انثى في معتقل الحب

البارت العاشر

*انثئ في معتقل الحب *
               بقلم(zainab )عطر الورد
البارت ١٠
مساء الورد 🌷🌷
(تصويت:::::☆تفاعل)

........ديمة...
رجعت لبيت ..واني احس بانتصار..لان راح اغير رقمي...علمود هذا الغثيث ..مايحاسبني...دخلت لمطبخ...لكيت ماما اسوي غدة...
سمية:هاا يمه خلصتي دوراتج...
ديمة:اي يمه خلصت...اكولج ماما ..منتظر..ما جابلي...خط...
سمية:اي جابلج..وراح لشغل..ثانيا انتي شسوين بيه مو عندج..خط..
ديمة:ماما ...خطي ضاع...وحركته من الشركة..هسة وينه خطي..
سمية:روحي خليته الج بغرفه...
رحت لغرفه...اخذت الخط وخليته بجهاز ...اول ماخابرت...منتظر...
..هلاو حبيبي ...تسلملي ع الخط...
منتظر:وشعندي غيرج...كلشي التامرين بيه حاظر..كم ديمه عندنه...
ديمة:يمه فديتك نضوري...الله يخليك اليه....
طبعا ..منتظر مايريد يحسسني ابد بغياب الأب...كلشي الاطلبه منه يسويلياه...
العصر سبحت ..وبدلت...اروح لبيت جدو اكول لبنات ع الخط...واغير شوي جوء..كلت لماما ...وطلعت..
وصلت لبيت جدي...
ردت افتح الباب...واحس واحد وراية...لازك بضهري كلش...
شدسوين اهنا..
خليت اديه ع كلبي...لان خوفني...التفت وراية شفته مهند...
ديمة...هلاو مهند...اجيت ع البنات..كالي ادخلي..
دخلت وسد الباب..
شفته يتقرب من عندي...
ديمة:بتوتر وتحاول تبين قوية...من شفت نضراته..خفت منه..وجهي صار اصفر..
لعد ماكو احد بلبيت..
مهند:محد بلبيت خالاتج بسوك..وبنات بيت جدو..
انتي شو صايرة كلش حلوة..
ديمة:وبعصبيه..انته رجعت..لسوالفك ماتبطل..
مهند:لا لاديمه لاتفهيمني خطا..اني اتغيرت واريدج زواج صدكيني راح ادللج واخليج ..اسعد وحدة بدنيا..
اشوفه اشلون يتقرب...خفت لا يسوي..شي اليه..
مهند..اريد اطلع محد موجود بلبيت...
مهند:عادي اطلعي...بس خليها بالج انتي الي..
ردت اطلع واني اعدل شالي..من التوتر..فتحت الباب ..وصار بوجهي..علي..
علي :هلو ديمه..
اني ما اكدر احجي ..من الخجل..هسة شيكول عليه..والبيت فارغ...
علي:شبيج مرتبكة..تعالي ادخلي..
وهو رفع عينه وشاف مهند...
ديمة:ما اعرف الخوف والارتباك المريت بيها بذيج..اللحظة ما اعرفها شنو..ع الرغم ماجان بيناتنه شي اني ومهند..
لا اريد اروح...
طلعت ..واني جسمي يرجف ...ودموع مجمعة بعيوني...من الموقف..ركضت لبيت ماخليت ماما اشوفني..لان اذا شافتني..راحت تعرف بيه..ركضت لغرفتي...
خابرت حنين ماترد..رقم غريب..ضليت اكل بروحي ..واخاف علي ياخذ غير نضرة..
طلعت كتبي اقرا..بس ماكو اقرا بدون تركيز..
سمعت صوت علي جوة يحجي وي امي..اني لازمه كلبي...خفت لايحجيلها شي..ودور يزوجوني منه..واني هسة يلا عشت حياتي ..وعندي دراسة ..مستحيل أقبل بس امي واعدته ..بس يرجع منتظر ..تقبل...سمعت ماما اصحيني...كمت ارجف معقولة كالالها..ما اسيطر ع روحي اريد انزل..ما ااكدر ..رجليه ماتتحرك..نزلت..

سمية:ديمه تعالي ماما هذا علي...يريدج..
ديمة :واني التوتر مبين عليه..اديه اعصر بيهن...اباوع عليه ..اريد اعرفه شيحجي..
علي:ديمة اريد اسالج ع بنية..اخت صديقي..وصاني عليها اريد اعرف مستواها..
سمية:انتو اكعدو..اني اريد اكمل شغلي..عمه اتريد جاي..
علي:لاعمة...ما اريد هسة شربت..
امي راحت..اني اجيت ..كعدت يم علي جان مصطفى موجود..اني وكاعدة اهز برجلي..مبين عليه التوتر..
علي:ديمة شعندج جايه اليوم العصر ...لبيت..
ديمة:والله اجيت ع البنات..بس ما ادري ما موجودات..
علي..ماكدرتي اتخابريهن...واشوفيهن..
ردت احجي ماخلاني..
شوفي ديمة ...مهند طايش..صح اتغير ..بس بعد اخاف عليج...اذا درى منتظر راح يذبحج..بس اني ما اريد احجي...بس اذا اتكرر هذا الشي راح اكسر راسج..عرفتي..مهند طيحت حظة..بس هو الكال انتي اجيتي...لبيتنه..
اني ادموعي تجري...واكوله ما ادري ماجان احد بلبيت..ما سمع مني..وراح ..
صعدت لغرفتي..همزين امي جانت بحمام...انهاريت من البجي..منين الكاه..هسة اكيد علي اخذ غير نضرة...نمت واني الدمعة بعيني...
كعدت الصبح..رحت لبيت جدو..بس مادخلت..وكفت يم الباب..انتظر حنين تطلع..
طلعت...واني عيوني منتفخات من البارحة...
حنين:ولج هاي شبيج ليش ..عيونج هيج
ديمة:سولفتلها كل الصار...
حنين"معليج اني افهم..علي هذا مهند ماينعد لو شيصير...
ديمة:بس هو ماسوالي شي...ولا تقرب مني ..بس صار وشافه علي...وفهم خطأ...
حنين:معليج يروحي عوفيها..عليه..لاتفكرين بهذا الشي...
ديمة:فدوة لكلبج..انتي احزام ضهري...
مشينه وصلنه لمدرسة...سيف ماكو..واصلا اني ما اريد اشوفه...