيان بسرعة .. لا لا عاد انت سنة اخيرة ومانبيش نكون سبب يأثر عليك
رواد.. يعني ممكن بعد شهر نقدر نجي خميس وجمعة وسبت
كيان .. مع انه واجد بس ربي يوفقك
رواد.. سلام يا روح رواد
كيان .. سلام

ونذكر وقتها مشيت لسومة ونا فرحانة واجد وحكيت ليها وطلعت انها عارفة باتصاله لانه طلع مكلم بابي عليا قبل مايعدي وقديش كبر في عيني وقتها وانه كيف احترم الراجل اللي فتحله حوشه واستمرت علاقتنا اتصالات باستمرار بينا ورسائل على الفيس لان بابي قاله مافيش حاجة رسمية اتم نين نكمل الثانوية وتخرج رواد بتقدير مرتفع ومجموع يشرف ودارو هله عزومة كبيرة ووقتها لاول مرة نشوف تعامل ثاني من عمتو سامية ناحيتي واستغربت لكن ماعدلتش وبعد ايام تلاقيت نا ورواد او بمعنى اصح جاء لحوشنا يبي بابي ونا اللي فتحت الباب وكان قريب ليا واجد وشفت ذبوله والسواد اللي تحت عيونه واستغربت الحق مش رواد اللي كان في كل اتصال قبل مايروح يقولي انه قديش طاير من الفرحة عشان كل يوم يقدر يشوفني ورغم انه بعد ماروح بيومين معاش شفته لان كانو بنات عمتي عندنا وهو في نفس الوقت لما نتصل بيه يحكي معاي ع السريع ويسكر ولما خش للحوش وقال لبابي يبي حتى سومة تحضر القعدة حطيت ايدي على قلبي وخفت ووقتها صارحنا انه فاتح اهله في الموضوع وانهم وافقو وفرحو الا امه رفضت وجاء ياخذ في راينا انه اذا جاب ناسه بدون امه هل انوافقو او لا وقاله بابي لا لكن قاله  خوذ وقتك واقنعها وكيان هيا لك وحسيت براحة رواد لما قاله بابي هكي وقعدنا مستمرين في علاقتنا ورواد مش مقصر معاي في شئ هدايا وحِن واهتمام وحب مانقصش منه شئ وخليت روحي اني نكون بعيدة على امه بيش مايصيرش صدام بينا وجاء اليوم اللي بلغنا فيه ان امه اخيرا وافقت ووقتها كنت اخر سنة جامعة وما مازلن شئ على الامتحانات النهائية لكن من استعجال رواد انه يخلي اللي بينا رسمي طلب من بابي انه يدير عقد قرآن تو والفرح بعد امتحاناتي على طول وبابي ماعارضش ولما سئلني لقى عندي القبول ويوم عقد القرآن لبست فستان دمي دم غزال بصدر توب ومنفوخ طوله للركبة وعلى خصره حزام رقيق ذهبي ولبست معاه كندرة ذهبية وشعري درت فيه بروش ذهبي بس وطلقته زي ماهو على قد ما قالو ليا افرديه مابيتش ولبست معاه طقم بسيط ومكياج بسيط حتى هو صح نحب المكياج بس منحباش لدرجة يغير شكلي ولا نحب نلبس عدسات ولا نركب رموش راضية بلي عطاه ليا ربي وبعد ماتم عقد القرآن اللي تميت بعده اسمي زوجة رواد فرحتي ماكنتش سايعتني وعشان مانبيش نخرب فرحتي مابيتش نركز على امه وتصرفاتها واهتميت بلي يحبوني خواته وبنات عماتي ورفيقاتي حتى بنات جيرانا رغم انهن قاللي انهن كانن رواد اول شخص اعجبن بيه وهو عمره ماعبر وحدة فيهن الا انهن فرحن ليا واجد بقلوب صافية وخش عليا رواد اللي باس جبيني وقمعز وبعد بشوي جابت امه الدبلة والمحبس في علبة حلوة وطقم ذهب وطبعا سوابيت واجد جايبين مع ان بابي قال طالما العرس بعد اقل من شهرين مايجيبو شئ الا ان رواد اصر وبعدها لبسني الدبلة ولبسته دبلته ولبسني الطاقم ولما جاء عند السلسة باس رقبتي من تحت وذني بدون ماحد يفطن بيه هذيك اللحظة حسيت خلاص قلبي وقف رسمي وبعدها رجع باسني على راسي