البارت 2
مريم: طلعنه من المطعم ورجعنه للكلية واني محجيت ولا حرف سرى تحجي وأني ساكته مصدومة من كلامها معقولة سامر ويختارني اني اصلا سرى شلون تفكر هيج اني من عالم وهو من عالم حتى اسمائنة من اكولهن وية بعض مايتراهمن ماكو اي احتمال ان نلتقي بعالم واحد اووف سرى شسويتي بيه
سرى : الوو بنتي وصلنه وين صافنة
مريم: هااا مادري اسفة
سرى:الله يعينج على نفسج
مريم:باوعت على الساعة فات وقت المختبر ..ولج عززة عدنه مختبر ب11 اركضي
ورة ساعتين
مريم:اووف متت تعب ادري حظي مصخم بس مو هيج
وليد : مريومة عيني اني آسف التجربة خربت مرتين بسببي
سرى:اني صح ثولة بس مو مثلك اجيت تحرك الجهاز وجان انطردنه
وليد: مجاي احجي وياج هو منو الي خلة المواد غلط ابوية ؟!
مريم :رايحة للخط اني وانتم تعاركوا مع السلامة..
سرى:لج اصبري جاية وياج لاتمشين سريع موتشوفيني لابسة كعب
وليد: اي بلكي توكعين واخلص منج
سرى:شوف هذا كاعدة ع قلبه ..
بعد دقائق سرى شافت علاء وخطيبته وهم ايد بأيد ومريم مامنتبهة
سرى:مريم تعالي منا اقرب ماريد افوت من الأدب
مريم:لا امشي بعد فتنه ..شفت سرى ماتريدني امشي من قسم علاء خاف اشوفة وجان اشوفة ايده بأيدها اووف اجذب اذا كلت ما هتميت لا اهتميت وتكطع قلبي وتمنيت لو سامعة كلامها بس جان لازم اشوف هالموقف حتى اكرهة و اشيلة من بالي شكد صعبة الشخص الي تفضلة على روحك وبيوم من الايام سمته وطن يبيعك ويسكن غيرك بي مرات اكول مو ذنبة السبب أهلة ورغم هذا كل عذر اخلي اله يكسرني أكثر شسوي نصيبي وقسمتي وهذا درس بالحياة حتى التفت بس لدراستي ..جنت صافنة بتفكيري ومادري بالدنيا ماحسيت غير واحد جرني وصوت سيارة لما باوعت هاي سرى واني بنص الشارع اني شجابني هنا
سرى:مريم بيج شي خوما تأذيتي وين صافنة استغفرالله ادري هو انتحار لو ثول
مريم: مادري والله ولا انتبهت
اجة الشرطي : سلامات سلامات خوما بيج شي اختي
مريم:لا شكراً
سرى: امشي خليني اوصلج للخط
الشرطي: العفو اختي بس هذه غراضج
سرى: ياغراض !!
مريم: العفو؟!!!!
الشرطي : الجدر مالتج الي عفتي الصبح يمنه
مريم : يااااا .اي تذكرت شكراً
الشرطي: تسلمين وعاشت ايدج
المفتش أحمد: السلام عليكم ..
البنات : وعليكم السلام
احمد: جعفر انطيتهم الجدر ؟؟
جعفر:اي بس الله ستر البنية اجتي تندعم مادري وين جان بالها
احمد:لا لا سلامتج خاف حسدناج على هالطبخ ما شاء الله
مريم: الله يسلمك الف عافية
أحمد: اشكرج
مريم :من رخصتكم تأخرت على الخط
أحمد: اخذي راحتج واي شي تحتاجينة احنه هنا
مريم:اشكرك اخي ماتقصرون مع السلامة
جعفر وأحمد: الله وياكم
سرى : ولج مريم هذا احمد المفتش هو الي اكل الدولمة مالتج؟؟؟؟
مريم: اي هو وهذا الشرطي
سرى:هههههههه ياشرطي ولج والنجمات الي بجتافه صدك ضحكتيني
مريم: يلا باي هسة حبي بالليل اخابرج
سرى: اوكي عمري بيباي
