منى :مي يا مي
سارة :خيتوالبت دي عبيطة شديد في النوم
منال جات داخلة من برة :اها يا منى قامت ولا لسة
منى :تعالى قوميها براك
منال قعدت طرف السرير ومررت يدها على شعري :مي حبيبتي قومي المغرب قرب يأذن
ميهاف :مغرب أنا نمت متين منال متين رجعنا من الخرطوم وراجلك وينو
منال : شكلك حلمانة لأنو لسة العرس ما تم يلا قومي صلي العصر
أنا :طيب خالو محمد جا
منال :اي
أنا: وصل معاهو منو
منال :جا مع تيسير وتقوى يلا قومي صلي وتعالي سلمي من قبيل بسأل منك
ميهاف (حلم غريب خلاص )
قمتا اتوضيت صليت واتحممتا ولبست توبي طلعت الحوش لقيتهم قاعدين كلهم مع بعض حتى حبوبة
بابا :صح النوم
تقوى :شكلها حلمانة حلم سمح لمن ما راضية تقطعي
تيسير :وارثة اصلو
خالو :هوي ها ما تشاغلو لي بتي
سلمت على تقوى بالأحضان وجيت مديت يدي لي تيسير اتفاجأت بيهو سحبني لي حضنو
تيسير بهمس :الواقع أحلى من الصور
وواصل كلامو بي صوت عالي يوسف قالي اسلم عليك وابوسك من الخدين
خالو :تيسير
تيسير :لازم انفذ الوصية
الكل ما عدا ميهاف :هههههههههههههههه
بابا :عاد يوسف دة طول مننا
خالو :قال حيحاول يجي الخميس إن شاء الله لو لقى طريقة
خالو :اقعدي جنبي يا بتي
ميهاف (سبحان الله حلم غريب عرس منال ما تم لمن حلمت اني عرست وسافرت الخرطوم وتالين ورغد وسلمى ونزلت الجامعة وخطبت منى ويوسف خيتو الحمد لله انو كان حلم وانتهى )
المغرب أذن قمت مشيت غرفتي اتوضيت صليت وبعدها فتحت المصحف قعدت اقرأ
تاني يوم كان الأربعاء يوم حنة منال فكرنا نعملها في الحوش الخلفي فمن الصباح شغالين نزين فيها
تيسير :خلوني اساعدكم
منى :طوالي
تقوى :انت بتعرف شنو يا زول غرفتك ما بتعرف ترتبها
تيسير :تقوى ما تنشري الغسيل
منى :خلاص انقل لينا الحاجات
تيسير :ما تستهيونو بقدراتي يلا امشو خلوني براي بزين ليكم المكان
خلينا تيسير براهو ودخلنا المطبخ نجهز المأكولات البنقدمها بعد ساعتين خلصنا مشينا الصالة نرتاح لقينا حبوبة وتيسير بتونسو
منى :متين انتهيت
تقوى :شكلو كلفت الشغلانية
تيسير :هوي ها امشو شوفو وبعداك علقو
بالجد تيسير نظم المكان بطريقة جميلة جداً جداً حتى انو كل الناس الجات للحنة بتسألنا النظم المكان منو
بعد الناس فرت قعدنا نتونس
تقوى :تيسير طبعاً صورت المكان رسلتو لي ماما وقالت لي تاني نهائي ما بتهبش غرفتك ترتبها براك
تيسير :اريتو لو ما جبناك معانا
منى :هههههههههههه خربت ليك مشاريعك
تيسير :اي ياخ هسع أمي تاني ما بتساعدني فر حاجة بي سببك
ميهاف :تعيش وتأخد غيرها يلا شباب تصبحوا على خير
تقوى :البت دي جنها نوم
منى :اسكتي ساكت مرات بتنوم من بعد العشاء للضهر
تيسير :شكلها بتتهرب من حاجة وما لقت غير النوم وسيلة
منى وتقوى وتيسير واصلوا ونستهم لي وقت متأخر وبعدها مشو نامو
يوم الخميس
البيت اتملا ضيوف خالات منال و الجيران و صاحباتنا
أنت تقرأ
الجميلة القروية( مكتملة)
Romanceكتير من أهل المدن بنتقدوا أهل القرى وبعايروهم بي عيشتهم وثقافتهم وتعليمهم وعاداتهم وتقاليدهم .. منو القال القرويين جهال منو القال القرويين همجيين .. القروي عيشتو بسيطة بصحى من دون منبه زيكم بصلى الصبح حاضر مع الجماعة وقبل الشروق طلع للشغل عندو أهم ش...
