*انثئ في معتقل الحب*
بقلم(zainab )عطر الورد
البارت ٤
مساء الورد🌷🌷
(قبل لاتقرون صوتيلي😁:تفاعل)
............ديمة.........
من سمعنه العياط....جان بيت جدو كلش قريب علينه.....اني طلعت اني واخويه منتظر نركض قبل امي ...خطية امي ضلت ادور ع عبايتها سدت الباب...واجت بورانه...هي ومصطفى...
دخلت...لكيت بيبي كوة تتنفس وخالتي...يبجن وخالي....يصيح وخرن عنها.....
امي اصيح ....
سمية:ليش وكعت...شصارلها..اني البارحة تركتها كلشي ماكو...
ندى:صعد ضغطها....هسة من درت بسلام
سمية:ودكت ع صدرها ياا منو كلالها ...مو كلتلكم لاتكوللها ضغطها يصعد...ماتتحمل
ندى:والله هي هسة درت سمعت صفية تخابر علمود يطلع للخارج للعلاج....وعرفت بسلام بيه مرض ...ماتحملت...طاحت....
سمية:يمه سودة عليه...
سلام:لبسنها عباية خليني ...اخذها لمستشفى...وانتي خوية..سمية تعالي...وياي خاف هناك ...نبقى الليله....اريد مرة وياي...
سمية:اي خوية ...هسة اجي وياك...
ولج ديمة يمه بالج ع اخوانج...وانتو ابقو يم بيت جدكم...خاف اهناك ابات بمستشفى...وهذا مفتاح البيت....
راحت امي وي خالي لمستشفى(خطية خالي..بيه مرض خبيث ...كلنا ندري بس بيبتي ما تدري نخاف عليها...وضمينه عليها ...الخبر بس بعد درت)
خالتي ندى دخلتنه...بقينه لليل خابرت امي...ع خالتي كالتلها...راح نبات بمستشفى...ضغطها ما ينزل...بالج ع جهال....خطية خالتي...ضلت تبجي ..اني همين بيبتي جانت طيبة وي الكل ماسمعتنه حجاية...حتى من اجينه هي ادافع عنه...خالتي سوت عشئ...محد اكل ...كلها مقهورة ع بيبتي...بس مصطفى...لان هو جان بوقتها زغير...
رحت نمت يم البنات...حنين وسارة...خطية ضلن يبجن لان حيل متعلقات..بيبتي وخصوصا حنين
صليت الها و دعيت الله يكومها...بسلامة...
ثاني يوم ...الصبح كعدنه...شفت خالتي تضحك..اجيت ركضت عليها
ديمة:ها خالة بيبي صارت زينه...
ندى:اي هسة خابرني خالج كلالي استقرت حالتها...
بس بعدها بعناية
ديمة:ايي الحمد لله المهم صارت زينه...
اجن سارة وحنين والتمت...وبشرناهم خطية كلها فرحت....اني ما جايبه وياي ملابس...اخذت من حنين ...دشداشة بس قصيرة...وشوي دلعة...
رحت لحديقة العب بيها اني...وحنين كالت خلينه..نشلع نبك...جانت الحديقة كلش جبيرة مالت بيت جدو...ومعتنين بيها...بيها برتقال ونبك...ورد الواحد من يشوفها...ترتاح نفسيته.....
حنين:ابقي اهنا اني هسة اجي..
ديمة:اي مو تتأخرين امل بوحدي...
حنين:لا ما اتأخر...
ضليت اشلع نبك من الشجرة...واسمع صوت بوراي
مهند:ها يا حلو شسوي اهنا
ديمة:اشلع نبك اني وحنين
مهند:لعد وين راحت حنين
ديمة:هسة تجي...ليش رايد منها شي...
مهند:لا بس ما اجيبلي برتقالة..من هاي الشجرة
ديمة:هسة اجيبلك استاذ مهند وضحكت...صعدت ع كرسي لان ما الوح ....اخذت برتقالة...درت وجهي واشوف مهند يباوعلي...بنضرات موحلوة...نزلت بسرعة ..ردت اروح لزمني من ايدي..
مهند:وين يا حلو رايح...
ديمة:وبخزرة هاي شبيك مهند ايدي شنو هاي التصرفات...
مهند:ليش اني شمسويلج...بس اني من شفت لحد الان ...ما رحتي من بالي...حتى بلاحلامي اشوفج...ديمة..اني احبج...
ديمة:وهو صار قريب..عليه اني خفت لا واحد يشوفنه...وصرت ارجف ما اعرف شسوي وهو كلش ضاغط ع ايدي...وعيونه اكلتني..اكل...خفت من نضراته...ردت بس واحد ينقذني منه..
شوي وسمعت...صوت حنين..ترك ايدي...واني ركضت..يمها..
حنين:شبيج ديمة شو وجهج اصفر وجنج خايفه..
ديمة:وهي تتنفس سريع وخاف شافتهم حنين...
لا مابيه شي ...بس مليت وانتي ليش اتاخرتي
حنين:امي صاحتني..ع شغل واتاخرت تعالي ادخلي..
دخلت واني بعدني ارجف من الصار...ما اتوقعته هيج يتمادى ...وياي يمكن لو مو حنين...ما اعرف شيسوي...بيه...باوعت..همزين طلع...صرت اخاف منه ردت امي...بهذا الوقت اريد ارجع للبيت...شفت خالتي...كاعدة
ديمة:خالة يمتى تجي امي...
ندى:ما اعرف بعد ما خابرتنه...بعد..وضليت قلقه عليهم...هاي ليش هيج وجهج...اصفر وتتلافتين..حبيبتي منين خايفة...
ديمة:اجيت احجيله...بس خفت اصير مشاكل ...لو مايصدكوني...فضلت السكوت..وما احجي
لا خالة ..بس اشتاقيت لامي مامتعودة ع غيابها...
ندى:شنو حبي انتي زغيرة ...شوفي مصطفى اشلون يلعب ...وهو ازغر منج...بعد يومين..تزوجين اشلون بيج...
ديمة:ما ازوج اريد ابقى يم امي ...
ندى:كلها اتكول هيج...وبعدين تزوجين وراح تذكرين حجي...هو زواج ستر لابنية....واستقرار
ديمة:اوي خالة هسة اني بعدني زغيرة...وكت هاي السوالف هسة اهم شي دراستي...
ندى:اي صحيح اهم شي هسة تهتمين بدراستج...
رحت دخلت لغرفه ...حنين ردت شي اطويل...لان بعد اخاف البس قصير...هذا مهند ما راح اخلص...منه واني ادرددم ع امي اشلون خلتنه...
شوي واسمع صوت عياط خالتي...
ندى:بعياط وصريخ...يايمة اشلون خليتنه...بعد منو النا سند...بعدني ما شبعانه من حظنج...ولج يمه...
عرفت بيبتي ماتت بوقتها صاعد ضغط وصايرة عندها جلطة...وماتت..صار البيت كله صراخ وكلها تبجي...الجوارين ع الصوت اجونه...وصارت هوسة...اني ابجي...وبالي يم امي...اكيد هسة موزينه حالتها..لان هي كلش متعلقة...بيبتي...وبس هي بقالها...شوي واجه...خالي...وعيونه حمر...وماما كوة...تمشي...اشوف اشلون عيونها يصبن دمع..بدون صوت ...وجها مخرمش باضافيرها...شفتها كوه تمشي...رحت ركضتلها...طاحت...بحظني كمت..اصيح خفت لا صار بيها شي...جابو ماي...راشو ع وجها...صحت...بس من كعدت...كامت تعيط
سمية:يمه ليش خليتني بوحدي بعد منو الي غيرج ليش عفتيني...صرت يتيمه بخلافج لا ابو لا زوج...لو ماخذتني وياج...يمه...بعد وين الكه الحظن الدافئ ..يمه بعدني محتاجتج....
جانت الكلمات اتقطع الكلب..بحيث كلها...كامت تبجي...ع حال امي..جانت كلش متاثرة..وخصوصا هي ...وياه من ماتت كامت اتعيط...وتملخ بروحها...كوة لزمنها....النسوان...اني اباوع بس دموعي اصب...جابو الجنازة..خالتي ملخن شعرهن وجهن...صحيح اني بعمارة...بس ابد ما رايحة فواتح لو واحد ميتنه...اول مرة اصير بهيج... موقف....وخصوصا من فتحن التابوت.....اني ابتعدت ما اريد اشوفها ....صرت اخاف...وكمت ارجف...ما اعرف شصرف..وكلمن حاير بروحة...كوة كومو النسوان...وراحو شيعوها...بعدين طلعت سيارات للنجف...احنا بنات ما رحنه...لان كالو بليل وموزين..ايشوفن المقبرة....بقيت اني وحنين وسارة وزوجت خالي...كلها راحت همزين مهند راح...
الأجواء صارت حزينه...عمامي كلهم درو...
ثاني يوم الفاتحة...كلها اجت مانلحك جاي وماي وجوء حار جان....خالتي مايكدرن يسون شي مكسورات بامهم....عماتي اجني...وهمين كامن يعطن...شفتهن..ماسلمن ع امي...وهي اصلا مو بحالهن...شفت عمتي نضال...اجت عليه...
وباستني...
نضال:كله من وراء أمكم...حرمتنه منكم ومن ريحتكم
ديمة:محد حرمنه منكم بس انتو السبب...
وجان تكرصني...وبعدين دفعتني
نضال:ولي لج السانج...اشطوله..شكد صلفة...بس عليمن..طاعة اكيد ع امج...
ديمة:وبكلبي..لا انتي الفقيرة وناقصه السان..
هزيت ايدي....ورحت كعدت يم ...امي..
مرت ايام الفاتحة...بيت جدي خيم عليهم الحزن جانت بيبتي...شمعت البيت...صار حتى البيت ما ينطاق بدونها...
اني صارت عندي مرض الحصبة..انعديت من وحدة ابلفاتحة...شفت الموت...خطية خالي ما قصر حاير بيه...لحد ماطبت...ابوية جان يتصل كل شهر من تلفون جنه انسميه(ثريا)ما يحصل كوه الا بسطح الا يحصل...
جانت بوقت دخول الامريكان للعراق...وسقوط صدام الأوضاع كلش اتازمت...وخصوصا بغداد....
امي...وخالتي...مابطلن حزن ع بيبتي وخصوصا امي كل خميس اتروح للنجف...وتخليني يم بيت جدو...جنت اكوللها..ما اريد ابقى...اتكلي وين مخليتج. عند غريب...وبنات خالج يمج....ماعندي جراءة اكوللها ع مهند..وخصوصا بلفترة الاخيرة...صار يلاحكني...وداءما يجي بلبيت..بحجة منتظر...بس اني ما ابقى صرت اجنبه اروح للغرفتي...من يروح اطلع...
مرة امي راحت للنجف...واني اجيت لبيت جدي...جانن كل خالتي رايحات...بس خالتي الزغيرة باقية....رحت كعدت بغرفه بيبتي...وجان اكو تلفزيون بيها...كعدت اشتريت حب وجبس...حنين وسارة راحو لخوالهن...بقيت بوحدي....جنت لابسة أتراك اسود...وشعري فاتحته..هو طويل ما اسوي ضفيرة لان اصير بيه كسرة...متمددة بكاع ومندمجة...وي فلم اجنبي...ما اشوف الا واحد واكف فوك راسي...انصدمت من شفته مهند...
مهند:واكول البيت اليوم منور اثاري الحب موجود
ديمة:انته ماتبطل مني لك افهم اني وياك اخوان...عيب عليك هذا الحجي...وصار يتقرب مني...لزم شعري ولفه ع ايديه...واني ارجف...شيسوي بيه خالتي...بقاط الثاني...ونايمة...وبس اني بلبيت...حاولت أبعد ايديه عن شعري...
مهند:وبصوت هامس..أوف ريحت شعرج ردت روحي ماتحنين عليه بنضرة..ولج يوميه اجي علمود اشوف بس عيونج ..وانتي تتهربين...مني بس اليوم انتي حصتي...
اني من شفته هيج اريد بس يوخر صار كل مايزيد بقربه واني ابتعد...صار ضهري ع الحايط هو خله اديه ع خصري...جفلت...عيوني كامت اصب دمع..اني اتوسل بيه بس يبتعد عني...موقف لا احسد عليه...
ما اسمع بس صوت خالتي...وهي اصيح ابصوت عالي...
ندى:هاي شسووون...ولكم..شنو هاي
ديمة:من شفتها...ما ضل دم بيه صرت اتنفس سريع جسمي كله يرجف ردت احجي وما احس غير راجدي ع وجهي...لزمت خدي واني عيوني مدمعة..
خالة...والله مو اني هو اجه عليه...جنت كاعدة بغرفه وهو دخل...
راد مهند يحجي...وهمين ضربته راجدي...وكلتله اطلع برة...طلع...رجعت باوعتلي...
ندى:هذا الشفته ما اريد جنس مخلوق يدري...بيه تجي امج واني افهمها...خلت وطلعت...
اني اهنا انهاريت ...صرت ابجي واشهك..
ليش اني دائما...ايصير بيه هيج....ما اعرف شسوي خالتي صحيح هي تحبني...بس الشافته ماينسكت علية وخفت...تكول لامي...
نمت واني دموع بعيوني...وفكرة تاخذني وجيبني...
ما حسيت غير الصبح اسمع صوت امي وخالتي هسة جايات...من النجف...راسي موتني من البجي...دخلت عليه امي وشافتني...
سمية:يمه هاي شبيج..ليش هيج عيونج منتفخة..
ديمة:وما اريد ابجي كدام امي....لان ما اعرف شكول
راسي يوجعني...ونازل ع عيوني..الألم
ندى:تعالي سمية اريدج بموضوع...
ديمة:اني جفلت...كلت اكيد راح اتكوللها...اعيوني تتوسل..بخالتي..ماتكوللها...
راحت ...وي خالتي واني ايدي ع كلبي...وادعي شسوي بيه اذا عرفت..يمكن بوقتها ما بقت أيه...ما قريتها...
شفت امي طلعت ...وضحكة ع وجها..ضليت صافنه..شنو السالفة...معقولة ما كلتلها...اي اكيد لو كالتها هسة قامت القيامة..صاحت عليه..
سمية:الج ديمة يلا تعالي نرجع للبيت...وصيحي اخوج مصطفى...يلا تعبانه اريد ارتاح
ديمة:طلعنه واني افكر...شنو كالتلها خالتي وهيج تضحك...أوف هسة اهم شي ما كلتها ارتاحيت
من هاي الشغلة...
بدء الدوام وداومت بمدرستي...الجديدة..رجعت من الدوام...تعبانه سمعت صوت زوجت خالي وخالتي يحاجن امي...
اسراء:البنية كبرت وهسة العيون عليها...وشوفين الوضع موزين ...ببغداد وخاف عمامها يجون ياخذوها...
سمية:بس مو هسة زغيرة..
اسراء:جا احنا...بسرعة نزوجهن..نطول الخطوبة من تخلص من الثالث انزوجهم...واخوج فرحان ايكول وين الكى احسن من ديمه لمهند وكال اريد اشوفهم مستقرين قبل لا اموت ومهند راضي..
سمية :يمة اسم الله عليه
ديمة:انصدمت...من سمعت الحجي..مستحيل ازوجه اني اكره ...هذا متوحش...حتى عرفت بيه يشرب...
من دخلت...سكتو..سلمت عليهم ..وصعدت لغرفتي...شوي...وصعدتلي امي
سمية:سنة اريد احجي وياج
ديمة:واني اعرف شتريد تحجي بس سويت روحي ما ادري....
سمية:شوفي يمه انتي كبرتي والعين عليج..اني اريد اشوفج مستقرة..وخصوصا بهذا الوضع ما يبشر بخير اليوم اجت خالتج ورادتج لابنها...مهند..
واني بلبداية فاتحتني..خالتج ندى بموضوع..وصراحة فرحت...وهي كايله لخالج...وموافق
ديمة:عرفت خالتي هي الكالتها.. من يوم من رجعت للنجف..هسة عرفت ليش امي جانت تضحك..وخالتي ماكالتها ع شغلة...لان خلت بالها الزواج....ماتدري بيه هو شنو..
يمة انتي شتحجين...اني بعدني زغيرة وما اريد ازوج هسة لا مهند ولا غيره...
وصرت اصيح ...وما اعرف شحجي
سمية:هاي هي ما تريدين ما اريد اضغط عليج التريدي يصير...
راحت امي ...واني ضليت حايرة...صحيح هي هدئتني بس اني ما مطمئنة...وخايفة من مهند بنفس الوقت...
ثاني يوم صادف جمعة...امي راحت لبيت جدو اكوللهم ع الجواب..اني ضليت انظف بلبيت...
شوي وماما رجعت..كالتلي..تعالي اكعدي يمي..
خليت الماسحة..ع صفحة.سديت الماي...اجيت كعدت يم ماما...اريد افهم منها شكالو...
سمية:ماما ديمة انتي عزيزة عليه وتعرفين شكد احبج يايمه اني من احجي لمصلحتج...هسة من رحت لخالج...خطية ضاج..وهو مريض شوفي يمه انتي بس اقبلي..اني اوعدج مو هسة ...الزواج بعد الثالث...انتي مسؤوليتي...واني شايله همكم..وابوج ساحب ايديه من المسوولية...وهسة الوضع تعبان اني اخاف عليج...وصدكيني راح تتدلين هناك...اذا بقيتي..ايجوز حتى عمامج ياخذوج...وخالج خطية...
ديمة:بس يمه...
سمية:حبيبتي اني أكبر منج..واعرف بحياة صدكيني اسويه لمصلحتج...
ديمة"امي ضلت تحجي وتقنع بيه...وبعدين اجت خالتي ومرت خالي...ويحجن وياي...اني جنت مراهقة...وكدرن يقنعني...وخصوصا من عرفت خالي كلش مريض...خطية خاف يموت...واني كلتهن ايي..بس ما مقتنعه ايجوز من الضغط الصار عليه ..ردت بس اخلص من السالفة..من وافقت
سمية:يمه أميرتي راح اصير عروس ...مبروك يروحي...باسني خالتي...
اني مثل وحدة بدون وعي...ما اعرف شسوي راحو يبشرون خالي...ضليت بوحدي...بلبيت
دموعي يجرن ع خدي ..اكو غصة بكلبي ضليت ابجي...ردت بوكتها بابا ..يمكن لو جان يمي ما صار بيه هيج....شوي ونفتح الباب..ودخلت حنين وسارة
حنين:هلا هلا راح يصير عندنه عرس يمه فدوة لمرت اخوية...
سارة:حبيبتي مبروك فرحتينه والله
باسني واني بالي مو يمهن ابتسمت مجاملة...واني بداخلي مكسور اريد ...بس اخلص من هاي المسرحية...خطية شوي واجه عليه خالي...فرحان واني اشوف عيونه اشلون فرحانه...باسني براسي وباركلي...
خالي انسان كلش طيب .....احسه مثل ابويه وحتى احسن....من يسمع بيه مريضة لو شي يحير شيسوي ايجوز اني بيومها من قبلت بس علمودة...
مر اسبوع وخالتي يحضرن لحفلة الخطوبه...اني اي رغبة ماعندي....صار مهند يوصلني لمدرسة...لان صار وضع كلش يخوف...امريكان وين ماجان...بس ما ارتاح وياه...لان يضل يحجي...ويتغزل من غير نضراته اتكصني..كص
من سمع علي بخطوبة....ما قبل بيها وكال شنو بعدهم زغار ومن هذا الحجي...
عرفت بعدين هو حاط عينه عليه....
قررت ابطل من المدرسة...جنت بهذيج الفترة كلشي الاسويه بدون تفكير ...امي كامت تحجي عليه وخالتي....صارت عندي كاءبة ...
جنت كاعدة بغرفه....
اجت امي انطتني الموبايل كالت هذا مهند...
واني اريد بس واحد اتعارك وياه اخذته منها...هي راحت...
ديمه:الو ها
مهند:اكو وحدة اتكول ازوجها ها
ديمة:لعد شكلك استاذ اكلك
مهند:كليلي حبيبي عمري حياتي هاي الكلمات...
ديمة:حبيتك حية ...تدري شكد اكرهك
مهند:الج السانج لا اجي اكصة...بطلي هذا اسلوبج ترى اربيج من جديد
ديمة:مترباية احسن منك ....
اشو هذا سده...بوجهي حتى ماخلاني احجي..
امي اخذت الموبايل...مني
سمية:ها شحجيتو ..ماقنعج ترجعين لمدرسة
ديمة:اصلا اني راح ارجع ماكو داعي هو يقنعني ع شنو خسرانه مستقبلي...
سمية:اي هيج اريدج...عفية ببنيتي...
بدت تحضيرات الخطوبه خالتي حضرن كلشي اني كل اليكولن عليه اكللهن ايي...ابد ماجانت عندي فرحة ...واني مجرد تفكير انو اصير وياه بغرفة وحدة....ترعب شيسوي بيه...اجت خالتي اسراء عليه
اسراء:ها حبيبتي..تعالي شوفي جبتلج اريدج اتنزعين الأسود باجر خطوبتج..مايصلح بلاسود
ديمة:اني بقيت ع بيبتي لابسة اسود ...
طلعت جايبتلي...فستان ابيض قصير للركبة ومن فوك بيه خرز..واردانه وصدرة شفافه كلش حلوو..احنا بعداتنا بعقد نلبس ابيض عود اصير حياتها كلها حلوة...مايدرون اني حياتي اصلا صارت سودة...
راحو كلهم...صعدت لغرفتي خليت فستان بكنتور...
اتمددت واني افكر ...معقولة راح انخطب...اتمنيت لو هذا حلم واصحى من يمه احس ورطت روحي...فكرت بكل الناس بس ما فكرت بنفسي اشلون اعيش وي واحد اني ما احبه واكرهه...
اتمنيت لو اصير معجزة تلغي كل هذا الشي....
وتستمر الحكاية.....:
____________^_^^^^^^_^_____________
