#الحلقة 11 ^^
-نينااااا -ها رب هاه قتلك هاداك لعام متندبيش هكا -ههههه خرية هاني رايحة ومخليتهالك -وين رايحة ؟ تزعقي بيا🙁 -راح نبدل لوتيل معجبنيش -صاااار طيري مالا -هههه نحبك يا البهلولة -مام أنا يا جحشة تهلاي في روحك -أوكي باي جيت رايحة مبعد درت عندها -نينا تخيلي جيت ختك يعني هكا ونظهر ختك تاع الصح -ههههه واقيلا ڨعدتي معانا يامات عشقتيني ونسيتي رزان ههه سامحيني ليان منقبلكش ختي أنا تخلعت الدم جمد في عروقي -علاه -باسكو نتي حاطة آسر كي خوك وأنا منقدرش نكون ختو -تفففوه عليك يا رخيسة خلعتيني -هههههه باي يا البقرة -ههه باي خرجت رحت ديراكت عند آسر للدار رحت للطاقة وهزيت لحجر وبديت نطارش كي المصعورة خرج هو يعرش ويسب لقاني أنا قالي اااا جيتي الهم🤓 -هيه مالا منجيش -أنا قلت تهنيت منك -والله نبقا لاصقة فيك غير متخممش وناوي تخليني هنا نسنا أيا أهبط خيرلك -ههه اني جاي القردة وتدي طريحة ماصراتش كي وليتي طفي عليا تيليفون أصبري تشو هو جا خبطني على راسي وأنا بديت نعيط تغتصبني يالي متحشمش واش درتلك أنا علاه يا ربي علاه هو يسكت فيا وأنا وليت نعيط علخر لميت عليه أمة محمد وهو يسكت فيا -يا طفلة هبلتي -أسكت أسكت شكون لي هبل أنا ولا نتا يا عديم الشرف يجيوك خاوتي يقطعوك -هههه ليان واش بيك تزعقي وأنا نعيط وطحت فلرض دمعة وخنونة ودرت روحي تغاشيت وناس جاو يفطنو فيا وشبعو فيه تبهديل مبعد نضت قتلهم مرسي ربي يحفظكم راني مليحة هوما راحو وأنا نشوف مع آسر هبطت نحيت الطالون ونعطي ريح لرجليا أنا نجري وهو ورايا يسب وأنا نضحك بدموع -ليوم نقتلك يا البلوة ونتهنا من راسة تاعك -هههههه يا ودي أحكمني من بعد ساهل -يا البغلة يا المتوحشة يالي متليقيش حبسي -ههههه هربت طلعت طول لدار وخليتو تحت الدار يسنا دخلت درت دوش طليت لقيتو راح mais علابالي نهار يحكمني يعذبني
يتبع.....
أنت تقرأ
★*★*★كرونيك انتقام انثى باللهجة الجزائرية★*★*★
Misterio / Suspenso★*★*★...كرونيك انتقام أنثى...★*★*★ منقووووولة### باللهجة الجزائرية 🇩🇿🇩🇿🇩🇿🇩🇿🇩🇿🇩🇿 لحكاية فيها ضحك😂 إنتقام حزن 😢رومانسية 😘وشوي تسوفيج #الحلقة 1 ^^ .............~~~~~................ قاعدة في بيتي نتفرج كي العادة 😍 هنودة شطيح ورديح 💁...
