بعد صليت العشاء طلعت الحديقة لقيت يوسف وحثام قاعدين اي واحد سرحان
فكرتا اخلعهم جيت مستعجلة قبل ما افتح خشمي حسيت بي نفسي طايرة فوق ورجعت واقعة في زول فتحت عيوني براحة قابلتني عيون سودة كحيلة ونعسانة موقف ما بتمنى وحدة تكون فيهو لحظات مرت ونحنا في صمت وأنا طبعاً سرحت في عيونو الجذابة وعيت على لمست يوسف و هو بقومني قمت حضنتو (خجلانة عايزة اغطي وشي ) ختيت راسي في صدروا
أسعد و إيهاب :هههههههههههههههه
حثام :ميهاف اتأذيتي في شيء واجعك
أنا اكتفيت بي هز راسي وأنا حاضنة يوسف
يوسف :شباب اقعدوا تكة (لحظة ) وراجع ليكم
مشى بي مسافة بعيدة
يوسف :مي حصل خير معليش رميتك بالغلط
أنا :يعني دة انت الرميتني
يوسف إبتسم :هههه معليش هههه من دون ههههههههههههه من دون قصد يلا امشي جوة بكرة الصباح تعاليني هنا نتكلم
أنا مشيت جوة ويوسف رجع للشباب
إيهاب :منظركم كان مخجل ههههههههههههه
أسعد :يا حليلها مي ههههههههههههه
حثام :خلصتو
أسعد :لسة
يوسف :الضحك الكتير مضر يا حضرة الدكتور
حثام :دايماً بحزرك اقعد زي الناس هسع عقدت البت تاني ما حتعاين في وشي
يوسف : لا لا حصل خير أما إنها تشوف وشك دة كلام كبير بكرة نتناقش فيهو يلا ارح نشوف تجهيزات بكرة قبل ننوم
يوم الجمعة بعد صلاة الصبح لاقيت يوسف اتونسنا زين وبعدها مسيت ساعدت الناس في عمل الشاي بعد انتهينا من موضوع الشاي ودينا الفطور للعروس
لمن رجعنا لقينا الشباب عملوا الصيوان وجهزوا مكان الغداء كبينا ليهم فطرو وبعدها مشوا يتجهزو للجامع
بعد العقد والناس اتغدت خلاص جهزنا منال وجبناها البيت بي توب الجرتق والقرمصيص بابا حا مسكها من يدها سلمها لي هيثم ( راجل منال )
بابا :فلذة كبدي حافظ عليها
أبو هيثم :إن ما شالتها الأرض نشيلها في رأسنا
هيثم :ما توصي حريص منال في عيني
ودعناها ودموعنا ما راضية تقيف بس نعمل شنو دة الحال في ولادة البنات
جاية من سفر وتعبانة كتبتها عشان اوفي بي وعدي معليش اعذاري كترت ابقوا طيبين
أنت تقرأ
الجميلة القروية( مكتملة)
Romanceكتير من أهل المدن بنتقدوا أهل القرى وبعايروهم بي عيشتهم وثقافتهم وتعليمهم وعاداتهم وتقاليدهم .. منو القال القرويين جهال منو القال القرويين همجيين .. القروي عيشتو بسيطة بصحى من دون منبه زيكم بصلى الصبح حاضر مع الجماعة وقبل الشروق طلع للشغل عندو أهم ش...
