*انثئ في معتقل الحب *
بقلم(zainab ) عطر الورد
البارت ١
مساء الخير حبايبي 😍
رجعت وياكم بقصة جديدة اريد(تصويت ؛تفاعل)
ديمة:السلام عليكم اسمي ديمة راح اكون وياكم طيلة الايام القادمة راح احجيلكم ع قصتي بفرحها وحزنها راح تبدي من عمر ١٢ وتنتهي الآن وقد شارفت ع عمر الثلاثين
سوف تعيشون معي في محطات حياتي منها الحب ومنها الكره،الظلم ،القسوة،وكثير من المواقف
تعالو معي لاخذكم إلى عالمي.....
..........ديمة.....
طلعت ركض من المدرسة فرحانه...واني اعبر الشارع
بيدي شهادة الاول متوسط ....ناجحة الاولى
وكفت منتظرة السيارات.... اريد اعبر
اريد اوصل بسرعة..وافرح امي وابوي
طالعة الاولى...اكيد هسة منتظر ومصطفى اخواني ناجحين بس نجاح عادي ...اني أشطر منهم
وصلت للبيت....شمرت جنطتي بكاع
ورحت لغرفه ماما....دخلت لكيتها كاعدة بزاوية حاظنة رجليها ومخلية راسها ع رجليها اجيت ركظت بحظنها واني اصيح ماما طلعت الاولى وشبكتها شبكتني وكلتلي
سمية:بصوت حزين وعيون ذبلانه الف مبروك يعمري إنشاء الله اشوفج احلى دكتور
ديمة:وهي تباوع بوجه امها الشافته حزين
ماما شبيج منو مضوجج ليش عيونج حمر شنو باجية اكيد هاي عماتي لو بيبتي عاركنج
سمية:لاماما محد مضوجني
ديمة:لعد شنو ضايجة من اخواني خاف ماناجحين
سمية:تعالي ماما اكعدي خليني افهمج
اتنهدت شوفي ماما ابوج راح يسافر اريد منج انتي واخوانج اتكلوله لاسافر حاولي اتقنعو
ديمة:وهي اتكوم من حظن امها ومصدمة من التسمعه اول مرة أبوها راح يروح للخارج مامسويها من قبل...
ليش ماياخذنه وياه ما اريد ابقى اهنا اريد اروح وياه اشلون يعوفنه
وطلعت من غرفة ركض راحت لكت ابوها نايم ع تخم ومخلي اديه ع عينة ويمه منتظر ومصطفى يتوسلون بيه
ديمة ودموع بعينها وبصوت عالي
بابا صدك راح اتخلينه وتروح ليش ماتاخذنه وياك اني ما اريد ابقى هنا خلينه نروح اني وامي واخواني وياك انته مو اكول انتو اعز شي ليش لعد راح تتركنه
نعيم...وخر اديه عن وجهة وكعد وهو يشوف بنته اشلون عصبيه وصايرة حمرة من عصبيه وعيونها حمر كاللها
تعالي... تعالي اهنا خليني افهمج ابنيتي
ديمة:ما اريد افتهم انته راح اتروح واتخلينه هنا شفتهم
نعيم:وبصوت هادئ اشلون تفتهمين وانتي ماتخليني احجي تعالي اكعدي يمي وخليني افهمج
ديمة:مشيت بخطوات متثاقلة وصلت وكعدت يمة وكعدو يمي اخواني وبدء ابوية يحجيلي ويفهمني عبالة اني ازغيرة ويقنعي
نعيم:اسمعوني اني راح اروح اسافر فترة وارجع الكم ما راح اطول بس اخلص شغلي وارجع
منتظر:بابا اريد اروح وياك
ديمة:واني همين ما اريد ابقى اهنا
نعيم:لا بابا مايصير اني راح اروح ما اتأخر عليكم
ديمة:وضليت اتوسل بيه اني ومنتظر ونبجي بس مافاد اتوسلنه علمود ما يروح بس هو قافل ع روحة
راح للغرفة يطلع الجنط وامي واكفة بس تباوع احس بيها مقهورة بس ماتريد اتبين هذا الشي
واسمع عمتي نضال وبيبتي يحجن
نضال:خلي يروح يشوف حياته المن باقي اهنا بس لمشاكل بلكي اهناك يزوج شي اشو خلص عمره وهو ماشايف شي
ديمة:واني ابجي شفته طلع يسحب بجنط رحت لزمت ايده اتوسل بيه ما يروح ومنتظر همين
بابا فدوة لاتروح ما اريد ابقى هنا والله عماتي ايكتلنه حتى ماما يكتلنها لاتخلينة اهنا
نعيم:لابابا ماراح يصير شي الكم وهاي أمكم يمكم لاتخافون ....
وخر ايدي وباسنه وباس راس بيبي وسلم ع عماتي باوع ع امي وطلع وضليت اباوع عليه لاخر أثر....
منا بدت معناتنه مو بس معناتي لا معناة امي ظلم وقسوة عماتي وبيبتي ع امي
خليني احجيلكم عن حياة امي
اني من وعيت ع دنيا واني اشوف عماتي يحاربن بامي صحيح اني ازغيرة بس كلشي افتهم ماخلن شي ماسونه امي معلمة وهي بنت عمهم جدي انطاها لخوه هي وخالتي لعمي طبعا امي من سكنه بغداد وبابا من العماره بس رغم هذا يكرهنا لان جدي ابو امي كلش غني وحالته زينه وأهل ابوية جانت عيشتهم متوسطة خالتي كلهن واصلات فعماتي يغارن من امي ماخلن مشكلة ماسونها بيها وهي تسكت ماتريد اتوصله لجدي وخالي عندي بس خال واحد وخصوصا بعد مامات جدي وصارن عماتي يشمتن بامي ايكلولها راح هيبتكم ما صار عند امي سند قوي وخالي انسان مسالم ومريض فضلت السكوت ابوية كلش طيب بحيث حتى راتب من يستلمه يخليه بيد بيبتي وهي توزعه مل من المشاكل والضغط فضل الهروب من الواقع وبعد ماقرن براسه عماتي وبيبتي ويوم سافر كل أملي بيه يرجع بس بمرور الايام بدء هذا الأمل يختفي وصرت متعودة ع غيابه
بعد مرور اسبوع من سفر ابوية واحنا كاعدين بغرفة اذكر اشلون حاجيت عماتي من راح
ديمة:وعيون مدمعة وصوت مبحوح من البجي
كله من وراجن انتن خليتن بابا يروح ويعوفنه
نضال:ولج شنو من ورانه هو مل من امج ومشاكلها خلي يروح اهناك يشوف حياته اكيد هاي امج تقرا براسج
ديمة:امي مانقرا براسي بس اني اعرفجن انتن اكرهنا لامي وتفرحن من اشوفنها هيج مكسورة
نضال:اسكتين لا والله اني اربيج من جديد
ديمة:امي حاولت اتهدي الوضع واخذتني دخلتني بغرفة ودخلو اخواني ظلينه بس نبجي حظتنه وضلت اتهدي بينه ع رغم هي كلبها محروك
رجعت لواقع
واني اكتب عندي تمارين مال رياضيات واسمع عمي يصيح بعلو صوته رج البيت رج
ثامر:منو الشايف افلوسي راتب وين راح اختفى منو الاخذهن
نضال:ياا وهو منو ميت ع فلوسك شوفهن وين ضايعات
ثامر:هسة فلشت الغرفة ماكو طارن
الحجية:انته اذا مخلي مريتك يم اهلها ما اجيبها اهنا يومية ضايعتلك شي وتجي علينه اصيح
ثامر:يمة رحم لهلج معليج بمرتي هسة فلوسي وينهن
نضال:خاف سمية اخذتهن تعرف نعيم وراح منو بعد يصرف عليها
ديمة:كاعدين ونسمع الحجي احنا من راح ابوية امي اول ماتجي من دوام تخلص الشغل لعليها وتدخل لغرفه علمود تجنب المشاكل ....
من سمعت باسمها طلعت
سمية:نضال شنو هذا الحجي اني ميته ع فلوسكم عندي خير من الله عيني مليانه احنا اهل الخير
ثامر:وبحقاره والله كلشي يصير انتي لارجال يمج ولافلوس اكيد وشفتيهن كدامج حاظرات واخذتيهن
سمية:شوف لا حسبالكم اني ساكتلكم اخاف من يمكم انته ماكفاك اختي اخذت كل افلوسها وذهبها حتى راتبها تاخذه منها هسة الحرامية منو
ثامر:وبعصبية شال المنفظة ركعها براس امي
واني اشوف اشلون دم يجري من راسها كنت اعيط اخوية منتظر عمره ١٥ من حركة كلبه راح شخط سيارة عمي مايكدر يسوي شي عمي طلع ولكه سيارته مشخوطة وكتل منتظر اني لزمت ايد امي ودخلتها ضليت اصيح ع عمتي نضال خطية عمتي الزغيرة بلقيس كلش حبابة ويانه ساعدتني وضمدت جرح امي
ديمة:ماما ما اريد انضل اهنا خلينه نروح لبيت جدو عفية ماما شوفي اسوه بيج حتى منتظر كتلو
سمية:شوفي اخوج وينه شسوه بيه عمج
ديمة:وبحقد هذولة مو عمامي اني اكرهم بسبهم كلشي كاعد يصير بينا من وراهم حرمونه من ابونا وهسة كاعد ايئذوج ما اريد ابقى ....
ودخل منتظر علينه
منتظر:ها يمه بيج شي اخذج لدكتور
سميه:وبصوت متعوب لايمه مابيه شي وانته ليش هيج سويت بسيارة عمك شوف شسوه بيك ما اريد كم تتاذون بسبي
منتظر:اشلون يمد ايده عليج اني لاتخافين عليه الاشوفه بس يلمسج اكسره لو مو عمي هذولة يكرهونه خلينه نروح منهم
سمية:الله يخليكم الله هو اني المصبرني ع هاي العيشة انتو بس اصبرولي واحنا راح نخلص
ديمة:حظنه امنا ناخذ منها الامان حظنها دأفي واني ما اعرف شنو التفكر بيه واشلون راح تخلصنه من هاي العيشة الايام راح تبين هذا الشي.........
وتستمر الحكاية
____________^^^^^^_____________
