بارت1
..........
قد تقودنا الحياة ولا نقودها وتسير على طريق لا نرغب به لكن من يقول انه لن يكون مناسب لنا فربما نريد شيء لا يكون مناسباً لنا و نبغض شيء يكون مثالياً علينا
القصة حقيقية ولكن الأزمان والاماكن وبعض الاسماء تمت تغيرتها . .. اتمنى من كل قلبي إن يستمتع بهذه القصة كل من يقرأها
...............
مريم : صباح الخير ماما اني طالعة
سلوى : صباح النور حبيبتي مو بعد وقت الدنيا فجر ؟
مريم :لا يوم اصلا ابو الخط خبصني الساعة بستة ونص
سلوى: خوش حبيبتي الله يسهلج ..
مريم: فديتج بس يوم هذا الجدر شلون خاف يبرد
سلوى:ولج بنتي غير تلفي بخاولي شي
مريم: هههه مادري ..خوش راح ألفة هسة
مع السلامة وها نسيت اكعد محمد انتي كعدي عنده إمتحان
سلوى: اي هسة اكعده الله وياج ويرسملج بكل خطوة سلامة ويريح قلبج .
أني مريم احجيلكم عن نفسي عمري عشرين سنة اداوم بجامعة المستنصرية كلية علوم قسم جو مرحلة ثالثة اني الحمد لله شاطرة وكل الاساتذة يحبوني ويقدروني وأني هم احبهم وماعندي مشاكل ويه احد هي مرة وحدة تعاركت ويه ام التفتيش يم الباب مادري ليش من دون البنات توكفني وادور جنطتي تكلبها كلاب واذا يوم ناسية الهوية اعوذ بالله تسوي فلم عليه إلا اشتكيت عليها يلا شوية فكت مني .
عندي اخ واحد محمد طالب سادس هو حباب بس عندة سوالف بنات ومايدرس ومشاكل البيت من وراه .. عندي ماما صديقتي لان هي ماعدها اخوات وأني هم وبابا عندة سيارة يحمل بيها بضائع مرات يروح للجنوب ويبقى أيام هي العيشة هيج تريد والحمد لله مامقصر ويانه بشي ..
اني شكلي حنطاوية بس لوني قريب على الابيض وعيوني سود ومجرورات مرات اخلي مكياج ومرات لا حسب الحالة النفسية ..
المهم اليوم اكو حفلات بالجامعة والطلاب مسوين عزيمة ورادوا مني دولمة صح عندي إمتحان وتعبانة بس سويتها الهم لان خطية ويانة واحد من الكروب صديقي المقرب وأهلة مهاجرين وياكل من المطاعم كلت اكسب بي ثواب ههههه
سلام :صباح الخير ست مريم شنو ساعة انتظرج
مريم :صباح النور اسفة جنت احظر الجدر وتأخرت شوية
سلام: خوش
مريم بقلبي والله عساك تنتظر سنة امده هيج شاب مامخلي خبطة محاطها انوب متزوج متكولي مرتك شتشوف بيك اوف منك يالساني (احنه بيتنة بالشعب وهذا وينه شارع فلسطين بس شلون استاذ سلام لازم يغبش على الكلية ست فيروز تنتظرة )
سلام : مريم اليوم الحفلة مال اداب مو
مريم:اي اليوم ..
سلام: اي جنا كالتلي هسة بس اوصلكم اروح اجيبها
مريم: الله يوفقها ..بقلبي اي شكولك انت وفيروز خانم متوالمين ملطلطين ثنينكم
بعد ساعة
سلام :مريم اليوم هنا حنزلج لان تدرين البنات كلهن ادارة وإقتصاد وقانون يادوب الحك اروح لهناك وارجع ع جنا بس اعوضج بالرجعة
سارة: هسة شحتخسر لوف منا ونزلها واحنة فوت النه من باب معضم
مريم: هاية قلبي لا اتعبين لسانج اني متعودة ع دكات سلام
سلام: مشكورة مريم يجي منج أكثر ..
مريم :نزلت واني ادردم واحجي عليه
اوف شكد حقير ابو الخط لان كلهن جامعة بغداد كله من ورة محمد لان صاحبة انجبرت ابقى وياه انوب هذا الجدر شثكلة شوية ودك تلفوني اباوع هذا امجد يتصل
مريم: الو هلو صباح الخير
أمجد: صباح النور وردايتي اكلج خوما جبتي الدولمة
مريم:لا تكولي ماتجي بالقرآن ابجي هسة انشلع قلبي بالجدر
امجد: ولج والله اسف بس عمي تخربط بالليل ودكيت عليك خطج مغلق
مريم: ياا سلامته اوكي مصار شي اني حاخذلك اجازة
أمجد: فديتج والله وردة يلا عيوني اني رايح عود اتصل عليج
مريم:مع السلامة سلم النه
