آسيا

الفصل الثاني

#اسيا
#البطل_الوقح_الرومانسي_رزق😂

#الفصل_الثاني

اسيا كانت مصدومه وف نفسها .. هو قال انو جوزي.. طيب ليه.. هو يمكن شك فيا.. اه اه اكيد شك فيا.. عاوز يعرف رد فعلي هيكون اي.. ربنا يستر..

آدم : مالك يا اسيا؟.. ساكته ليه؟..

اسيا ب صوت خايف : لا مفيش.. بس انا مش فكراك.. ومش حاسه ان فيه اي علاقه تربطنا..

هنا الدكتوره ادخلت : دا بسبب فقدان الذاكرة يا مدام.. بس كل دا مع الوقت هيتحل..

آدم : وغير كدا لأننا فعلا متجوزين من فتره صغيره جدا..

اسيا : ط طيب وانا هافصل كدا لحد امتي..

الدكتوره : لحد ما الذاكره تجعلك.. علي العموم انتي لازم ترتاحي.. وابعدي عن أي ضغط.. ومن الاحسن أنك تحاولي تفتكري كل حاجه لوحدك.. من غير ما حد يحكيلك عشان ميحصلش تشوش ليكي وتتعبي...

آدم كلام الدكتوره ريحو.. بالطريقه دي مش هيكون مضطر يكدب عليها ويألف حكايه..

آدم : تمام يا دكتوره..

الدكتوره : اتفضل دي الروشته.. من الاحسن انها تاخد المسكن علي طول عشان الصداع هيفضل ملازمها.. بعد اذنكم

آدم : تمام.. اتفضلي..

الدكتوره مشيت و أدم طلع معاها وآسيا فضلت في السرير سرحانه في الي بيحصلها وفي سرها اتكلمت.. مره أمجد الشامي.. وبعدها آدم الصياد.. طيب ليه عمل كدا.. وليه قال أني مراتو.. انا مش عارفه الدنيا هتعمل فيا اي.. وجعي علي اهلي.. وبيع عمي ليا..والدنيا الي كل شويه تحبط فيا بطريقه وفي الاخر جابتني هنا(دموعها نزلت كتير ) انا تعبت والله تعبت..

شويه وادم دخل.. وشاف دموعها. ادايق ومش عارفه ليه.. الدموع مش عشانها اصلا... عيونها دي عشان تضحك وبس..

آدم : احم احم.. اسيا انتي كويسه..

اسيا تقريبا مش بتعرف تتنفس لما بيكون موجود وبصوت واطي جدا : كويسه..

آدم قرب منها ومسك ايدها.. ومع اول لمسه حس بيها بتترعش.. وكأن كهربا دخلت جسمها : طيب ليه الدموع دي..

اسيا ب خوف : انا بس تعبانه من الي حصل... مش حابه اني اكون كدا.. حاسه ان فيه حاجه غلط..

آدم وهو لسه ماسك ايدها وبيتكلم ب همس : واي هيا الحاجه الغلط..

اسيا ب خوف وهي بتعبد ايديها : خوف منك انت.. حاسه انك غريب عني..

آدم ب ارتبك وحاول يعدي الموضوع : ما انتي سمعتي الدكتوره بتقول ان دا من تأثير فقدان الذاكرة.. وكلها شويه وهتكون بخير.. المهم انك تاخدي دواكي وترتاحي..

اسيا برقه جننت آدم : ماشي يا آدم..

آدم قلبو كان هيقف من كتر ما كان بيدق بسرعه وقالها : قولي اسمي تاني كدا..