# الحلقة 9 ^^
إلهام تحكي :
نهار طلعت لبيتي ولقيت لميساج تاع زياد (هذا راجل ختها يعني باباها تاع ليان) تخلعت 😰 خفت تكون ليان شافاتو mais علابالي كون شافاتو أي هدرت ميش طبايعها تسكت بففف لازم نحكي مع زياد هزيت تيليفوني وعيطتلو
-آلوو زياد
-وي إلهام cv ؟
-لباس حمد الله
-إلهام ليان بنتي
-لالا
-جاوبيني سينو نفضحك والله
-بففف أوكي إيه بنتك mais أنسا بلي بنتك أوكي متجربش تبعد بنتي عليا ومتجربش تقولها راني نفضحك وراك عارف علاواه نهدر أوكي راني نقدر نخليك تكمل حياتك كامل فلحبس
-أوكي مانيش راح نهدر حبيت نتأكد برك باي
-باي
بقيت نخمم كيفاه نبعد ليان على زياد حتى نلقاها دخلت
-ماما راني رايحة عند خالتي نريح يامات ونجي
-نو ليان متروحيش
-علاه منروحش خايفة من كاش حاجة
-واشنو هاد الهدرة ليان
-مالا نروح
-بفففف مطوليش
-أوكي باي
خرجت وخلاتني مفهمتش علاه تتعامل معايا هكا وأنا منحبش نحتم عليها حاجة بسيف
...............~~~~~~.............
ليان تحكي :
حبيت نفهم كلش علاه ماما خانت بابا وشكون هذيك لمرا لي شفتها مع بابا (زعما قررت نولي كونان😂) أيا قلت نروح عند خالتي باه نلقا راحتي وفي نفس الوقت نعرف معلومات على راجل خالتي لي هو بابا درك فاتت سمانة وأنا غير نتبهلل مع نينا لا أحاسيس لا مشاعر ههههه ومطفية تيليفوني باه متعيطليش ماما وبابا محمد علابالي آسر يقتلني mais مبعد نفهمو
ليوم قررت نروح لشريكة تاع بابا ونجرب نعرف هذيك لمرا شكون نضت لبست حوايجي وخرجت طلعت فطاكسي ورحت للشريكة دخلت رحت للبيرو تاع بابا نسمع فيه يعيط ويقلها أخرجي درك تخرجي ونسمع هاد الهدرة عند واحد خلاف نقتلك بلاما نخمم مرتين وتعرفيني نسمع فيها تقولو تسلكها غالية والله يامحمد تسلكها غالية
أنا تشوكيت فوق ما خاين ظهر قاتل 😱😱 تصدمت بالحق هاد المرة حبيت ننتقم منو وخلاص كرهتو وحقدت عليه كتر من ماما سنيتها خرجت ورحت عندها....
يتبع.....
أنت تقرأ
★*★*★كرونيك انتقام انثى باللهجة الجزائرية★*★*★
Misteri / Thriller★*★*★...كرونيك انتقام أنثى...★*★*★ منقووووولة### باللهجة الجزائرية 🇩🇿🇩🇿🇩🇿🇩🇿🇩🇿🇩🇿 لحكاية فيها ضحك😂 إنتقام حزن 😢رومانسية 😘وشوي تسوفيج #الحلقة 1 ^^ .............~~~~~................ قاعدة في بيتي نتفرج كي العادة 😍 هنودة شطيح ورديح 💁...
