بارت 8
قد تاه دربي عن دربكي
وقد اصبحتي لغيري
واصبحت انا لغيركي
لكن للأبد انتي لي
......
جعفر : كومي لج مو عندج امتحان بالعشرة
سرى : اي والله ولا راجعت والبارحة ما امتحنت راح ارسب
جعفر: صحت الولد اريد احاسب
سرى : لا اني ادفع
جعفر: انجبي شنو تدفعين واني موجود
سرى : يلا براحتك
جعفر : لا بلا عود مسويتلي فضل
سرى : ما كلتلي البنية حلو لو لا ؟
جعفر : اي حلوة
سرى : بعد شكو
جعفر : عوفج مني ارتاحيت من حجيت المهم انتي راح تبقين تباوعيله هيج ؟؟؟
سرى : مادري انت شلون عرفت بس أني الي احسة مو شعور ابدي مجرد اعجاب
جعفر : وهذا صديق اخوج شنو جان اسمة
سرى : قيصر ..
جعفر : اي
سرى: هذا واحد مثل حظرتك ابو بنات والله مورطني بي كلما يتقدملي احد يروح عليه ويخربها
جعفر: هاااا هنا الحجي فهمت ليش ما تتقربين من أحمد
سرى : هاا هذيج مريم
جعفر : وينهاا ؟؟
سرى : ديربالك على قلبك لا يوكف .. ذيج هي كاعدة على المدرجات
..............
مريم ..
جنت كاعدة على المدرجات اراجع الإمتحان ومنتظرة سرى ماكو وردت اتصل عليها اجوي الطلاب والتهيت لما راحوا كلهم وبقيت وحدي صارت الساعة بالتسعة وربع توني جاي اتصل عليها و شفتها اجتي هي وجعفر وين جانت هاي
سرى: صباحوو
مريم: صباح الخير
جعفر : شلونج مريم
مريم : الحمد لله ..وانت شلونك ؟؟.. اجتي سرى باستني وكعدت بصفي
سرى : ولج شهالجمال اليوم متألقة
مريم : عيني وانتي شمسوية شهالقاط الحلوو والتنورة القصيرة وكذا ملياااانين انوثة ههههه
جعفر : الحمد لله مدام انتم بخير
سرى : مريم عندج علج اكلت بيض وريحة حلك صارت تلعب النفس
مريم : شوفي بالجنطة .. جعفر أني اسفة علمود ذاك اليوم جنت وقحة وياك كان المفروض اشكرك
جعفر: لا عادي اني اسفة ادخلت بشي خاص لكن حبيت اساعد
مريم : والله ماقصرت
سرى : ولج باركيلة خطب
مريم: صدك الف مبروك الله يوفقك يارب
جعفر: تسلمين
سرى : اي انتم انخطبوا واني ابقة لا خطيب ولا حبيب ... ولج مريم وينه هالعلج
مريم: بالجيب الصغير شبيج
سرى : لج شنو هااي طكينة عمي هههه .. هاي شكد
مريم : شكو شبيج ... عوفيهن مادري مشفتهن
سرى : شنو ماشفتيهن
مريم : سامر انطانياهن الصبح ومن ايدة للجنطة ماشفت شكد
سرى : ساامر !!!!
مريم : اي سامر جان بايت يمنه البارحة ووصلني الصبح
سرى : لا بربج صدك تحجين عبالي بات بالمحل
جعفر : من رخصتكم بنات
سرى : هاا وين
جعفر : عندي شغل وحركوا التلفون عليه
مريم : ماشفناك وهاي العوبة خبصتني وما فتمت منك شي
جعفر : على الجايات إن شاء الله ..
سرى بس راح جعفر رجعت تحسب الفﻻوس : ولج مريم هاي 75 الف مو ذاك اليوم جبتلج مصرف تعالي سولفيلي شصار بالتفصيل
مريم: هههه اوكي ورة الإمتحان اسولفلج
سرى : مو نولي للبيت ورة الإمتحان
مريم: اي بالطريق اسولفلج
سرى : اوكي
