( بكمل ليكم باقي الرواية على لسان ميهاف )
منى :حتخلو لي البيت فاضي يا كتلة التلج كنت مفتكرة لو عرستي حارتاح منك لكن والله حتفرقي معاي مشاغلاتي ليك و ردودك الباردة
ميهاف :حازورك كل فترة والتانية وانتي زاتك حاولي زوريني
منى :خيتو السمعتو لو طلع صح كل يوم حازورك
ميهاف :كيفن حتجيني بالطيارة ولا شنو
منى :سمعت بابا نقل شغلو هناك لأنو هدفو الهنا انتهى وحنستقر هناك بنجي هنا من فترة لي فترة
ميهاف :إن شاء الله
تقوى :يلا ننوم ورانا قومة بدري بكرة
ميهاف :اي لكن برضو ما بمنع نساهر شوية
منى :خلي نتونس شوية بكرة بلقاكم وين
قعدنا ندردش للساعة 12
ميهاف :هوي بعد دة كفانا
منى :اي
تقوى :السرير وينو
منى وميهاف :هههههههههههههههه
.
.
.
تاني يوم الصباح بدري قمنا دخلنا المطبخ جهزنا الشاي والقهوة
ميهاف :منى صحي تقوى
بابا جا داخل المطبخ :صبحكم الله بالخير حبيباتي
ميهاف ومنى :صباح النور
بابا : يلا اجهزو بعد الصلاة حتتحركو
.
.
بابا :مع السلامة ربنا يحفظكم
خالو :بناتك بناتي مش دة كلامك يلا من هسع بقو مسؤوليتي
اتحركنا إلى الخرطوم بلد أول مرة امشيها ما انو منى دايماً بتمشي الخرطوم مع بابا وبعد مرور 6 ساعات تقوى وياسر بتونسو مرات بشاركهم ومرات اسرح في الطريق ، أما عمو عمر طول الطريق نايم وصلنا مع آذان الضهر
ياسر :تقوى صحي أبوي
تقوى :حاضر
ياسر وقف قدام بوابة كبيرة ضرب بوري فتحوا البوابة دخل العربية نزلنا
.
.
.
حبوبة :منى تعالي افطري
منى :حبوبة أنا ما جعانة لمن اجوع بأكل
حبوبة :الله يهديك يا بتي بابا جا داخل
بابا :السلام عليكم
حبوبة ومنى :وعليكم السلام
بابا :خير بتي الحلوة مالها
منى :ما في شيء بس زهجانة
بابا :زهجانة وأنا قاعد لا لا كدة ما ينفع ارح معي فرقي
حبوبة :حنسها تأكل من الصباح على لحم بطنها
بابا : حاضر يلا اغر ونطلع استنيني
( منى البيت بقى ليها مسيخ شديد و كئيب )
بابا :يلا ارح يمة المغرب بنرجع
حبوبة :كويس خلو بالكم من الطريق
.
.
.
ياسر فتح الباب دخلنا جوة بعد الباب طوالي في صالة كبيرة بالجنبة فيها صفرة وفي الوسط كراسي جلوس وعلى الطرف التاني في المطبخ على ما أظن
تيسير :وصلتو ماما وصلو
تقوى :ماما يا بيبي
تيسير :توتة مشتاقين
تقوى :بالكتيييير تعال خش حضن
خالو :انتو متين تعقلو تعالي اقعدو
تيسير :أوبا وأخيراً اتلاقينا
ميهاف :وأخيراً
تيسير : كيفك ميهاف
ميهاف :كويسة الحمد لله
تيسير :وأنا كويس
تيسير سلم على الكل وجات خالتو نهال سلمت علينا
ياسر :حنطلع نصلي وننوم
نهال :فطرتو
تقوى :اي
.
.
.
بابا :يلا بسم الله لو ما اكلتي ما حنقوم من هنا
منى :بابا نفسي مقفولة
بابا :لا لا ما بعرف شيء لازم تأكلي لأنو لازماك طاقة عشان تلعبي
منى :حنمشي الملاهي
بابا :كان لكن انتي شكلك ما عايزة
منى :خلاص باكل
بابا :ايوة دي منى حبيبتي البعرفها
أنت تقرأ
الجميلة القروية( مكتملة)
Romansaكتير من أهل المدن بنتقدوا أهل القرى وبعايروهم بي عيشتهم وثقافتهم وتعليمهم وعاداتهم وتقاليدهم .. منو القال القرويين جهال منو القال القرويين همجيين .. القروي عيشتو بسيطة بصحى من دون منبه زيكم بصلى الصبح حاضر مع الجماعة وقبل الشروق طلع للشغل عندو أهم ش...