#الحلقة 60 ^^
(أسد يحكي):
آخر مرة حكيت مع يزن كانت نهار خطبتو مع ليان كنت حاب نحضر mais كانت عندي خدمة منقدرش نروح لدزاير باركتلو وكوبيت من وراها عيطتلو mais محكمتوش مقدرتش نوصل ليه حتى تلاقيت ليان عرفت بلي يزن فالحبس رجعت واعترفت بغلطتي وقررت قبل ما ندخل للحبس نوجد عرس يزن وليان تواصلت مع آسر ونينا باه يعاونوني 🙂🙂 (ليان تحكي): كنت نسمع فالحكم ارتحت كي سمعت يزن بريء حسيت بفرحة ميش نورمال نشوف فيه مع أسد بزاف مشفتوش ولات عندو لحية كبيرة وعينيه محوطين غلبان علخر دموعي هبطو 😢 حاسبتو على غلطة مادارهاش نتمنى يسامحني مقدرتش كتر خرجت ورحت لدارو قبل مايروح هو دخلت لقيتها كيما خليناها كل بلاصة فيها تفكرني في يزن موليتش نحكم دموعي😭😭 طلعت لبيتو جبدت تريكوه وبقيت نشم فيه حكمتني هستيريا ميش نورمال سامحني يا عمري ماكانش علابالي وعدتك منخليكش وخليتك سامحني يزن نحبك والله نموت فيك 😭 -وأنا نعشقك ليان😍 (درت لقيتو واقف ورايا) تلحت ليه حضنتو وبقيت نبكي 😭 -سامحني حبي عيشك سامحني 😢 -سامحتك عمري ششششت منحبش دموعك -يزن توحشتك يا روحي -وأنا مووووت نحبك ليان وراس حبي 3 سنين مانسيتكش دقيقة منقدرش كتر من هاك قربت ليه حطيت شواربي على شواربو وبستو😘 بقيت لاصقة فيه متوحشتو لدرجة كبيرة كلش فيا يحب عليه بقيت محضنتو حتى صونا تيليفوني لقيتو آسر -ليان حطي واش في يدك جيبي يزن وأرواحي -واش كاين آسر....كوبا عليا -يزن خلينا نروحو -أوكي خرجنا ورحنا للفيلا مع دخلنا لقينا طارط كبيرة مكتوب فيها زواج سعيد يزن & ليان طرت بالفرحة 😍😍 -مممم ناويين تزوجو بالحالة هذي ههه -هههه صار هذي خدايمك آسر -ميش أنا صحبتك لانتيم لازم نزوجك باه نتهنى 😂😂 -هههه ربي يخليك ليا😚 -مرسي آسر(يزن يحكي) -بلا مزية يزن ليان راهي ختي رد بالك تزعفها -نحطها في عينيا 😊 -عيشك أيا أطلعو وجدو رواحكم قبل ما يجي الغاشي (طلعو دوشو وبدلو..ليان لبست غوب بلانش😍 كونفارس بيضة ههه حياتها كامل وهي تقول لآسر نلبس كونفارس في عرسي هو جابهولها مشطت شعرها حطت ماكياج جات هبال في هبال😍😍 ويزن ماخلاش لبس كوستيم نوار بابيون روج صباط نوار عدل لحيتو وشعرو وحط بارفان تاعو كي العادة جا يفتق كيما يقولو التوانسة❤💖) هبطو وهوما حاكمين في يدين بعضاهم دارو الفاتحة وجا القاضي عقدو ولات مرتو ڨدام الناس كامل آسر ونينا دارولهم ريزارف لشمبرة هبال في أوتيل حذا البحر سلمو عليهم وراحوو....
يتبع.....
أنت تقرأ
★*★*★كرونيك انتقام انثى باللهجة الجزائرية★*★*★
Mystère / Thriller★*★*★...كرونيك انتقام أنثى...★*★*★ منقووووولة### باللهجة الجزائرية 🇩🇿🇩🇿🇩🇿🇩🇿🇩🇿🇩🇿 لحكاية فيها ضحك😂 إنتقام حزن 😢رومانسية 😘وشوي تسوفيج #الحلقة 1 ^^ .............~~~~~................ قاعدة في بيتي نتفرج كي العادة 😍 هنودة شطيح ورديح 💁...
