المهندس ....
زينب علي ....
اني يوميه اطلع من الصبح ما ارجع لحد ٣ العصر يوميه لمن ينكسر ضهري وكفه وشغل وصيانه وارجع للبيت مهدود حيلي الكه مرة اخويه طابخه والاكل ع الطباخ محطوط بارد استحي اكلها حميهن واكوم وحدي احمي الاكل واطلع الخيار واسوي واتغده وحدي لا الي نفس اكل ولا الي نفس اشرب .
وصار موعد النزول رحت طااااير ع البيت لكيت احلام شبكتها حسيت روحي مشتاق الها .
مشتاقلج والله احلام تعاي وياي باجر .
اني هم مشتاقتلك . الله كريم
لا احلام اني صعبه عليه اضل وحدي لا ونس وياي حته لكمتي اني احميها ملابسي اني اغسلهن . استحي اكلها والله وهيه تتوسل بيه هم فشله . والله ذيج المره كعدت مركت الشجر تلعب النفس ما متعود على طبخها تعاي وياي شعندج ضاله هنا وحدج .
ميخالف رعد اجي .
هههههه فدوه اروح للحنين الي ينكسر خاطره عليه .
ههههه هم ياريت تقدر الناس .
وشبيها الناس متقدر لو تفرين الدنيا كلها متلكين واحد مثلي يحبج ويريدج والله .
يلا كومي صبيلي اكل راح اموت من الجوع .
هههه وجهك اصفر .
طبعا وجهي اصفر غير من وراج مرة امير مسويتلي رجيم . لو مريتي يمي جان هسه صرت شعرضني .
ههههه الله ينتقم من سوالفك .
.
وصار موعد النزله مالتنه ونزلنه سويه كلمن ومرته نزلت ويا . واني اول مره انزل مثل الاسد احس روحي فرحان بيها لان يمي . صدك جنت احس احلام اجمل امراه بلعالم يعني اني جنت احبها كبل زواجي منها وهسه رغم مصار طفل الي يقوي علاقتنه بس احسها قويه بدون طفل يمكن اذا صار طفل لا حرام حته دوام بعد ما انزل على حسابهم .
....
الساعه ب ٧ الصبح كعدت سبحت وبدلت وبست احلام كومي سويلي ريوك .
كعدت تتماغط احلام ما بيه حيل سوي انته ضهري يوجعني والله .
احلام والنبي ما اكل اله من ايدج . اضوج اذا ما اكل وياج .
امير وين .
طلع امير ههههه كعد من الصبح ع الزرع .
اكلك خاف امير عنده رس فلاليح اشو عجبته الشغله .
خل تعجبه الوا شغله مرزوقه وبيها كل الخير .
...
تريكت وطلعت اركض لكيت امير كاعد وي ولد حجي رضوان الحجي متزوج ٤ نسوان وعنده ولد هواي وكوووولهم عدهم كيعان وفلاليح . وضلو يسولفون . وي امير .
ها شلونه المهندس .
الحمد لله بخير . عفتهم ورحت لشغلي المتعب . منتظر الساعه الي ارجع بيها لبيتي .
