*انثى في معتقل الحب*
بقلم (zainab)عطر الورد
..............................................
تريد تروح مني خذها روحي اوياك
شسوي بدنيتي لو انته ما بيها
بكل خطوه دعيت تكون محفوظ
وبقت عيني عليك جروح ماليها
يا كلبي شكلك بالسلامه تعود
بقت روحي وحيده تريد غاليها
احبك ثم احبك ثم اموتن بيك
انا الميت عليك شلون تاليها
تسافر لا تكلي خذني وياك
ﻻن انته الوحيد ايامي ساليها ....
💓💓
..............................................
البارت الاخير
مساء العافية😍
(تصويت:::تفاعل)
..........ديمة....
اباوع ع عمتي كلش منهارة...انتبهت لنور ماتتحرك..
ابد ع نفس الوضعية..وهي تهمس..
جذب محمد ما مات ...هو ما يتركني كال ..
نزوج هذا الشهر..
انقهرت عليها ..هي ضلت بس هيج ..اني واكفه بنص
ع أثر صوت عمتي الجوارين كلها ..اجت ..وبيت عم سيف جانو يمنه بيتهم اجو يمكن محد مخبرهم..
بخبر...امه من شافت عمتي هيج كامت تصرخ شكت دشداشتها وحنين تبجي كلها ....
امه تنعي...
يمه عريس ما زفيتك بيدي يمه اشلون اصير جوة التراب...اليوم بوحدك تنام....
انريد نلزمها ماكو فقدت كلش...الله يساعدها...
اني بهذا الوقت احس روحي غريبه بيناتهم..عمته تباوعلي...بحقد...وكرايبه كلهم اجو وسالو اشلون مات ...وعرفت مات بسبب عركة ..كلها تباوعلي
بنظرات كره..
اني صرت وي حنين احس بس هي وياي ...
شفت نور ..اجت يمي اني جنت واكفه..يم حنين ولازمه اديها ...
وصلت نور يمي ...
واني ارجف من نظراتها..
نور:وبحقد انتي السبب لو مو اهلج...هسة اني وي محمد انتي الخليتي...يموت لج منتظرة اليوم الازوج
بيه وانتي حطمتي كل احلامي..
جان محد منتبه عليها لان كلها حايرة بام سامر ..
وهي تخربطت..
اني ضليت ضاغطة ع ايد حنين واهز براسي لا ..
ودموعي تجري . ....
خلت وراحت ...شفتها...خلت ماي ع راسها وبللت
نفسها استغربت من تصرفها شنو هاي معقولة تخبلت..
كلت لحنين هي تباوع عليها كالت ..خلينه نشوفها هاي شسوي...
ما لحكنه عليها...اني وحنين شفتها تركض. ..
جان اكو واير مال كهرباء اليزمه يموت ....
هي راحت لزمته...وبلزمتها لواير دخل سيف ..
اني وحنين نعيط...مانعرف شنصرف بهيج
مواقف...ع عياطنه نسوان كلها جانت جوة
طلعت ...سيف جانت يمه عودة مال ماسحة..
جرها...اني من شفتها بهيج وضع ..كلت خلص بعد ماتت..وسمعت صوت انكسر يمكن عمودها الفقري..
انصدمت من هاي الحالة ضليت جامدة بمكاني
سيف يصيح عليه..علمود اجيب بطانيه واني فاقدة
ولا اتحرك...
حنين ركضت ....جابت بطانية واني خايفة ..
لان كلت اذا تموت ماراح اسامح نفسي..
جان بيها نفس ...سيف بسرعة...اخذها بسيارة
وامها تعيط الا اتروح وياهم...
شالها سيف وراح هو وامه..واني ع وكفتي..
ماحسيت بس عمته لازمتني من ايدي..وهي اصيح
ارتاحيتي ام المشاكل موتي الولد...
وهسة رجعتي ع البنت...وجه الفكر من دخلتي
لهذا البيت ما شاف راحة...
حنين:عمة عيب شنو هذا الحجي ...ديمة شعليها
هو سبب المشاكل رشا من وراها اجو يموتون اهلها
شنو نسكتلها وهذا اخوها واحد موزين وهسة هو همين مصوب...هسة احنا بيا حال..
اخذتني...وصعدتني فوك واني ما اعرف شصار بيه..
حنين:ابقي هنا لا تنزلين..لان انتي ذني ما تعرفيهن
ماراح تخلصين من حجيهن وهاي عمتهم وحدة حقيرة اني هناك وما خلصانه منها لاتفكرين انتي السبب..هذا قدر ربج...
لزمت اديها..حنين فدوة اي شي يصير كليلي..
حنين:اي حبيبتي انتبهي ع نفسج وسدي غرفتج
لان هسة وضع صار موزين...اني اجيج...
لاتنزلين ابدد..
طلعت حنين واني احس روحي بدوامة كلها هاي الاحداث صارت بيوم واحد ...هسة شنو موقفهم..
مني ..ضليت افكر كلساعة الزم الموبايل واخاف اتصل ع سيف لو اسمع خبر موزين ...جوة النسوان كومة لان كالو بيت ابو سيف جبير مو مثل بيت ابو سامر وفاتحة نسوان يمنه اسمع بس الصريخ..
واني كاعدة مقرفصة نفسي ومخليه راسي بين رجليه...واني دموعي اصب....ما ادري غفيت واني ع هاي الكعدة...
الساعة ...الخمسة...الصبح حسيت الباب ينفتح...
شفته سيف دخل ...قميصة..بعده بيه دم نفسيته ما
غيره وجهة تعبان ...من شفته رحت حظنته واني ابجي...
ديمة:فدوة كولي نور بيها شي ...سيف احس اني السبب بكلشي يصير.....
سيف:انتي مالج اي علاقة هو هذا العار ضربه محمد الله يرحمه وما مات هو موته ما راح يخلص مني...لاتحملين نفسج المسولية نور عايشة بس مخليها بعناية لان الدكتور كال احتمال ايصير عندها شلل..
فرحت من كال نور عايشة بعدني عنه لان جان كله دم..
سيف:حظريلي الحمام خليني اسبح وارجع لمستشفى لان ما يطلعون هسة شهادة وفاة لان حالة قتل اشوف معارف يطلعوها...
رحت حظرتله..الحمام وطلعتله ملابس ..قميص وبنطرونه الاسود...خلص سبح ...طلع
ديمة:سيف الجوه كلهم ذابين الصوج بيه والله خايفة
سيف:حبيبتي هذا قدر ربج انتي معليج ..لاتنزلين جوه..حتى لو نزلتي معليج بيهم لان النسوان ما عندهم بس شغلة قيل والقال ...
وهو يبدل لبس ساعته ومحبسة...حتى باصعب اوقاته ..يهتم بنفسة ...مشط شعره اخذ نفس...
اجه يمي ...
سيف:ديمة حبيبتي لا تفكرين ..بشي وانتبهي لنفسج
اي شي اسمعيه طنشي ..
هزيت راسي باس خدي وطلع ....
اني ضليت افتر بغرفة وكلساعة افتح الباب ..
امد راسي واشوف وارجع لغرفة لظهر اجت
حنين..
حنين:ديمة تنزلين اجت امج وامي ...تعالي انزلي
ديمة:خايفة حنين انزل ..
حنين:ولج منين تخافين شمسويه قابل انتي الكاتلته
تعالي انزلي وياي لا اصيرين جبانه ..ومعليج بحجي هسة اني مو اسمع بس اغلس انتي صيري مثلي..
