*انثئ في معتقل الحب*
بقلم (zainab )عطر الورد
......... ......... ............ ......... .........
يسألني من أكون؟
أنا احدى ملكات الكون
انثى أعياها السكون
انا طفلة مدللة تهواك بجنون
انا من تحاول اختطافك عن كل العيون
تلميذة علمتها ان تترك اﻵه والشجون
تحارب للحصول على قلبك الحنون
انا من ضمتك بحنان وأطبقت عليك الجفون
انا من تصرخ نبضاتها بإسمك صبح ومساء بجنون
عذرا حبيبي ﻻ تسألني من أكون
فأنا بكل كياني أهواك
(منقول)
............ .......... ........ ..........
البارت ٢١
مساءو ع احلى متابعين😍😍
(تصويت:::تفاعل)
......ديمة....
طول فترة الإمتحانات واني ذابه كل جهدي...
اريد انجح من اول دور سعياتي ما اساعدني..
لان حرت بمشاكل ...وما قريت زين ..
ذبيت جهازي بلوكر علمود لا يشغلني عن القراية
بس اخابر امي علمود تطمئن عليه ربع ساعة وارجع
اقفله لان لازم انجح من اول دور ودراستنه صعبه
طبعا القسم كلمن ماخذ صفحة ويقرا بيها ...
بحيث صايرة هوسة وهاي نرجس واكفتنه ع زلة
عرفت حبيبها معترف لرغد لو كامت القيامه
يوميه عركه اريد بس اخلص وانزل اجت وكفتنه
واحنا نقرا بغرفه...هي هسة طالعه من المشرفه
منطيها انذار نهائي تعدل سلوكها لان يوميه عركة
نرجس: شوفن والله لطلع التنبيه من عيونكم...
وانتي رغد اخذتي حبيبي ما اخليج تتهنين بيه
رغد رادت تحجي اني سكتتها لان اعرف اصير
مشكله واحنا ما باقينه بس يومين ع الامتحانات
اخر يوم بلامتحان..طلعت فرحانه لان مجاوبه وآخر
يوم نرجع لبيتنه...اجتمعنه احنا والبنات همين نودعهن..رحنا لكافتريا مجموعة بنات..اشترينه
وضلينه نسولف لان طول الامتحانات اشوفهن بس
سلام ما نكعد نسولف ونكص🤣طبعا احنا محظرين
غراضنه بس نرجع لقسم ناخذهن ونطلع لخط ..
شوي شوي وبدت البنات يروحهن اني كلت لرغد
خلينه نروح خاف نتأخر...اجن اثنين بنات كالن
هدى ..اتريدكم طايحة بحمامات..كلت لبنات انتو
روحو احنا هسة نجيب هدى ونجي وراكم..لقسم
طلعنه من الكافتريا وكليه ..شبه فارغة محد بيها
قليل بس المكبلين بيها🤣اليوم الوداعيه..
جانت الحمامات بعيدة شوي رحنا اني ورغد
دخلنه لحمام ما شفنه اي وحدة ردنه نطلع
واحد سد الباب علينه رغد راحت تركض بس
ما لحكت ضلينه انصيح انريد بس واحد يطلعنه
وجانت الحمامات ضلمه موبايلات ما عنده باقسام
اني خفت يخليني الخط ويروح موقف صعب
وبس اني ورغد كمت ابجي واحنا بنص ساعة
وماكو اليجي يساعدنه ...
شوي واسمع حركة كمت ادك بلباب ...
ديمة:تعالو ساعدونه فدوة محبوسين..
ابو اسعد:منو هنا ...
عرفت هذا واحد من امنية الكليه فرحت اجت
رغد واحنا نكوله بنات ونحبسنه...
هو اشو ماكو راح صوته ...
واحنا انصيح لا تعوفنا...
شوي واجه وياه العميد ومقرر القسم فتحو
الباب واحنا من البجي حتى المكياج رايح
اليشوفنه يرتعب...
العميد ضل يسال ويحقق منو الحبسكم ما شفتو
طبعا اني اعرف السوه هاي الشغلة ماكو غيرها
نرجس بس ما اريد اسوي مشكله واعرف راح
ندخل بتحقيق وسوال وجواب وخط يروح علينه
ديمة:لا دكتور ما شفت شكل القفل الباب...
العميد:تعالو ويانه ...لازم نتخذ الاجراءات
رحت اني ورغد..صعدنه لقسم ..
رغد:بهمس ولج ديمة ليش ما كلتيله نرجس..
ديمة:لا لج خلي تولي ويروحون يفصلوها
رغد:اي خليها شفتيها اشلون حبستنه..
ديمة:لا تكولين لج هسة الخط يعوفنه وهذا
ايريد بس يحجي ما صدك اكو مشكله صايرة
رغد:ولج اسكتي لا يسمعونه...
العميد:تعالن اكعدن..خلينه نسمع شصار ..
حجينه ع الصار وهو يروح ويرجع نفس الكلام
هسة غير يسكت ويخلنه نروح بقى بساعة يحجي
واني افكر بخط ما راح ينتظرني وهذا ما يسكت
وقعنه ع شكوى وما كلنه منو ما اريد اصير مشاكل
بعدين طلعنه من الكلية نركض رغد اخذت موبايلها
من الاستعلامات ..وصلنه لقسم واحنا نلهث لان نمشي سريع وجان الجوء حار بشهر السادس
لكينه الأقسام مسدودة كلها طالعه حتى المشرفات
واني جنطتي وموبايلي بقسم ..صحت ع الحارس
كال ماكو احد كلها طالعة بعدين سالته ع ابو بنين
صديق سيف هو يساعدنه كال مجاز..
أوف ياربي حاولت وياه كال ما اكدر افتح القسم..
رغد خابرت اخوها علمود يجي يرجعها..
رغد:لا تخافين هسة خابرت اخويه ياخذنه
ديمة:بس اني طريقي مو ع طريقج..
رغد:ميخالف قابل شنو نخليج بشارع لا حبي هو يوصلج...
ديمة:وغرضنا..اشلون بيهن ..
رغد:والله ما اعرف ..
اجت اخو رغد هو جبير ومزوج ولد كلش حباب ومودب وصلنه واشكرت منه ما انساها اله دخلت
لماما وشفتها قلقانه عليه لان متاخرة..رحت ركض
الها كمت ابجي ..
سمية:يمه بنتي ضل بالي عليج شصار وياج اخابر
ع موبايلج مغلق واعرف يوم اخر يوم بلامتحانات
كلت ساعة اذا ما تجين اروح لنجف..
ديمة:اخذت اكلاص مي لان جنت عطشانه..
وكعدت سولفت لامي كلشي صار وياي
سمية:وهسة غراضج اشلون منو يجيبهن الج
ديمة:عندي اخو صديقتي راح يجبهن..اني
راح اروح ارتاح نعست ..
سمية:روحي يمه اصعدي ارتاحي..
رحت صعدت لغرفه اخذت موبايل امي كلتها اتصل
بصديقتي...بدلت وغسلت خابرت حنين
حنين:هاا ولج يا كاطعة لا سالين لا شي ...
ديمة:حبي ادري بنفسي مقصرة وياج بس والله
امتحانات حتى اهلي ما مخابرتهم ...
هسة اريد منج خدمة..
حنين :انتي اتامرين امر ..
سولفتها ع الصار بمختصر وكلتها خلي سيف يخابرني ع رقم امي ...
شوي وخابر سيف ..وفهمته ع شغله ع ماكد اعيد بسالفه لعبت نفسي ...منها هو كال عادي باجر غراضج يمج ضل يسالني ع حالي واني كوة اجاوب
لان ليل ما نايمته وتعبانه كلش هو شافني هيج كال
روحي نامي عنده وقت هواي ...
رحت نمت بليل يلا كعدت خطية ماما مسوية اشكال ..ومنتظر شفته ..وماما حاجيتله السالفه
وكال همزين اشتكيتي عليهم ضليت كاعدة وياهم
مرتاحة لان لا دوام لا شي سوالف والضحك ..
ثاني يوم امي وصوفي راحو لبيت جدي خابرت ع سيف كال بطريق غراضج انتي وصديقتج..
لان اني كليتله ع غراض رغد ..
اجه من الباب انطانيهن ما اتاخر لان خاف امي تجي ...بس سلم وراح ...
شفت موبايل امي يدك حنين رحت فتحت خط..
حنين:بفرح ولج ديمه اني حامل...
ديمة:كمت اكمز ما اصدك حنين وأخيرا راح اصير ام
ولج احنينه صدك تحجين لو تشاقين
حنين:والله قبل أسبوع حللت بيتي وهسة رحت
لدكتورة واكدت الحمل لج ما مصدكه لحد هسة
اليوم اجي لاهلي اريدج اهناك...
ديمة:اكيد والله مشتاقتلج كومة..
حنين:اي عندي الج سوالف هواي انتظرج..
اني هسة بطريق
ديمة:اوك هسة راح اروح...
رحت صعدت الغراض لغرفه رتبت روحي وبدلت
اخذت مفاتحي خابرت ع خالتي اكول لامي اجي
وراح اقفل الباب امي كالت يوم نتغدة يم بيت خالج
قفلت باب الشارع ورحت ..بعدها حنين ما جايه
سلمت ع خالاتي وكعدنه شوي ودخلت حنين وضحكه بوجها كالت لخالتي وكلها باركتلها ...
كعدت شوي وبعدين رحنه اني وياها لغرفة...
كعدنه ع الجرباية ...
حنين:ولج عندي هواي حجي..
ديمة:احجي مو موتيني...
حنين:اوكفي خليني اخذ نفس ..
ديمة:اليكول جنتي بسباق احجي مو راح اطك
حنين:ولج اخت سيف تحب اخو سامر..
ديمة:وانتي شمدريج...تحبه..
حنين:هي كالتلي ويوميه تجي علينه ..علمود اشوفه
بس مو هنا المشكله..
ديمة:لعد شنو...
حنين:اخو رشا يريدها وهسة طالبها من سيف وهي
ما تحبه ....
ديمة:وهسة اشلون ..
حنين؛ما اعرف هم يوم الجمعه راح يجون وبعد ما اعرف شيصير..
ديمة:ياا خطية كون اخو سامر يجي قبله ويزوجها
حنين:هسة ما يكدر لان عرس سامر كلفهم هواي
انتي شخبارج شكو ماكو..
ديمة:والله كلشي ماكو سيف بين فترة وفترة احاجيه..وهو كل مرة يطلب الزواج واني رافضة
لان مزوج..
حنين:لعد انتي متواصله وياها وما ادري😑
ديمة:حنين مو بيدي والله كل ما اريد ابعد عنه
ما اكدر..
حنين:ولج رشا وكحة حيل وانتي ما اكدريلها حبي
لا تخلين روحج بنار هي كل ما تجي تباوع عليه
بعين الحقد وتروح ايكول بايكة زوجها..
ديمة:اتنهدت..زين هم يمته يزوجون..
حنين:ما اعرف هو خلال هاي العطلة..
سكتت وبعدين ضلينه نسولف ونكص بعالم ماعندة
بس هاي الشغلة..
رجعت لبيت لان سامر اجه اخذ حنين واني بعد
رجعت..سيف دك عليه..
ديمة:هلاو سيف اشلونك..
سيف:من سمعت صوتج صرت زين..
ديمة:أخذت نفس..سيف احنا ما يصير نبقى هيج
سيف:ديمة ما اكدر اتركج تدرين اني هسة عرفت
الحب وياج..
ديمة:تنهدت..سيف يمته تزوج..
سيف:ما اعرف اني كل ما يفتحون وياي الموضوع
اني ابعد الموعد..
بقى يحجي بعدين سديت الخط..
واني افكر الاسويه غلط..لان لا اكدر ابقى وياه ولا اكدر اتركة ما اعرف شسوي وين راح تصفى اني
من يزوج لازم اتركة لان ما اكدر وحرام عليه شنو
ذنب رشا ..زين اني احبه قبلها..عايشة بصراع ما بين
عقلي وكلبي...عقلي رافض الشغلة وكلبي يريدة
واحس روحي اني لا بجنه ولا بنار ...
يوم الجمعة كعدت متأخرة...نزلت لكيت امي مسوية
دولمة...
سمية:يايمه غير عطلة ما اساعديني مخلصتها نوم
ديمة:يمه شسوي والله اريد اطلعها مال سنه كاملة
اشم ريحة دولمة ..
سمية😑انتي بس باكل تجين ومن اصيحج ع شغلة
ما ادري وين تختفين...
ديمة:اليوم انظف البيت بعد شتريدين...
سمية:يا صلاة ع النبي....
صبينه اكل واكلت وغسلت المواعين امي راحت
نامت اني اباوع ع تلفزيون ما بيه شي حلو كلت خليني انظف البيت خليت الهتفون باذني بديت انظف ما خلصته الا لعصر ..رحت سبحت
وبدلت ...
بليل خابرتني حنين ..
حنين:ولج ديمة هسة علكت...
ديمة:يا ستار شصاير ...ولج خوفتيني احجي شصاير..
حنين:لج اليوم اجو اهل رشا ع اخت سيف او
وهم ما انطوها وكالو لابن عمها لان اخو سامر كاللهم
الي وسيف همين معارض وكال بتنه ما تطلع لغريب
وهو يعرف اخو رشا سكير وعنده سوالف مكسرة
هم كالو لعد بس احنا انطيناكم بتنه وصاللها سنه
وسيف عصب عليهم وصار حجي ..
ديمة:اي وبعد شصار...
حنين:لحد الان ماكو شي هم راحو اهل رشا بس معصبين يمكن زعلوه روحي هسة واني اجيبلج
الاخبار...
سدته حنين واني ضليت افتر بغرفة اروح واجي منا
متوترة حيل كلت خليني اخابر سيف واعرف منه الاخبار وشصار خابرته انطاني مشغول ..
ما رجعت اخابرة كلت خاف مشغول واني افكر شيصير نمت واني ما ادري بروحي ...
الصبح سيف اتصل عليه ...
ديمة:صباح الخير سيف اشلونك البارحة خابرتك
وانته ماكو...
سيف:اي شفته بس جنت مشغول ...
سمعت ناس اجو يمه هو كال
ديمه روحي بعدين احجي وياج ...
اني ضليت ع نار اريد اعرف شصاير ...
نزلت لان ما كدرت انام بعد حتى امي متعجبه
لان كاعدة من وكت لان اني اكعد ب١٢ الضهر
وما اشبع نوم ضليت متوترة واني اهز برجلي..
