المهندس ....
زينب علي .....
لج خديجه شفتي شلون يباوعلي .
ولج يمعزايه لا تفضحينه والله اذا شافنه واحد يكتلنه بلمجان ستري علينه يمعوده .
تدرين خديجه روحي ترف عليه ياريت جن طير واشوفه شيسوي .
امداج يلغمان مززززوج وفوكاها ما عنده بزر شلج بي .
ما ادري والله شكد اكره المزوجين وشكد اكره التاخذ على شرج احسها هدامته بيووووت بس والله مو بيدي ولج بس اشوفه يرتاح كلبي .
عمتي ام امجد : ياهو هذا الي بس تشوفينه يرتاح كلبج .
طفرررنه ثنينه وكلبي كام يدك ١٠٠٠٠ متتت يبست بدمي . عمي حسن يشبه ابوي الله يرحمه من اشوفه كلش ارتاح .
وشجاب عمج حسن على ابوج يصلفه لو تردن تسترن على رواحجن .
يا عمه شجرالج والنعمه ما جنه نجيب غير طاري .
خددددديجه .
ها يمه .
عليمن جنتن تحجن .
يمه تكول اتمنه ابوي عايش جان دللني وشترالي ملابس . كتلها امي وابوي مقصرين وياج . كالت لا والله من اشوف عمي جن شايفه ابوي . روح ترد .
اي خوش يلا وشدعواج هيج كاتله روحج ع الملابس . شنهو مشوهه ما شايفه.
نزلت راسي وسكتت . وره ما راحت كرصتني حيل خديجه . سمعي ولج تردين تكصين ركبتج روحي كولي اريدنه وعاشكته بعيد عني لا تخليني اموتن وياج وجفيني شرج .
هسه اني شحجيت يا عالم يا نااااس ..
شفتي شلون لزمتج اله شويه جان متي بهذا اليوم وتدرين احنه زعطوطنه ما يرحمنه انوب الزلم . دير بالج اني حذرتج . عوفي غريب احسن الج ما يشفعلج لو صار شي .....
هم حظي وقسمتي هاي .....
.
وقررت من هذا اليوم اطوي سيرته ابالي وحتلو اجه طاري هم انسي روحي . مرت الاياام واني كل تفكيري بي . احس روحي اريده لو مشتاقتله ومشتاقه شوفته كلش . جن عشك جاهله وما شافت احد وحياتي ما مرت برجال مثل هلمهندس هذا . صرت اتمنه مخلصه دراسه وبدون حته ما اعرف الهندسه كمت افكر بلمهندسين وضليت اعشق شي اسمه مهندس بدون اي معلومه عن الهندسه . يعني كبل جانت الدنيا صغيره مو مثل هسه اكو نت وتبحث كبل لا الزمن يختلف بسسسسيط واحلى ما بي بساطته .
رعد جان عباره عن فارس احلامي الي ما يوم مر من الايام اذا ما حلمت بي وهذا كل الي اكدر اوصف شعوري بذاك الوقت .
...............
هاي شبيها ام عيون الزرك ليش هيج تباوعلي والله عجيبه راح اتخبل .
كل هذا جان بفكري ليش تباوعلي وليش عيونها بيهن لمعه جن يحجن شي وشنو هذا الشي ما اعرفه . على هاي افكاري وقاطعني صوت احلام . ها عيني .
