الجزء الاول من (سلسلة أقرباء ولكن ) بنت عمي 💙(منقوله )

10

#بنت_عمي
الفصل العاشر

كيان بدموع .. اشتقت لرواد وقديش متمنية يكون معاي تو
انا وزدت حضنتها .. حيجي وحيجيك وهو يحبك اكثر من قبل
كيان .. ياااارب
اسماء شيرت لعبدو انه يكلمها وطبعا هو فهم عليها
عبدو فكها من حضني وحضنها .. خلاص كانو نحن كلنا معاك وعمو رواد تو يجي وتفرحي بشوفته
منى بتغير الجو.. هيا قبل ما سومة اديرلنا حضر تجول نجيبو الحاجات والله تطلع في البيبي كيكة الاوبرا بطبقاتها ويقتلنا رواد بعدين

كلنا ضحكنا عليها وطلعت هيا ومنى وعبدو وهدت شوي وبعدها بايام روح معتز وعطاته كيان الرسالتين وقاللها كوني هانية مع انه مش مقتنع زيي لكن هذا هو نبو انريحوها وخلاص خصوصا ان الدكتورة توصي على راحتها وديمة نجي في الليل حذا دارها ونسمع فيها كيف تحكي مع جنينها ومشن ايام وخشت كيان الشهر السابع وجاني اتصال من ليبيا وطلع عمي ناصر اللي استغربت اتصاله

انا.. السلام عليكم
ناصر ..وعليكم السلام كيف حالك يا احمد
انا.. بخير عمي كيف حالك انت
ناصر .. سامحني ولدي خذيت رقمك من صاحبك معتز
انا.. ولايهمك عمي انت تتصل في اي وقت
ناصر وهو محرج .. الحق انا اتصلت نبي منك طلب
انا.. ادلل يا عمي لو نقدر ولايهمك
ناصر بتنهيدة يحكي ومايسحابنيش نعلم بقصتها .. انت عارف بنتي مريم اللي كانت متزوجة في طبرق
انا ومابيتش نبين ليه اني نعرف .. كنها ياعمي ان شاءالله خير
ناصر بوجع وحزن واضح في نبرة صوته .. اطلقت وتو ليها ثماني شهور
انا.. لا حول ولاقوة الا بالله ربي يعوضها خير
ناصر بتنهيدة وجع ..ان شاءالله الحق نحن عندنا عزاء
انا.. عظم الله اجركم
ناصر .. اجري واجرك على الله المهم مريم من فترة تعبت واجد لما طليقها تزوج وانت عارف ان طليقها ولد عمها
انا.. عارف
ناصر.. وماصدقنا انها راقت لكن العزاء اللي صار قلبها بكل
انا بعدم فهم .. كيف ياعمي
ناصر .. في العزاء جاء ولد عمها لان العزاء لينا وطبعا جت معاه مرته واللي كسر مريم ان مرته حامل والحق انهارت ومش عارفين شنو انديرو
انا.. الف لاباس عليها اللي تبيه ياعمي انديره لك شنو تبي اسم دكتورة كويسة والله شنو
ناصر باحراج واضح .. انا نبي نباعدها على الجو اللي هنا بالك تغير الجو يساعدها ترجع زي ماكانت
انا.. راي سليم لان احيانا المريض اللي يمر بي ازمة نفسية يتغير مكانه يساعد على تحسنه وحتى البعد عن الناس المعروفين ليه يحسنها واجد 
ناصر .. وهذا هو طلبي اني بنبعث مريم ليكم لو مايزعجكمش الموضوع لان نا ماعندي حد نقدر نأمنه عليها وغير هذا انت عرفت كيف اطلع بنتك من الازمة اللي مرت بيها
انا.. يا سلام ياعمي هذي بس ابعتها في اي وقت ولو مافيش من يجيبها من بكرة نحجز ونجي انجيبها
ناصر بفرحة واضحة .. بارك الله فيك يا ولدي والله طلبتك وناعارفك ماتردني
انا وريحني تغير نبرة الفرحة فيه.. والله ياعمي من يوم ماسكنتو حذانا ونحن نعدو فيكم هلنا وبناتك خواتي
ناصر .. ربي يحفظك يارب ويرحم والديك اللي عرفو يربو
انا.. امين يارب ... شنو عمي نحجز بكرة 
ناصر .. لا يا ولدي بكرة نا نحجز ليها ونبعتها لك انت بس لاقيها في المطار
انا.. بروحها يا عمي
ناصر بتنهيدة .. مافيش حد نبعته معاها يا احمد خوها صقر انت عارفه يقرا برا وخوها ذيب لاهي معاي في العزا مايقدرش يخليني بروحي وغير ان ولده داير حادث راقد في المستشفى
انا.. لاباس عليه ياعمي
ناصر .. ماتشوف باس يارب
انا.. الحق طالما حالها تاعب ياعمي مرات تنهار والله حاجة
ناصر .. ونا مانرضى تسيب صباياك وتجيها
انا.. تعرف ياعمي عطيني شوي عندي رفيقي معتز هو الايام هذي بيجي على خاطر كيان فنشوفه لو يقدر يحجز ويجي اقرب كنهدا تبعتها معاه على الاقل هو دكتور لو صارت حاجة يكون هو موجود معاها لاقدر الله لو ماعندكش مانع طبعا
ناصر براحة .. هو رفيقك اكيد زيك يا احمد ماعندي مانع وبعدين نا شفته اكثر من مرة ومايتخير عليك 
انا.. خلاص ياعمي سكر تو غير خليك في تغطية ونعاود عليك
ناصر .. ربحت يا ولدي