المهندس ....
زينب علي ....
صافن بدون كلام حسيت الكلمات كووولها طارت من دماغي حسيت افكاري جن مشوشه ما حسيت سمعت الي كالته .
مشتاقتلك ....
كررت مره ثانيه الي كالته .
منو انتي .
جانت بس تباوعلي وعيونها مغرغره .
منو انتي .
صافنه مجاوبتني .
زين شنو اسمج ؟
حوراء ....
كلت بكلبي سبحان الهالق صدك حوراء اسم على مسمى ..لبسي حجابج ....
ليش ؟ ...
شنو ليش انتي كاعده بشارع . لبسي يبت الناس ...
وين جنت كل هاي الفتره ؟؟؟
عندي شغل !!!!! ليش ؟؟؟؟
يوميه انزل اشوفك بلكي اجيت ....
شتردين مني ...
شتريد المره من الرجال ؟؟؟؟ ...
ههههه حاسبه نفسج مره يعني ....
وليش لا شنهو العايزني ....
روحي يبت العالم لا افيدج ولا تفيديني ...
بس انه احبك ...
انتي مراهقه شنو احبك روحي منا لا واحد يشوفج ...
لا تخاف محد يشوفني كلها طالعه ....
ما اخاف بس روحي انتي بعمر بنات اخويه مثل ما اخاف عليهن اخاف عليج روحي وبعد لتجين ...
والله هاويتك وكلبي طايف طواف عليك ....
خزرتها وكتلها بنتر ترحين لو اكل لهلج ...
......
خافت خلت ايدها على حلكها وراحت تركض . اول مره هيج جزت كلبي منها حسيتها هيه طفله وتحجي حجي اكبر من حجمها وشي ثاني بذاك الوقت الي جنه احنه بي جانن البنات يخافن من خيالهن يعني الي تحجي هيج اما عاشقه لدرجه الوله بحيث تتنازل حته عن كرامتها لو نحط عليها علامه اكس . وكولتنه عليها ( ما ضلت بنفس واحد ) اني اكره هيج صنف من النسوان ....
. راحت وضليت افكر بحجايتها مشتاقتلك ، احبك ،هاويتك ، وكلبي طايف عليك . ضحكت تذكرت فتره المراهقه الي مريت بيها فتره جانت صعبه كلش ههههههه .
رجعت للبيت كاعد افكر بيها وعقلي يخبط افكار العيون الشايلتهن مشايلتهن مره ضربت صفنه ورحت بغير عالم . امير يسولف وياي واني ولا كلمه سمعتها منه بس صدى صوته يرن بذاني لحد ما كال ابن امير علاوي كال يمه هاي اخت امجد بلباب ..
ركزت منو هاي اخت امجد . كلت اكيد هيه خل اطلع .
فتحت الباب شفتها رفعت حاجبي الها . شافتني نزلت راسها بدون كلام . شتردين ؟
