بارت 9
مساء الخير بنات طبعاً والله اسفة على هذا التأخير الي صار بس كانت عندي ظروف وإن شاء الله انزللكم كل يومين بارت طويل مثل هذا واسفة مرة ثاني واتمنى تستمتعون بالبارت ..فديتكم واحبكم .
.......
سرى: لج مرمورة
مريم :مادام كلتي مرمورة يعني اكو مصيبة
سرى : لج انجبي واسمعيني
مريم: كولي كلي أذان صاغية
سرى: اسمعي .......
مريم : لج والله انتي مخبلة كل هذا حقد على جوان
سرى : علمود عيونج أني ماسمح لوحدة مثلها تخرب عليج يومج ولج انتي اختي تعرفين شنوو يعني
سرى : أني مثل متعرفون تربيت ابيت كلة ولد وماعرفت شنو أخت او صديقة من جنت صغيرة البنات جانوا يتجنبوني لان بطبيعة تربيتي فلا اراديا جانت تصرفاتي خشنة وياهن فبقيت وحدي الى أن اجتي فطومة بحياتي هي بنت عمي الصغير خطية عمرها سنة من عمي ومرتة ماتوا بحادث سيارة فبابا تكفل بيها وماما طارت فرح بيها ومن يومها بدت شخصيتي تتغير لكن لحد الآن اكو آثار لتربية الولد بشخصيتي مثل اللسان الطويل هههه المهم من كبروا اخواني تصرفات بنات العائلة تغيرت وياية صارن يجني علية ويتصلن عليه وكل يوم هداية وسوالف لحد ما اكتشفت هن يرسمن على الولد وبالاخص سامر اني جنت غبية مادري وانطيهن بأرقام الولد الى ان كشفتهن على حقيقتهن بس بوقف أليم ويوجع المهم أني بحياتي ماعرفت غير بنات ثنين سارة بنت خالتي اخت جوان الكبيرة الي وكفت وياية بصغري وغيرتي للاحسن ومريم الي من اول يوم شفتها صارت سند الي واني سند الها ماشفت انضف من قلبها ودفو ايدها من تمدها الي احسها أكثر من اخت
طول الكعدة متحملة جوان ب ال قل هو الله احد ماعرف هالبنية اكرها من جنة صغار فد وحده جذابة وكلما اشوفها تروح على مريم اكمز من يمي لان اعرف سوالفها أكيد راح تحجيلها كم كلمة حتى تقهرها لان هي غيورة وكلما رائد يمدح بمريم تتخبل وخصوصاً ذاك اليوم سمعتها هي ورائد يحجون جان كاعد بالمطبخ يشرب جاي وهو عنده عادة من يحجي بالتلفون يفتح سبيكر ههههه
جوان : ومنو هي مريم حتى تقارنها بيه
رائد : منو مقارنج بيها انتي الي لازك روحج بيها وانتي حتى مشايفتها للبنية
جوان : وانت ليش هيج ادافع لوحد مثلها
رائد : شنو وحدة مثلها شتقصدين
جوان : وحده لا من مستوانة ولا من عائلتنه لا اصل ولا فصل رائد : لج جوان هاي مريم تسواج و تسوى عشيرتج كلها
جوان : هيج صارت استاذ رائد
رائد : اي هيج ونص حتى تعرفين شلون تحجين أني لازم اربيج من جديد واكص السانج
جوان : تبجي وتحجي ... لا ليش روح اخذ ست مريم احسلك متربية على مزاجك
رائد : صدك انتي ماتستحين هاي مرت اخوية يا طايحت الحظ
جوان : عبالك ما ادري جنت تريد تخطبها
رائد : ولج والله لو مو سامر خطبها جان اتزوجتها على الاقل بنية صوتها ما ينسمع بس العتب مو عليج العتب على خالتي ماعرفت تربيج يلا ولي
