# الحلقة 4 ^^
.................. ~~~~~.................
نضت صباح لبست حوايجي وخرجت حكمت طاكسي 🚕 رحت عند خالتي إيمان ماماها تاع نينا حليت عليا الباب نينا حضنتها ونحيت شعرة من شعرها ودخلت سلمت على خالتي 😗
-مرحبا بيك بنتي لباس😊
-الحمد لله خالتي نتي cv ؟
-لباس عيشك بنتي كيفاه حتى تفكرتي خالتك ليوم
-حلمت بيك لبارح طيبتيلي طاجين الفرماج 😁
-هههه بڨرة معليش ندير لبنتي ميش خسارة فيك
-عيشك خالتي مالا نروح نقرا كي نخلص نجي 😁😂
-أوكي بنتي 😊
-باي خالتي 😇
-باي😊
خرجت direct عند الطبيب درت التحاليل وقعدت نسنا
-آنسة ليان ***
-وي
-دكتور يسنا فيك
-أوكي جاية
دخلت عند الطبيب وأنا نرجف منيش حابة نسمع هدرتو
-آنسة ليان التحاليل يقولو بلي السيد محمد *** ميكونش باباك وADN تاعك يطابق مع ADN تاع الآنسة نينا يعني الآنسة نينا تكون أختك
هدرتو دخلتني في حيط😱😵 يعني حياتي كامل وأنا عايشة مع محمد *** وأنا حاسباتو بابا enfin أنا ميش بنتو ولمليحة أني بنت راجل خالتي فدقيقة هذيك كرهت ماما حبيت نروح نحكي كلش لبابا
خرجت رحت direct عند بابا لشريكة أنا حبست نشوف فيه مع وحدة فطاكسي ركب هو وياها وراحو أنا هاذ لمرة ميش دخلت في حيط😰 مفهمت والو تلفلي كلش أيا قلت لطاكسيور تبع هذيك طاكسي noir أيا بقيت نتبع فيه حتى نشوف فيهم وصلة لhotel أنا لتم صاي موليتش حاسة بروحي😵 رجعت لدار دخلت لبيتي وبقيت نبكي 😭😭في دقيقة كلش تخلط عليا كنت عايشة حياتي طول وعرض والو يبكيني نلقا روحي كي شغل يتيمة ماما خاينة وبابا كتر منها بكيت بكيت حتى عييت وتغميت رقدت😴
نضت لعشية لبست حوايجي وعيطت لآسر
-آسوريييي 😍
-منيش سوري يا دابة 😏
-هههه هيه علابالي نتا خير من سوري زين ودين وش خصك..
-لياااان بلا مقدمات وش تحتاجي 😕
معليش تديني عند خالتي 😁😁
-أوكي أهبطي
- عندك تبدل رايك
هبطت ركبت معاه كي العادة هو برك لي نحسو ماهوش خادعني آسر هو خويا لي ماجابتهوليش ماما بقينا نضحكو حتى وصلنا
-أيا أهبطي قودي تشو 😂
-باي 😒😒
-ناس يقولو مرسي يا الحابسة
-ياااه نسيت صحة قوادة بيبي 😁😁
-تبقاي سامطة تاع وذني باي 😒
يتبع......
أنت تقرأ
★*★*★كرونيك انتقام انثى باللهجة الجزائرية★*★*★
Bí ẩn / Giật gân★*★*★...كرونيك انتقام أنثى...★*★*★ منقووووولة### باللهجة الجزائرية 🇩🇿🇩🇿🇩🇿🇩🇿🇩🇿🇩🇿 لحكاية فيها ضحك😂 إنتقام حزن 😢رومانسية 😘وشوي تسوفيج #الحلقة 1 ^^ .............~~~~~................ قاعدة في بيتي نتفرج كي العادة 😍 هنودة شطيح ورديح 💁...
