المهندس ....
زينب علي .....
مرت اسبوع ونزل حسن ومرته ونزلت وياهم احلام .
واداينت فلوس من حيدر وحسن اخذت فلوس زواج ولده الي جانو ضاميهن اله .
سالوني عن احلام شراح نكول .
كتلهم لحد يحجي لمن تصير الشغله واقع ومن تجي هيه بنفسها وتشوف .
اول ما راحو بلشت بلبيت ااقديم ترميم رممته . لان امير بيته على كتر باني بس البيت القديم يحتاج هواي . فرممته وعدلته . وشعدل منه ما يبين بي . فاتفقنه انو اتزوج ابيت امير وعلى راحتي اشتغل بي .
عفت البيت لان شغله تكلف واني مداين فلوس كومه صارن . ورحت اشتريت غرفه اخشاب واثاث الها شويه ورتبتها . واجن مره فرات ومرة حيدر يردن يشوفنها . وديت فلوس النيشان بيدهن . واتفقو انو بعد اسبوع الزواج .
وره هذا الاسبوع بلضبط تزوجت من حوراء وجان زواج مثل زواج الموته كله هدوء بدون اي زفه ولا اي شي حته همه ما قبلو وحسيتهم ضايقوو . والي عرفته انو هيه مسويه حفله الها بس اتي ما سويت
اول ما شفتها مكيجه ولاعبه فلم بروحها وحافه حواجبها ومسويتهن رفأااااع . متت من القهر مو جن هاي حوراء جن وحده قرقوز كدامي .
كومي طبي غسلي وجهج بسرعه .
اي .
كامت بدون نقاش غسلت وجها . وطلعت مثل المخبله عيونها داير مدايرهن اخظر واحمر ولماعي واسود .
هاي شبيج . منو مسويتلج هيج شمسوين بيج .
عمتي ام امجد حطتلي .
ها خوش حظرتها تشتغل صالون ...
لا بس كالت ما يصلح اطبين وجهج فارغ ...
استغفر الله يا ربي . حوراء اعيد الحجي بعد هيج شغلات متخليهن بيج نهائياااا ....
هزت راسها موافقه .
طببتها جوه الحمام . غمضي عيونج .
غمضت . وبلصابون علكيف . وغسلته وابدددد ولا طلع تكول دهن ومحطوط . يروح منا ويجي منا يلوص . ومره ومرتين وتلاثه واربعه لمن طلع بس كامت تصيح عيوني حركني . والمصيبه بس شالت المكياج طلعن حواجبها .
حوراء بيها فد شي ساحر يعني تركيبه عيونها ولون عيونها مال وحده شكره بس حواجبها وشعرها سوووود. وهذا ضايف للجمال اضعاااف . الو متباوع الها تحس عين مشكوكه شك بلوجه . مو هيج عاديه .
هذا الي خلاني تخبلت من شفت حاجبها صاير هلال ورفييييييع .
من سوالج حواجبج .
عمتي .
( بكلبي كتلها انعل ابوج يابو عمتج ) اكلج خل اطيجياها من الاخير . تردين تمشين مثل ما اني اريد وتستمر حياتنه لو تردين مثل غيرج تصرين تركبين راسج .
