البارت 10
ضيعتني ..
ضيعتني ..
وضاع كل عمري بصدودك ..
جيت اكلك وين شوكك وين يالغالي وعودك ..
قيصر ..
......
انساك واكول اليوم لو باجر ..
ترد تطلع بدربي واصد عنك مكابر ..
يبن هالروح وروح الروح بدونك انة ما صبر ..
وادورك بين الناس ومن الكاك اديرن وجهي واكولن هاجر .. هذا انة ضايع بدونك وما ريدك لان بعد وقربك بالاثنين انة مكسور الخاطر ...
سرى.
....
سامر : ليش باقية هنا
مريم : لا بس داساعد عمة
سامر : كلها هناك كاعدين عوفي من ايدج وتعالي وياية
مريم : بس اكمل اجي
سامر : اها لعد اني اكعد هنا لحد ما تقررين تجين ويايه
مريم : براحتك
سامر : راحتي !!! حقها ماتعرف وين راحتي مادري شيصير بية من تختفي وماتشوفها عيوني اريد كون كدام عيوني طول الوقت اصفن بيها مادري شنو بداخلها وبشنو تفكر بس ماعتقد تفكر بيه شكد اتمنى اضمها بين الضلوع بس هي تحب تبتعد وعايفها براحتها اولها وتاليتها تجي الي
مريم : سامر تصرفاته وياية مو مثل وية البقية يعني يعاملني بطريقة مختلفة كلها هدوء صح بيها اوامر ومرات مدري شلونها بس مو مثل عصبيته وكلامة الحدي وية البقية مادري شجاي احجي المهم تفهمون قصدي ههه
قطع حبل افكاري صوته الخشن
سامر : صبيلي مرة ثانية جاي
مريم : هزيت براسي .. هو جان كاعد على الكرسي بصف ميز الطعام يشرب بالجكارة والجاي فاخذت الاستكان وجاي اصبلة
سامر : جيبليا بغرفتي حبيبتي ..
مريم : هااا .. حجة وراح واني فتحت حلكي ليش اودي بغرفتة عزة شيوديني لهناك انوب هاي سرى وين ولت ياربي شيخلصها اليوم
سامر : خير شصاير .. بالصالة الدنيا محتركة نقاشات جنت اسمعهم بس مغلس لان السالفة مالها حل كل الحل بيد سرى
سرى : سامر تقبل بالي كاعد يصير
سامر : اوكفي ولج صدك نسيت ..جواد كوم اكو جنطة بالسيارة نزلها
رافد : اني نزلت كلشي
سامر : لا هاي مال الستاندات مانزلناها
جواد : ستاندات ؟؟
سامر : ليش بعدك كبالي مو كلت روح
جواد : رايح بس انطيني السويج
رافد : لا اصبر نزلتها وخليتها بالحديقة حتى ننصبهن
سامر : رافد الي ينطيك شغلة مايندم تكملها على افضل حال
سرى : ستاندات مال شنو
سامر : اكو ناس دزولج هدية
سرى : هدية الي ؟؟ شنو هي ومن منو ؟؟
سامر : ملعب مصغر مال ريشة
سرى: الله عليك وينة بالحديقة خليتوا .. وهذا منو الوردة الي دزة الي
سامر : خلاه رافد بالحديقة الخلفية حتى العصر ننصبة
سرى: ماتحمل للعصر هسة حروح اشوفة .. مريم وينج تعالي بسرعة نشوف هديتي ... رحت اركض على المطبخ جريت مريم حتى نشوفهن سوى
سامر : هههههه على كيفج وية مرتي
...
رافد : سامر سمعت الي كلتة لبابا
سامر : اي سمعته
رافد : وشنو رأيك
سامر : نفس رأي بابا
جواد : لا سامر دخيلك مابينة حيل طلايب قيصر
سامر : يعني شلون اغصبها حتى استاذ قيصر يرضى
رافد : صراحة فاجأتني ماتوقعت تنطي بي
سامر : مو لان هو صديقي فمعناها افضلة على اختي .صح اعزة حيل بس هي ماجاي تقبل شسويلها
جواد : يعني احضر نفسي الخميس راح تكعد الملاية يم بابنا
سامر : هههههه تقريباً
رافد : تمام لعد ابلغ الناس يجونة الخميس
سامر : اي براحتك ..
رافد : أني اترخص منكم لا تنتظروني على العشة.. وتوجه للباب
جواد : وين ؟؟
رافد : معزوم عند أحد اصدقائي وابات يمة
سامر : براحتك ..
